ايه الفرق بين الابيزا والليون

[mrdiver]

السلام عليكم ورحمةالله وبركاته
ازيكم يا رجالة النايل موتورز اتمنى انكم تكونو في احسن حال
معلش هو ممكن يكون سؤال غبي بس انا العربية الوحيدة اللى عمرى متابعتها هيا السيات وانا قرتلها مواضيع كتير لغية مبئيت مشتت مش عارف مين الاقوى ومين الاحسن ومين شبابى اكتر ومين متفوق على التانى من موضوع الثبات والكماليات والتسارع وسمعت اسعار كتير من اول 97 الف لحد 165 من مواضيع مختلفة هنا فعايز حد يحسملى الامر ويفهمنى مين الشقيقة الكبرى وديه تتميز عن ديه في ايه وايه الموديلات المتوفرة جوا مصر ويا ترى ينفع ينفع لو فيه نسخة اوربى او خليجى ممكن اجيبها من براه مصر وجمركها ومصاريفها هيكون في صالحى ولا اللى هنا كويسة على سعرها ومتختلفش كتير عن المواصفات وبالنسبة لليون الاف ار سعرها كام برده هنا فى مصر وبرة مصر شاملة الجمارك .. انا اللى شدنى للعربية ديه حاجة واحدة بس مرة كنت بصلح عربيتى الاوكتافيا اللى ورتنى السوااااااد اشكال واللوان وجت سيات ليون للمركز فيها شغل تصليح فصاحب المركز شكرلى جدا فيها والى ان عربيته الشخصية نوعها توليدو من كتر حبه للسيات المركز دة اسمه الشركة الهندسية لصيانة السيارات الالمانية في شارع الكهف ودة الوحيد اللى بيصلح العربيات الاللمانية لان فيش توكيل لاسكودا هناك ويمتلكه شاب في منتهى الاحترام والزوق وهو اللى حبببنى وشدنى للعربية ديه ولما دخلت هنا في مواضيع سيات سمعة منكم عنها انها تسوى اكتر من تمنها وبصراحة شاسيه اودى ومكنة وفتيس فولكس فاجن وشكل اسبانى بصراحة شدتنى جدا وبفكر انى اشتريها فانتم ترشحولى ايه ويريت تفهمونى ديه تفرق عن ديه في ايه ولو اي حد فيكم عنده استفسار عن البرافو اللى هيا التوب لاين اللى فيها كل شيئ من اول الجانط اللى ب 12 الف ال 17 لحد اي شيئ ما عدا التربو بس فيها انا تحت امركم لانها كانت معايا وليها قصص ظريفة جدا حصلتلى معاها اتمنى انكم تفيدوننى وحتا لو مفدتونيش وعايزين اي استفسار انا برضه تحت امركم اسف جدا انى طولت على حضراتكم في التوبيك بس معلش استحملو اخوكم على فكرة ديه اول مشاركة ليا اكتب موضوع برغم انى بئالى فوق السنة معاكم اتمنى انكم تقدرو تفهمونى وفى كلا الاحوال انا شاااكر جدا لحضارتكم

[ehab_mansour]

االليون فئة أعلي من الابيزا
الليون تتفوق عن الابيزا في الأتي :-
1- الوسع الداخلي وراحة الركاب
2- ثبات أعلي بسبب اختلاف الشاسيه والتعليق
3- كماليات أكثر
4- مساحات تخزين أكبر من الابيزا
الليون تقارن بالجولف لأنها مصممه علي شاسيه الجولف
الابيزا تقارن بالبولو
الاتنين عربيات شبابي وللأسف النسخة ال fr ما بتنزلش مصر

الاتنين انتاج مصنع سيات بأسبانيا بمحرك وعفشة وتعليق ألماني والتقفيل فقط هو اللي اسباني

بالنسبة للاتنين فالمتوفر منهم هنا في مصر لدي الوكيل للأسف بيختلف كثيرا عن الاوروبي اللي تشتريها من اوروبا لأن جشع الوكلاء بيخليهم يشيلو كماليات كتيييييييييير جدا وفئات كتيييييييييير ما بتنزلش مصر فلو تقدر تشتريها من بره وتدخلها مصر تبقي أخدت خطوة ممتازة
وربنا يوفقك

[mrdiver]

