استفسار بخصوص ابيزا 2010

[M_Mansour]

انا باذن الله قررت اجيب ابيزا 2010 1600
بس فيه كام حاجه عايز اعرفها:

1- الموتور كام كامه فيه ناس بتقول كامه واحده, ولو فعلا واحده الموتور هيكون تعبان لان نفس الناس بتقول الموتور قوى على الورق بس لكن فى الحقيقه ضعيف!!!

2-جوده الخامات و التقفيل عاملين ازاى انا حاسس انه بلستيك رخيص

3- الفتيس الdsg ياترى بيعمل مشاكل وهو لازم يكون الموتور TSI عشان يشتغل كويس

4- العربيه من جوه شكلها فقير بس برده عجبانى بس خايف ازهق منه , ايه رايكم

5- هيا فيها EBD و TCS؟


انا عارف ان من كلامى شكلى بكره العربيه بس دول 120 الف فبطلع كل حاجه فيها

[M_Mansour]

و اهم حاجه هيا فعلا تستاهل ال 120 الف؟؟؟؟؟

[M_Mansour]

??? ارجو المساعده بسرعه

[ehab_mansour]

1- الموتور كام كامه فيه ناس بتقول كامه واحده, ولو فعلا واحده الموتور هيكون تعبان لان نفس الناس بتقول الموتور قوى على الورق بس لكن فى الحقيقه ضعيف!!!

الله اعلم لأن مافيش حد تطرق للموضوع ده وبعدين كل اللي ركبو العربية بيقولو السحب ممتازجدا جدا مع الفتيس ال dsg يعني ما تقلقش ده محرك تصنيع فولكس فاجن مش شركة تحت السلم

2-جوده الخامات و التقفيل عاملين ازاى انا حاسس انه بلستيك رخيص

حضرتك الخامات جيدة جدا عن لسان كل اللي اشترو العربية دي وبعدين اكيد أفضل من اي عربية كوري او غيره لأنها اوروبي ألماني تجميع أسباني

3- الفتيس الdsg ياترى بيعمل مشاكل وهو لازم يكون الموتور tsi عشان يشتغل كويس

حتي الأن لا يوجد مشاكل . مش لازم طبعا لأنه نزل مع محركات كتيييييييير غير ال tsi

4- العربيه من جوه شكلها فقير بس برده عجبانى بس خايف ازهق منه , ايه رايكم

حضرتك انت اللي تحكم علي النقطة دي اتفرج علي العربية واقعد فيها مرة واتنين وثلاثة وشوف نفسك

5- هيا فيها ebd و tcs؟

فيها abs + ebd ولكن لا يوجد tcs ولا esp

في النهاية القرار بتاعك ومافيش حد اشتري العربية في خلال اخر 14 سنة واشتكي منها في اي موديل واهم شيء استخير ربك اكثر من مرة وان شاء الله هيوفقك للخير دائما

[John_Samy_1]

هو أنا اشتريت العربية وعايز أقول ل حضرتك إن الموتور حلو اوي وسحبه جامد بس اللي يجيب اخره

الفتيس ناعم جدا وعمرك ماهتحس بأي ناقلة من السبع ناقلات بتاعته إلا مع السرعة البطيئة جدا جدا وحتى ساعتها هتحس بهذه بسيطة جدا لازم تركز معاها

الدركسيون هيعجبك اوي أحسن كتير من أي حاجة كوري (نيو cerato, الانترا) الماني بجد ناعم جدا وعزله هايل

العفشه رياضية بس برده فيه عزل جامد عن المطبات والثبات هايل أنا كنت على 160 وفاكر إني على 120 (أنا محستش برده بال 120 بس أنا كان بقالي كتير مزود بنزين)

عيبها الوحيد مساحة التخزين قليلة وحتة الدرج اليتيم ضيق اوي

ده الموتور من wikipedia هو هو بتاع الجولف 4 وال Jetta

http://en.wikipedia.org/wiki/List_of_Volkswagen_Group_petrol_engines#1.6_R4_16v_77-80kW

والعربية ديه بالذات واخدة جوايز كتير قوي
SEAT Ibiza - Wikipedia, the free encyclopedia
بص على ال Awards في آخر الصفحة

بجد عربية أكتر من هايلة عالورق وبعد التجربة
آه وبجد متينة اوي

[hatemahmed75]

السلام عليكم ورحمة الله وبركاتة

انا باذن الله قررت اجيب ابيزا 2010 1600

احب احييك على اختيارك للابيزا 2010
انا من اول الناس الى اشترها واستلمتها ويشرفنى ارد على بعض استفسارتك

الموتور كام كامه فيه ناس بتقول كامه واحده, ولو فعلا واحده الموتور هيكون تعبان لان نفس الناس بتقول الموتور قوى على الورق بس لكن فى الحقيقه ضعيف!!!

الموتور عزمة 153 نيوتن عند 3800 لفة و قوة 105 حصان وهو راكب فى العربية مش فى ارض المصنع زى الكورى وامثاله الى بيكتبلك القوة 120 و 124 حصان وهو كبيرة فى العربية 90 حصان بالعفية
الحمد لله الموتور بتعها قوى وخصوصاً مع الفتيس ال dsg واستجابتة سريعة جداً

جوده الخامات و التقفيل عاملين ازاى انا حاسس انه بلستيك رخيص

عندك حق الخامات لما تشوفها فى الصور تفتكر انها بلاستك صينى بى فى الحقيقة الخامات نظيفة وقوية والتقفيل بتعا كويش جداً جداً جداً برقبة الكورى واليابانى كمان

الفتيس الdsg ياترى بيعمل مشاكل وهو لازم يكون الموتور tsi عشان يشتغل كويس

حتى الان الفتيس ماظهرش منه مشاكل وعلى فكرة الفتيس دة نازل برة من 2008 فى عربيات كتيرة من عربيات مجموعة فولكس فاجن الالمانية ( فولكس - اودى - سكودا- سيات)

العربيه من جوه شكلها فقير بس برده عجبانى بس خايف ازهق منه , ايه رايكم

دة مسالة نسبية تختلف من واحد لاخر

هيا فيها ebd و tcs؟

فيها abs,ebd ومفهاش tcs,esp
العربية ثابتها ممتاز على السرعات العالية
والتكييف جميل وبيجمع بسرعة جداً

العربية صغيرة من الداخل والشنطة تعتبر معقولة بالنسبة لعربية هتشباك 292 لتر

وممكن تقرأ التقرير دة ان شاء الله يكون مفيدhttp://www.nilemotors.net/Nile/119447-2010.html

[Tayer]

حاتم انت من سكان الشيخ زايد و أنا شفت عربه أبيزا النهرده الساعه 7:30 الصبح نفس لون عربيتك و كانت فى الشيخ زايد و طلعت المحور بعد كده معرفش انت ولا لأ ؟
حاولت أركز على الكان راكب كانت دقنه مش كبيره و لابس نظاره ؟
أنا كان معايه 504 رصاصى
أنت ولا لأ ؟