تظبيط الفرامل

[Ahmed Mubarak]

السلام عليكم
ابيزا 94
اول امبارح وبعد مشوار طويل لقيت ان فى ريحة تيل طبعا كانا عرفنها المهم ركنت وبصيت على الكاوتش وخلافة لقيت الجنط مولع المهم تانى يوم اللى هو امبارح روحت لورشة بتاعت تظبيط الفرامل واحد صاحبى قالى عليها عند سنترال النزهة المهم بعد الفك والكشف لقيت ان التيل الامامة خلصان جيبت تيل كورى ماركة joy joung وكان ب 65 جنية لانة زى الالمانى بالظبط باختلاف الكرتونة نفس الاختام المهم وهو بيشيك على افردتين اللى ورا لقيت الفردة اليمين متبهدلة يعنى التيل خلصان و ناقصة رجلاش وسوستة وقالى ان شاء الله هتتظبط ونجيب الحجات النقاقصة وبعد 1/2 ساعة من البحث لم نجد الرجلاش ولما سالت عند بتوع الاستيراد مكنش موجود عندهم المجموعة كاملة (السوست والرجلاش ) وظبط بدون رجلاش وقفل وعند التجربة اول مرة كانت السيارة بدون فرامل ولكن الفردة اللى ورا يمين قافشة شوية وبعد تعلية الفرامل والتجربة كانت الفرامل جيدة جدا ولكن الفردة اللى قافشة شوية دى قاللى ان التيل مليان شوية وهو عملة كدة عشان مفيش رجلاش لحد ما جيب واحد
فهل فى ضرر ؟
اليوم وانا رايح الشغل وبعد اقل من 1 كم لقيت صوت تخبيط فى الفردة اليمن ورا بصراحة مش عارف
هو اية بس ان شاء الله هروحله تانى اليوم

هل لو ملقيتش الرجلاش اية البديل ؟
حرام اشترى الطمبورة او الجزء اللى بتركب فية العجلة الخلفية علشان رجلاش
اسف للاطالة

[ehab_mansour]

السلام عليكم
ابيزا 94
اول امبارح وبعد مشوار طويل لقيت ان فى ريحة تيل طبعا كانا عرفنها المهم ركنت وبصيت على الكاوتش وخلافة لقيت الجنط مولع المهم تانى يوم اللى هو امبارح روحت لورشة بتاعت تظبيط الفرامل واحد صاحبى قالى عليها عند سنترال النزهة المهم بعد الفك والكشف لقيت ان التيل الامامة خلصان جيبت تيل كورى ماركة joy joung وكان ب 65 جنية لانة زى الالمانى بالظبط باختلاف الكرتونة نفس الاختام المهم وهو بيشيك على افردتين اللى ورا لقيت الفردة اليمين متبهدلة يعنى التيل خلصان و ناقصة رجلاش وسوستة وقالى ان شاء الله هتتظبط ونجيب الحجات النقاقصة وبعد 1/2 ساعة من البحث لم نجد الرجلاش ولما سالت عند بتوع الاستيراد مكنش موجود عندهم المجموعة كاملة (السوست والرجلاش ) وظبط بدون رجلاش وقفل وعند التجربة اول مرة كانت السيارة بدون فرامل ولكن الفردة اللى ورا يمين قافشة شوية وبعد تعلية الفرامل والتجربة كانت الفرامل جيدة جدا ولكن الفردة اللى قافشة شوية دى قاللى ان التيل مليان شوية وهو عملة كدة عشان مفيش رجلاش لحد ما جيب واحد
فهل فى ضرر ؟
اليوم وانا رايح الشغل وبعد اقل من 1 كم لقيت صوت تخبيط فى الفردة اليمن ورا بصراحة مش عارف
هو اية بس ان شاء الله هروحله تانى اليوم

هل لو ملقيتش الرجلاش اية البديل ؟
حرام اشترى الطمبورة او الجزء اللى بتركب فية العجلة الخلفية علشان رجلاش
اسف للاطالة