هو بالنسبة للشاسيه انا سمعت منكم انه شاسيه اودي 3 العربيا اعدة عاليه وبالنسبة لاسعارها لو فكرت اجيبها برة مصر ال fr يا تري الجمارك هترفع من سعرها اوى يعنى ولا هتزيد عن تمن الليون المصري بحاجات بسيطة
انا شاكر جدا لاهتمامك والرد وعندى كم استفسار تانى معلش استحملنى هو جانط الليون ال دي اس جى 16 ولا 15 وهل هو جنط رياضي ولا جانط حديد هيا فعلا بتنزل بكراسي رياضيه ولا ديه النسخة الاوربية بس وهل شكل الليون هيتغير قريب ولا لسه ادامه سنين وبالنسبة لاكصدامات العربية هلى تحتيها حديد مقوى + فوم ممتص للصدمات ولا الاكصدام شبه الانسر اكصدام ضعيف وبالنسبة للالوان ايه الالوان المتوافرة ليها وايه اخبار اللون الاخضر البستاج اللى محطوط في بورشوهات الابيزا شكله تحفة على فكرة هل فيه منه لليون هنا ولا مش موجود
مرسي جدا يا ايهاب للمتابعه

[snakeson2]

فعلا ياباشا الليون تعتبر عائلية وشبابية بشكل اكبر
الليون ثابتة بشكل لايصدق ! لان البور زيت وهوا في نفس الوقت
النعومة في الاداء . وفي نظام رائع للثبات اسمة tcs بيحسسك ان فية واحد سايق معاك والعربية مش ممكن تفرك معاك او تفقد الثبات ودي ميزة رائعة !

التسارع ودة انا بقصد بية بعد سرعة ال100 بجد رهيب
طبعا قطع الغيار هية بتاعت الجولف 5
اسبانيا بتعمل اسم مقرون بالجمال والتقنية الالمانية وروح القوة !
الايبيزا طبعا والبولو معشوقة لكل الشباب
مينفعش نقارن البولو بالجولف وكذلك الليون بالابيزا لان الفئات مختلفة !
بالتوفيق

[mrdiver]

شكرا يا ثناك ايزون على المتابعة وايهاب كمان انتم ممكن تكون معلومتكم مش شاملةالاسئلة اللى انا سئلتها بس كتر خيركم وجذاكم الله خير انكم انتم الوحاد اللى في المنتدى اللى رديتو عليا وعبرتونى برغم ان ناس كتير شافت الموضوع ومحدش حتا قال وعليكم السلام

[ehab_mansour]

اخي الفاضل بالنسبة لموضوع استيراد موديل معين من الليون من اوروبا انا ما اعرفش عنه حاجه بس اعتقد انه مش مسموح غير بواسطة الوكيل لكن اسأل وشوف
بالنسبة لليون dsg بتنزل بجنوط 16 وأعتقد انها سبور لأن المانيوال نازلة سبور يبقي اعيد دي برده كده
موضوع الكراسي الرياضية ده برده موجود في النسخة المانيوال واكيد برضه موجود في dsg موضوع تغيير الشكل فأعتقد مش قبل 2012
بالسبة للاكصدامات وقوتها والفوم ومقدمة السيارة فحضرتك بتتكلم علي عربية اوروبي رياضية فأكيد عاملين حساب كل حاجه

وأخيرا عشان تعرف كل المعلومات بالتأكيد وكمان الألوان المتوفرة في مصر وكل حاجه عنها فاتصل بالتوكيل وهما يجاوبوك عشان تبق علي يقين تام باللي انت عايزه
وربنا يوفقك

[mrdiver]

انت بوب يا ايهاب بووووب وجبتلى من الاخر مرسي جدا على الرد

[عبد الرحمن اسامه]

أسف علي التأخير لم اري رسالتك إلا الأن.
أنا من ملاك الليون ٢٠٠٩ في السعودية و إن شاء الله سأجيب علي أسألتك

هو بالنسبة للشاسيه انا سمعت منكم انه شاسيه اودي 3 العربيا اعدة عاليه وبالنسبة لاسعارها لو فكرت اجيبها برة مصر ال fr يا تري الجمارك هترفع من سعرها اوى يعنى ولا هتزيد عن تمن الليون المصري بحاجات بسيطة

بالنسبة للفرق بين الإبيزا و الليون اعتقد الأخوة ردوا عليك.
العربية فعلا مكونتها تشترك مع جولف و اودي a3 و الجديد أن نفس هذا الشاسيه هو ايضا يستخدم في الاودي TT الرياضية، في رأيي أن هذه السيارة من افضل السيارات في العالم، لقد كتبت مقارنة بينها و بين البي إم الفئة الثالثة يمكنك الإطلاع عليه.

أنا معرفش هي تفرق في الجودة لو جبتها من برة مصر، هيا بتفرق في الاوبشنز قليلا لكن معتقدش في الجودة.

