سيات اروسا

[FnoOO]

يا جماعة عندي سؤال بخصوص العربية دي
انا معروض عليا واحدة للبيع
وعايز اعرف هيا عربية حلوة ولا وحشة
انا شفتها هيا شبه الابيزا بالظبط بس باب واحد
ماتور 1000
تكيف وباور وسنتر وازاز كهربة
موديل 1997
تساوي في حدود كام سعر وحلوة ولا وحشة وايه مميزاتها ويوبها
واكشف عليها فين قبل ما اشتريها ؟؟
عشان مش عايز يتضحك علبا

[iBiZa]

تساوي في حدود كام سعر

هى مفيش منها كتير اصلا فا ملهاش سعر ثابت عشان اقولك بكذا. انت معروضة عليك بكام ؟؟

وحلوة ولا وحشة وايه مميزاتها ويوبها

موتور و عفشة و تابلوة هو بتاع الIbiza بس مشكلتك فى الصاج و الفوانيس.
المرايات بتاعة الPolo.

[FnoOO]

معروضة عليا تكيف وباور وسنتر وازاز كهربة واتنين ايرباج
ب 21
وخايف اجيبها اتدبس في اي قطع غيار
اول لو حبيت ابيع ماعرفش
كدة يعني
ورحت للميكانيكي بتاعي اسأله قالي اوعي , انت كدة هاتجيب عربية تقعد في ارابيزك وماتعرفش تبيعها وهاتتعبك وهاتقرفك
وانا صراحة ماعيش غير 21 اصلا

[iBiZa]

معروضة عليا تكيف وباور وسنتر وازاز كهربة واتنين ايرباج
ب 21

مفيش عربية فيها الكماليات دية هتجيبها بالسعر دة.
بس طبعا لو 19 او 18 يبقى انسب.
و هيه فى مدينة نصر ؟؟

وخايف اجيبها اتدبس في اي قطع غيار

مشكلتك فى صاج و فوانيس بس, اسال عليهم الاول عشان تعرف مدى توافرهم.

اول لو حبيت ابيع ماعرفش

هيبقى بيعها صعب طبعا.