تظبيط الفرامل

[Ahmed Mubarak]

مليت التيل الخلفى بحوالى 350 جنيه

بيتهيقلى ان السعر دا غالى

[hossamkamel]

معلش انا غلط 50 جنيه ملى تيل و 50 مصنعيته و 220 ماستر عمومى جديد غير الاستيراد الى اشتراتيه مع السيرفو قبل كده و كانو عاملين 350 الاتنين على بعض الماستر بالسيرفو و طلع الماستر بايظ و لسه معايا و 85 مساتر عجل خلفى المانى .

[Ahmed Mubarak]

معلش انا غلط 50 جنيه ملى تيل و 50 مصنعيته و 220 ماستر عمومى جديد غير الاستيراد الى اشتراتيه مع السيرفو قبل كده و كانو عاملين 350 الاتنين على بعض الماستر بالسيرفو و طلع الماستر بايظ و لسه معايا و 85 مساتر عجل خلفى المانى .

تمام كدة يا باشا وان شاء الله تكون الفرامل اتظبطت تمام

[hossamkamel]

تمام الحمد لله بعد 3 ايام عناء و مصاريف زياده بسبب صنيعى دوخنى بقوللك يا معلم موبى هو انت خلصت تسقيط الموتور فى عربتك و ياترى ايه الاخبار و رايك فى العربيه ايه التكلفه كام و مواصفات الموتور و اشتريت منين و سقط عند مين و الوقت اد ايه .

[Ahmed Mubarak]

بص يا باشا
ان شاء الله هاعمل موضوع جديد بتسقيط الموتور بالتكلفة بالمصناعية بقطع الغيار المكملة للموتور واحكى الدنيا كانت ماشية اذاى معايا اثناء التسقيط
اما عن الموتور فرق كبير بين اللى كان راكب قبل كدة والموتور الجديد بفضل الله
انا لسة مجربتهوش صح عشان لسة بظبط العفشة والكاوتش بس البيت بيبان من عنوانة الموتور فى السحب والجرى الله اكبر وحش يا معلم وصوتة ناعم وهادى مع ان الار بى ام على 1 او اقل شرطة ان شاء الله ممكن نظبط يوم انا وانت واستاذ ايهاب ونتقابل وتجرب بنفسك ال 1600 عامل اذاى

[hossamkamel]

اولا ربنا يباركلك فيه ويديك خيره و يكفيك شره و تطلع التسقيطه يامعلم تديك زى منتا عايز و شكرا جدا على موضوع التجريب انت فعلا انسان زوق وبتحب تفيد المنتدى انا هنتظر موضوع التسقيط و ارجو يكون الشرح وافى من حيث التكلفه و المكان الى اتسقط فيه الموتور و المستلزمات كل شئ لمساعده اى شخص يريد التسقيط فى عمل ميزانيه للموضوع ده و انا طبعا يحصلى الشرف انى اتقابل معك انت و الاستاز ايهاب ومن غير ماجرب كفايه انى هتعرف على شخصيتين محترميين ابقى ابعتلى على الخاص الوقت ورقم التليفون وانا هتصل بيك ننسق لما تفضى المشوار ده و لو عزت اى حاجه و انت بتفنش العربيه قولى ممكن اقدر اساعدك و شكرا لزوقك مره تانيه .