أولا حافظ دايما علي ان تيل الفرامل ما يخلصش بالشكل ده لأن كده غلط جدا وممكن يعرضك لتغيير الطنابير والله اعلم هو عمل فيها ايه المرة دي
ثانيا ما ينفعش تركب تيل من غير سوست ورجلاش امال هيتظبط ازاي يعني هو كده لما البستم بيفتحه عند دوس الفرامل هيفتح مرة ومش هيرجع تاني لما تشيل رجلك من علي الفرامل عشان كده بتقول سامع صوت تخبيط والصوت ده سببه ان التيل او اي حاجه جوه وقعت وهتفضل تخبط لحد ما تفك وتشيلها
المهم دور بأي شكل علي مجموعة الفرامل ورا وغيرها لأن دي أرواح مش لعبة بالذات الفرامل وحاول ما تجريش بالعربية لحد ما تتظبط الدنيا كويس لأن غلط ان فردة يكون فيها فرامل أخري لأ
عايز أقلك ان الصنايعي اللي عملك الشغل ........ ربنا يهديه عشان المفروض ما يخرجش العربية غير مضبوطة أنصحك حتي لو هتغير الجزء الروي يمين كامل لا تتهاون في الفرامل
وربنا يستر طريقنا جميعا

[Ahmed Mubarak]

جزاك الله كل خير
هو انا غيرت التيل بتاع العجل الامامى يمين وشمال

[ehab_mansour]

جزاك الله كل خير
هو انا غيرت التيل بتاع العجل الامامى يمين وشمال

وجزاكم
تمام بس عليك كمان انك تظبط وري صح زي قدام
ممكن تقلي جبت التيل الكوري اللي قدام ده منين اصل سعره غريب قوي وايه أخباره معاك وشكرا

[Ahmed Mubarak]

وجزاكم
تمام بس عليك كمان انك تظبط وري صح زي قدام
ممكن تقلي جبت التيل الكوري اللي قدام ده منين اصل سعره غريب قوي وايه أخباره معاك وشكرا

انا جنتة من واحد بتاع قطع غيار جولف بصراحة مش فاكر اسمة لكن هو فى الشارع اللى جنب سنترال النزهة اللى بيودى على عزبة الصعيدة
هل هو رخيص ولا غالى
الكورى 65 ج
الاسبانى 75 ج
الالمانى 85 ج
بالنسبة للاداء جيد فى فترة التجربة الصغيرة لانى لسة مركبة امبارح

[El.Hossieny]

يا رب خير ان شاء الله يا استاذ احمد ... و يا ريت لو تقولي عنوان الورشة دي بالتفصيل و يا تري كويسين و بيفهموا في الفرامل ؟؟

[Ahmed Mubarak]

استاذ احمد
اخبارك اية واخبار البيتل معاك
بص هو اكتر من واحد شكر فى الورشة دى
اسم الورشة ابناء بلبيس لتظبيط الفرامل و.... بصراحة هو حاجة ذى كدة بس اللى متاكد منة ابناء بلبيس
العنوان - الوصفة:
الجراج - جسر السويس عند سنترال النزهة تانى شارع يمين بعد السنترال فى مسجد بعد المسجد ب 3 محلات
هو اداءة كويس ماعد انة مظبطش الفردة اليمين ورة لعدم وجود الرجلاش
الاداء العام جيد

[hossamkamel]

سيبكو من الكلام ده كله و الله الموضوع ده انا عملته من 2 اسيوع جبت تيل امامى المانى 70 جنيه و رجلشت الفرامل عند الدكتور محمد عويس ظبتلى الدنيا و الفرامل بقت زى الفل

[Ahmed Mubarak]

الحمد لله تم تظبيط الفردة الخلفية اللى كانت ناقصة الرجلاش
اشتريت فلانشة استيراد بمحتوياتها (السوست و الرجلاش والماستر والتيل) ب 70 ج من عند واحد جدع اسمة هشام فى شارع 40 خلف حديقة بدر امام اتو ماجد
الحمد لله الفرامل كدة تمام ولكن هل الفرامل بتاعت الاببيزا ذيها ذى الجديد
بمعنى انه فى عربية اخويا فيرنا 2006 لما ادوس فرامل الفرامل ماشاء الله ممتازة مع دوسة خفيفة اما عندى الحمد لله الفرامل اصبحت ممتازة ولكن مع دوسة تقيلة نوعا ما

