جديد فى الايبيزا وعايز اعرف احيب منين الحاجات ده

[hossamkamel]

هل التيل الامامى التركى كويس و لا ايه رايك ياستا\ ايهاب

[ehab_mansour]

هل التيل الامامى التركى كويس و لا ايه رايك ياستا\ ايهاب

بصراحة انا مجربتش التركي قبل كده لكن انا ركبت ثلاث مرات أسباني حتي الأن وكويس معايا رغم اني عندي ريجة خفيفة في الطنابير بس كويس معقول في استهلاكه وفي قوة الفرامل

[egman]

الله ينور عليكم يا شباب والف الف الف شكر ليكم واليكم ما فعلته من اعمال صيانة :

1- رحت عند سامح ايبيزا .

2- جبت منه فلتر هوا 40 جنية .

3- فلتر زيت 30 جنية .

4- فلتر بنزين 50 جنية .

5- بوجيهات 3 شمعه بوش المانى 50 جنية .

6- سير دينامو 20 جنية .

7- سير كاتينة 60 جنية ايطالى ماركة دايوك .

8- عدد 2 ماستر عجل المانى 100 جنية الاتنين المانى وعليه العلامة بتاعه فولكس واجن .

9 - تيل خلفى 110 جنية المانى .

والحمد لله روحت للميكانكي وحصل الاتى :

1- العربية ما كنش راكب لها فلتر هواء ركبته .

2- غيرت الزيت وركبت الفلتر الجديد وجبت زيت موبل 3000 xhp

3- فلتر البنزين الراجل فضل يدور عليه من اول خرطوم البنزين لحد الموتور ما فيش خالص ولاقى مكان كده موسورة بسيطه داخلة فى الخرطوم الى بيوصل البنيزن للموتور وقالى احنا هنركب الفلتر فى المكان ده وصل الفلتر فى الجزء ده هل هذا صحيح ولا لأ ؟

على فكرة انا خليت سامح ايبيزا يبص على العربية وبرده ما كنش شايف الفلتر بتاع البنزين وقالى يبقى ممكن تلاقيه تحت مع التانك والميكانيكي دور كويس ومالاقش حاجة هل من الممكن ان صاحب العربية ما كنش مركبلها الفلتر للبنزين ؟

وبعد كده بدانا نغير الماستر والتيل بس الموضوع ده خد منه شوية وقت بس الحمد لله بقت الفرامل تمام .

ودفعت 120 جنية مصنعيه .
اه على فكرة لما كشف على سير الكاتينة قالى الى راكب ده جديد لسة سنونه زي ما هى قالى ده اكيد جديد فخليت الى انا اشتريته احتطياطى .

وبقاى حاجة بس عايز اعملها للفرامل علشان اكون مطمن باذن الله فاضل العجل الامامي عايز اعرف ايه نظامة :

1- هل هو برده ماستر وتيل ونفس الشكل بتاع الخلفى ولا مختلف عايز اعرف تفاصيله لو سمحتم لانى لسة هرجع للميكانيكي تانى اخر الاسبوع علشان قال الفرامل مع الشغل هتحتاج نعلمها رجلشه فابالمرة عايز اطمن على الفرامل الامامى ؟

[ehab_mansour]

أولا فلتر البنزين عندي في العربية راكب تحت بجوار تنك البنزين تقدر انت تحط حاجه تحت العربية من ورا وتنام تحتها هتشوفه
ثانيا العجل الأمامي حضرتك تجيبله تيل فرامل وتروح تركبه ده لو الماستر الأمامي سليم للعجلتين لو مش سليم هتشتري اتنين ماستر عجل أمامي وخلي بالك ان الفرامل في الأمام غير الخلف خالص يعني القطع مختلفة تماما وكذلك التركيب وعايز كمان أقلك ان الفرامل لا تحتاج الي رجلشة ولا قدام ولا وري ودايما في المستقبل هتغير كل فترة تيل فرامل قدام لكن وري مش بيحتاج زي قدام لأن نظام فرامل وري غير قدام

والف مبروك علي الشغل اللي خلصته وربنا يوفقك وتخلص الباقي

[egman]

الف شكر ليك يا باشا على متابعتك معايا .

طيب فكرة تركيب فلتر البنزين الى علمناها ده كويسة ولا فيها مشكلة هو قالى حتى لو فيها اكتر من فلتر مش مشكلة احنا ركبنا الفلتر للبنزين فى حوض العربية فى خرطوم البنزين الى جاى من التنك فيه اصلا فاصل احنا ركبنا الفلتر فى المكان ده عادى ولا ايه ؟

معلش لو تقلت عليك يعنى العجل الامامى زيه زي الخلفى ماستر وتيل فرامل زي الى وورة مع فارق الشكل والتركيب طيب يا ترى سعرهم يعمل كام دول 2 ماستر وتيل للعجلتين قدام ؟

وقولى رايك فى الصيانة ده كويس كده ولا اية رايك وبالنسبة لزيت الفتيس مهم بردة يتغير ولا اية النظام ؟