ابيزا مو94

[mazymazy]

السلام عليكم و رحمة الله و بركاته

انا عندى ابيزا مو 94 دواخل فابريقة بالكامل و عفشة المانى جديدة بالكامل ( مقصات و كبالن داخلى و خارجى المانى- 4 مساعدين المانى - جوان وش سلندر اسبانى - بطاحتين المانى )

- 4 فرد كاوتش next مقاس 14 جنوط جديدة اصلى حديد - حزام نظافة بوية المانى - لون فرانى غامق

تانى يد عاملة 145,000 كيلو منذ سنة 1994كنت عايز اعرف بحالتها دى سعرها يعمل كام مع العلم انى اشتريتها من ابن خالتى من سنتين و نصف تقريبا بـ34,500

[Mohamed.Ramah]

سعر تقريبى ليها من 28.000 الى 30.000 واية اخبار الموتور وهل متسقط لها موتور وهى كام سى سى كل دة بيفرق فى السعر

[mazymazy]

موتورها 1300 سى سى موتور الفابريقة و حالته تقريبا 85 % من حالة الفابريقة ( ده كلام الميكانيكية ) اللى شافوها .ومش مفوت ولا خفيف ولا حاجة

[Mohamed.Ramah]

طب تمام وهى glx دة بيفرق فى الكماليات وباى حال من الاحوال العربية متزيدش عن 30.000

ممكن تروح لمحمد سمير يكشفلك عليها و هو امين جدا و هيطلعلك Report كامل بكل حاجة فيها.
أخر النزهة الجديدة فى جسر السويس ورا حديقة بدر.
تليفون: 0122354589

[mazymazy]

ربنا يخليكى يا باشا على اهتمامك بس انا ف اسكندرية للاسف . وعموما هيا فيها 2 زجاج امامى كهرباء و سنتر

[Mohamed.Ramah]

للاسف معرفش حد فى اسكندررية وهى glx والف مبروك مقدما تجيبها على خير

[mesho_kimi]

صعب إنها تجيبلك السعر ده لانها بالسعرده تجيب بولو نفس الموديل ومعروف ان الايبيزا هى الشقيقة الصغرى للبولو

[dragon_devil]

محتاجة شغل فى الصاج ولا لاء وعلى العموم هية تعمل 25 الف ودة سعرها دلوقتى لو حالتها نضيفة لائن موديل ال 98 هوة الى بيعمل 27 الف و 30 الف على حسب الحالة وربنا يحسنلك بيعها ان شاء الله وللعلم انا مش تاجر وجى افطس سعرها لاء هية والجولف 2 سعرهم قريب من بعض جدا وهمة ال 2 سعرهم دلوقتى كدة واسئل وحتعرف

[mazymazy]

انا شاكر ليكم جد1 تعاونكم معايا . بس الحقيقة ان الاسعار اللى انتم بتتكلموا فيها دى غريبة اوى لان العربية جابتلى وانا واقف فى الشارع ومكانتش ساعتها عايز ابيع والراجل اللى عرض عليا انه يشتريها والله بجد الكلام ده حصل و اتكلمنا ف 34000 وهوا اللى كان مصر يشترى مع انى قولتله انى مش عايز ابيع والله العظيم . وبعدين يا جماعة انا جايبها من سنتين ب 34500 ازاى تقل 10000 جنيه ف سنتين

[m000dy]

الفكره مش انها قلت 10000 جنيه فى سنتين
الفكره فى اللى حصل فى السنتين وخصوصا الفتره الاخيره فى سوق السيارات وده مش خافى على حد
ومن ناحيه تانيه موضوع الجمارك اللى هاتقل على الاوروبى فهاتخللى اسعار الاوروبى القديم كل يوم فى النازل وحتى ولو لم يطبق التخفيض بشكل سريع او حصل فيه تاخير فكفايه بس الشائعات
نصيحه ماتبعش الا لما يبقى معاك الفرق اللى يركبك العربيه اللى عينك عليها ولو حسبتها مش عربيتك بس اللى سعرها نزل لا
ده كمان فى عربيات تانيه معنى كده ان فى اغلب الاحيان اللى بيبيع عشان يركب حاجه تانيه هايدفع تقريبا نفس الفرق لو كانت الاسعار لسه عاليه

[dragon_devil]

الفكره مش انها قلت 10000 جنيه فى سنتين
الفكره فى اللى حصل فى السنتين وخصوصا الفتره الاخيره فى سوق السيارات وده مش خافى على حد
ومن ناحيه تانيه موضوع الجمارك اللى هاتقل على الاوروبى فهاتخللى اسعار الاوروبى القديم كل يوم فى النازل وحتى ولو لم يطبق التخفيض بشكل سريع او حصل فيه تاخير فكفايه بس الشائعات
نصيحه ماتبعش الا لما يبقى معاك الفرق اللى يركبك العربيه اللى عينك عليها ولو حسبتها مش عربيتك بس اللى سعرها نزل لا
ده كمان فى عربيات تانيه معنى كده ان فى اغلب الاحيان اللى بيبيع عشان يركب حاجه تانيه هايدفع تقريبا نفس الفرق لو كانت الاسعار لسه عاليه

كلام مظبوط وتمام وبمنتهى البساطة حتبيع غالى حتشترى غالى حتبيع رخيص حتشترى رخيص فى الحسبة هية هية مش فارقة كتير هوة ياباشا الى بيشترى الموبيل ب 3000 جنية بعد شهرين بيجيب 1500 مش عاوزين فى سنتين سعر العربيات تقل مع كل الكلام دة

[windofchange]

لو حالتها كويسة تجيب 35 الف من 4 شهور كده واحدة اتباعت امامي علي 35000 بس اول يد

[marwan_147]

من 27 الف الى 30 الف حسب الحالة