[hossamkamel]

هشام انا عرفه حبيبى هو فعلا جدع

[ehab_mansour]

الحمد لله انك ظبطت الفرامل
موضوع مشوار الفرامل ودوسة قوية من دوسة بسيطة والكلام ده بيختلف علي حسب تصميم كل عربية عن التانية وكذلك السيرفو العمومي بتاع الفرامل ومشواره

اهم حاجه انك تحس دائما بالأمان مع فرامل عربيتك مع تعرضك لمختلف ظروف القيادة وعلي فكرة الابيزا بتعطيك امان عالي بصراحة في الفرامل والثبات .
الحمد لله

[Ahmed Mubarak]

وكذلك السيرفو العمومي بتاع الفرامل ومشواره



اهم حاجه انك تحس دائما بالأمان مع فرامل عربيتك مع تعرضك لمختلف ظروف القيادة وعلي فكرة الابيزا بتعطيك امان عالي بصراحة في الفرامل والثبات .
الحمد لله

ممكن توضيح معنى السيرفوا العمومى بتاع الفرامل
اما عن الامان فالحمد لله تمت التجربة اكثر من مرة وبفضل الله هناك امان عالي في الفرامل والثبات

[ehab_mansour]

ممكن توضيح معنى السيرفوا العمومى بتاع الفرامل
اما عن الامان فالحمد لله تمت التجربة اكثر من مرة وبفضل الله هناك امان عالي في الفرامل والثبات

هو ده السيرفو العمومي للفرامل اللي واصل مباشرة بالدواسة وفوقه خزان تجميع سائل الفرامل ومتصل بيه وصلة الفاكيوم اللي جاية من الموتور ومتصل بيه كل مواسير الفرامل الخاصة بسيرفوهات بقية العجل

Uploaded with ImageShack.us

[hossamkamel]

انت دكتور و الله يا استاز ايهاب علشان الصوره و غيرها طبعا من اراء مفيده يتقولها على فكره انا شكلى كده الماستر العمومى عندى فى مشكله علشان دواسه الفرامل لما بدوس عليها مابترجعش بسرعه و ساعات بتعلق

[hossamkamel]

استاذ احمد
اخبارك اية واخبار البيتل معاك
بص هو اكتر من واحد شكر فى الورشة دى
اسم الورشة ابناء بلبيس لتظبيط الفرامل و.... بصراحة هو حاجة ذى كدة بس اللى متاكد منة ابناء بلبيس
العنوان - الوصفة:
الجراج - جسر السويس عند سنترال النزهة تانى شارع يمين بعد السنترال فى مسجد بعد المسجد ب 3 محلات
هو اداءة كويس ماعد انة مظبطش الفردة اليمين ورة لعدم وجود الرجلاش
الاداء العام جيد

انا عايز اشكرك يا موبى على الورشه ديه بجد انت فيدنى بيها لانى كان بقالى يومين دايخ و متبهدل و خسرت حوالى 500 جنيه بسبب الصنيعى الى ضبطلى الفرامل يومين بطولهم اروح وارجعله من الشروق الى اول جسر السويس و بعدين ماشى كده لاقيت ورشه ابناء بلبيس و كان بليل و كنت مخنوق لاعنى كنت لسه و اخد العربيه بس الفرامل مش مكيفانى فدخلت على واحد اسمه محمود البلبيسى فى غايه الادب قالى الصبح اقدر اشتغل انما دلوقتى ابقى بضحك عليك المهم رحتله تانى يوم ظبط الدنيا و خد مصنعيه 50 وجبت قطع غيار و مليت التيل الخلفى بحوالى 350 جنيه يعنى مشوار الفرامل غرمنى 850 جنيه غيرالتعب و البهدله و العطله عن الشغل