يعني مثلا الليون المعايه الهي المانيوال ١٦٠٠ ثمنها هنا جديدة ٦٩،٠٠٠ ريال الميزة فيها عن مصر جنوت ١٧" بدل ١٦" و ده يمكن تركيبة، و الزينون. و بتاعت مصر فيها ميزة عن هنا البلوتوث.
و هي ثمنها اعتقد ١٤٨،٠٠٠ جنيه. الليون الاوتوماتيك DSG نازلة هنا ب٧٢،٠٠٠ ريال هينقص منها فتحة السقف او الزينون

بالنسبة للإف أر ده موضوع تاني خالص، دي ثمنها هنا اعتقد ٩٤،٠٠٠ او ١٠٥،٠٠٠ حاجة كده يعني، بتفرق ايه عن الليون العادية
١- موتور 2.0 TFSI ٢١١ حصان،
٢- اوبشنز اكتر مثلا ESP و مش فاكر ايه كمان بس اكيد فيها اليو إس بس و كل الاوبشنز الناقصة.
٣- كراسي رياضية
٤- صدامات خلفية رياضية، بها قطعة سوداء كبيرة و ٢ شاكمان
٥- جنط ١٨"

طبعا هتبقي غالية جدا لو نزلت مصر عشان سعرها الأصلي و عشان جماركها.

انا شاكر جدا لاهتمامك والرد وعندى كم استفسار تانى معلش استحملنى هو جانط الليون ال دي اس جى 16 ولا 15 وهل هو جنط رياضي ولا جانط حديد هيا فعلا بتنزل بكراسي رياضيه ولا ديه النسخة الاوربية بس وهل شكل الليون هيتغير قريب ولا لسه ادامه سنين وبالنسبة لاكصدامات العربية هلى تحتيها حديد مقوى + فوم ممتص للصدمات ولا الاكصدام شبه الانسر اكصدام ضعيف وبالنسبة للالوان ايه الالوان المتوافرة ليها وايه اخبار اللون الاخضر البستاج اللى محطوط في بورشوهات الابيزا شكله تحفة على فكرة هل فيه منه لليون هنا ولا مش موجود
مرسي جدا يا ايهاب للمتابعه

متهيألي رديت علي معظم اسئلتك في بالأعلي، بالنسبة للإقصدام معرفش تكونه ايه، بس هو قوي جدا و في نفس الوقت ممتص للصدمات، يعني انا خبط في بي إم من الخلف هو اكصدامة اطبق خالص و انا تأثير الصدمة علي كان اخف.

اتمني اكون رديت علي جزء كبير من أسئلتك، و اهلا بيك في اي وقت.

[mrdiver]

عبد الرحمان مرسيي جدا يا باشا على الرد وبالنسبة لموضوعك فدة من اول المواضيع اللى قريتها وعجبتنى بس انا السيات كانت من العربيات اللى عمرى مفكرت فيها خالص عشان كدة معلوماتى عنها ضعيفة وعن موديلاتها فانا قريتمواضيع يامة بس مككنتش عارف مين احسن من منين
خصتا ان لااتنين نفس الفتيس ال دي اس جى وكمان نفس الموتور
ولو الليون من جواه شكلها احلا فشكل الابيزا من برة بيتهيئلى تحفة
بس شاسيه اودى ومكنة فولكس محترمة وفتيس من اعلى التقنيات دي اس جى انا اعرفه كويس فانت بتتكلم في عربيا كل صاغ ادفع فيها فهو حلالون حالالون حالالون بجد وشكرا جدا للافادة

[عبد الرحمن اسامه]

عبد الرحمان مرسيي جدا يا باشا على الرد وبالنسبة لموضوعك فدة من اول المواضيع اللى قريتها وعجبتنى بس انا السيات كانت من العربيات اللى عمرى مفكرت فيها خالص عشان كدة معلوماتى عنها ضعيفة وعن موديلاتها فانا قريتمواضيع يامة بس مككنتش عارف مين احسن من منين
خصتا ان لااتنين نفس الفتيس ال دي اس جى وكمان نفس الموتور
ولو الليون من جواه شكلها احلا فشكل الابيزا من برة بيتهيئلى تحفة
بس شاسيه اودى ومكنة فولكس محترمة وفتيس من اعلى التقنيات دي اس جى انا اعرفه كويس فانت بتتكلم في عربيا كل صاغ ادفع فيها فهو حلالون حالالون حالالون بجد وشكرا جدا للافادة

اي خدمة يا ريس، توكل علي الله و مش هتندم ابدا إن شاء الله، و لو عندك اي اسئلة اخري انا تحت امرك.

الليون طبعا عربيه اكبر من الإبيزا فيها خامات احسن و ثبات اكتر و في رأيي شكل احسن، بس الإبيزا هتبقي بتشد اكتر عشان نفس الموتور علي وزن اقل ، معتقدش هتفرك كتيير في مسئلة الشد ديه. في رأيي الليون طبعا بدون مقارنة، إلا لو انت شاب لوحدك و مش محتاج عربية كبيرة و مش محتاج شنطة كبيرة و عايز توفر شوية فلوس، علي العموم روح شوفهم في التوكيل و قرر بنفسك.

و علي فكرة الليون نفس خامات الجولف ٥ مش الجولف ٦ الجديده، معرفش الحقيقة في فرق بينهم كبير ولا لاء.