اسطوانه وديسك

[hossamkamel]

انا كنت عايز اعرف الاسطوانه و الديسك لفتيس ابيزا 94 1300 عاملين كام و البليه

[ehab_mansour]

انا كنت مغيرهم عندي طقم كامل (ديسك +اسطوانه +بلية) ماركة فاليو اسباني ب 550 جنيه من حوالي سنة وثلاث شهور من عند اشرف الشهابي في شارع دمشق
شغالين معايا حتي الأن بقالهم 47 الف كيلو وكويسين الحمد لله ما عدا البلية باظت وغيرتها تاني بواحده ساكس الماني من فترة حوالي اربع شهور
وكان فيه طقم تاني الماني عند الصفوة في شارع رمسيس ماركة ساكس كان ب 800 جنيه
اعتقد عندك هيبقي نفس السعر

سؤال بسيط هو انت عايز تغير الطقم ليه ايه المشكلة اللي عندك ؟

[hossamkamel]

الميكانيكى الى بتعامل معاه قالى كده بس انا مش عارف ليه هو انت غيرتهم ليه ؟ يمكن فى اعراض انا مش قادر افهمها بس الحاجه الوحيده الى انا ملاحظها ان الاول ساعات بيعض معايا

[ehab_mansour]

أولا الأعراض الناتجة عن تلف طقم الدبرياج
1- ثقل دواسة الدبرياج مع انك أوقات ممكن تفصل الدبرياج وتحس انه ما فصلش غير بعدها بثانية او اتنين
2- ارتفاع عداد rpm مع عدم وجود تسارع مناسب وزيادة في السرعة (يعني صوت المحرك يرتفع دون حصولك علي سرعة مناسبة لهذا الارتفاع )

اللي حصل معايا انا نفس اللي كان عندك كان فيه عضة في الأول وصوت عند اعطاء المارشيدير (النقلة الخلفية)+ كان الدبرياج تقيل جدا + كنت أوقات ادوس دبرياج ومع ذلك احس انه ما فصلش غير بعد ما ادوس بثانية او اتنين
لما فكيت لقيت الديسك من طول فترة الاستخدام واكل من جسم الاسطونة ومحدد فيها تجويف بعمق 2 او 3 مللي وعشان كده كان الاتنين بيلزقو في بعض وما بيفصلش لحظيا مع الدوسة

لما غيرت الطقم الدبرياج بقي خفيف جدا بس لسه فيه عضة خفيفة مع الأول وصوت خفيف مع الخلفي فغيرت سلك دبرياج كمان كان بايظ وظبطت مستوي الدبرياج صح ومعاه راح كل شيء بقي الوضع طبيعي

لذلك عايز أقلك تخلي الميكانيكي يعليلك الدبرياج شوية لحد ما العضة تروح ولو ما راحتش يبقي لازم تغير الطقم كله بس سعره عالي عشان كده عايزك تبدأ بالسهل

وشوف كده وانا معاك وربنا يسهلك وتتحل مشكلتك

[hossamkamel]

طيب حضرتك و انت ماشى على 120 rbm بيكون على كام اصل اتاعندى بيكون على 4 و 140 بيكون على 5 فده كده كويس و لا ده بياكد ان فى مشكله فى الفتيس ا

[ehab_mansour]

طيب حضرتك و انت ماشى على 120 rbm بيكون على كام اصل اتاعندى بيكون على 4 و 140 بيكون على 5 فده كده كويس و لا ده بياكد ان فى مشكله فى الفتيس ا

شوف عندي محرك 1000 سي سي بفتيسه وما أعرفش مختلف عن عندك ال 1300 سيسي بفتيسه ولا لأ
علي العموم
انا عندي علي الغيار الخامس

2 -- 60
4 -- 120
4.7 -- 140

[hossamkamel]

تقريبا نفس القصه عندى شكرا يا بيه

[mesho_kimi]

أعتقد انى ماتورك 1300 كربراتير صح ، المفروض أنه عند 4900 يبقى عامل 150 وحاول تعلي الدبرياج وربنا يستر طريقك

[meeg]

ياجماعه انا عربيتى ابيزا 97 خليجى 1400 انجيكشن
عندى
الاول بيجيب 20 على rpm1.5
الثانى بيجيب 40 على 2 rpm بس انا بشد لحد 4 او 4:30 rpm السرعه بتوصل 70
الثالث بيجيب 90 على 4 rpm
انا سؤالى هل ده بيدل على ان الماتور كويس ولا
وشكرا

[ehab_mansour]

ياجماعه انا عربيتى ابيزا 97 خليجى 1400 انجيكشن
عندى
الاول بيجيب 20 على rpm1.5
الثانى بيجيب 40 على 2 rpm بس انا بشد لحد 4 او 4:30 rpm السرعه بتوصل 70
الثالث بيجيب 90 على 4 rpm
انا سؤالى هل ده بيدل على ان الماتور كويس ولا
وشكرا

يا أفندم حضرتك نسب السرعات مع عداد لفات الموتور علي كل غيار بتختلف من عربية للتانية علي حسب نسب تروس الغيارات داخل الفتيس وبالتأكيد عربية حضرتك هتختلف كليا لأنك 1400 انجيكشن فأكيد الخامس مثلا علي 2 عندك هيدي أكتر مثلا 70 عندي بيدي 60
وده سببه ان عزم الموتور عندك وتصميم فتيسه مختلف عن عندي

بالنسبة لحالة الموتور فدي بتحدد بالكشف علي كبس الموتور عند اي حد متخصص بس بصراحة ما أعرفش حد وكمان قوة السحب والتسارع والسرعة القصوي اللي بيجيبها المحرك بتدل علي حالته كلما كان سحبه أقوي وأسرع وسرعته القصوي أعلي كلما كانت حالته افضل علي حد علمي

[hossamkamel]

انا عليت الدبرياش و بقى كويس بس بحس بصوط خشونه و انا برجع مرشدير معلش النوع الى حضرتك قولتى عليه اسمه ايه وصناعته ايه و هل الساكس هو انضف نوع فى الاسطوانه و الديسك

[ehab_mansour]

انا عليت الدبرياش و بقى كويس بس بحس بصوط خشونه و انا برجع مرشدير معلش النوع الى حضرتك قولتى عليه اسمه ايه وصناعته ايه و هل الساكس هو انضف نوع فى الاسطوانه و الديسك

بتحس بصوت خشونة لما تيجي تدي الغيار الخلفي ولا وانت بترجع فعلا
وخلي بالك انك لو جيت تدي مرشدير والعربية ما زالت بتتحرك لقدام حتي ولو حركة خفيفة هتحس بصوت الخشونة ده ييعني المفروض تقف خالص وبعدين تدي مرشدير

انا حاسس ان الطقم عندك كويس ومش محتاج تغيير فقط محتاج ضبط واستعال صح وبالتوفيق