ما افضل موديل ابيزا فى التسعينات ؟

[mina_opel]

ارجو من عاضاء المنتدى الافاضل حد يقولى اية افضل موديل للابيزا فى التسعينات ياعنى94 ولاا 95 ولاا 96 ولاا 97 لحد 99 كدة مثلا وهل يوجد فرق بين موديل وموديل
وهل يوجد موديلات فعلا للابيزا نزلت 1400 سى سى ياعنى ماطورها الاصلى 1400 وانهى موديلات ارجو الافادة من فضلكم لانى ارغب فى شراء ابيزا بس محتار فى الموديل وسعة الماتور

[ibiza50]

الصديق العزيز
احب اقولك ان افضل الموديلات هو 98 و 99 بالرغم انه 1000cc و عدد الاحصنة 50 بس العربيه دى اكتر من هايله عن تجربتى انا ركبت كل موديلات التسعينات من اول سيستم بورش وحتى موديلات 2008 كلهم ممتازين جداً جدً
انا هكلمك عن موديلات من 93 و حتى 99 العربيه دى تم انتاجها فى المانيا اول انتاج ليها كان سنة 99 فى مصنح فولكس ومن 94 الى الان مصنع سيات اسبانيا اللى تملكه شركة فولكس بالكامل من عام 86 (مع بداية انتاج سيات ابيزا سيستم بورش)المهم موديلات 94 هى اللى نزلت مصر بموتور 1300cc بـ 55 حصان و كان فى اوربا بتزل بفئات 1300 و 1600 و 1900 ديزل و من اول سنه 97 نزلت فى مصر بموتور 1000 cc وما نزلش منها فى مصر او بمعنى ان التوكيل ما نزلش من العربيه دى الا 1000 و نزل عربيتين 2000cc اسمها كوبرا من فئة كايت كار
لكن على مستوى اوربا كان فيه من الموديلات 97 وحنى 99 1000و 1400 و 1400-16 صمام و 1600 و 1800 و 1900 ديزل و 2000 , و الا1800 اوتوماتيك
و اى عربيه تانيه فى مصر من الموديلات دى ماتورها اكبر من ال 1000 يبقى مسقطين فيها مواتير
و نصيحه اخيره ال98و 99 افضل سيارات و ماتخفش من 1000cc انا بجيب بيها 150 سرعه و اخرها 165
ومتوسط اسنهلاكها فى البنزين فى السفر على سرعه 100 بتاخد 5 لتر كل 100 كيلو وداخل البلد فى الزحمه 7.5 لتر لكل 100 كيلو
و بالنسبه لتكيفها الاصلى ممتاز وما بيأثرش فى السحب بتاعها
و ثبات العربيه زى البى ام انا سوقت البى ام 318 2005 , ثبات الابيزا رائع مستواة زى البى ام عن تجربة مش كلام و خلاص
بس المهم تلاقى عربيه حالتها كويسه مش متبهدلة لان بصراحه لو العربيه متبهدله يبقى ال 128 احسن منها لو شوفت واحده نضيفه خدها باى سعر ومش هتندم
مع تحياتى و ربنا يوفقك
محمد مصطفى كامل

[engahmedsamy]

انا كنت راكب 92 بس كانت عربية كفاءة

[ehab_mansour]

الصديق العزيز
احب اقولك ان افضل الموديلات هو 98 و 99 بالرغم انه 1000cc و عدد الاحصنة 50 بس العربيه دى اكتر من هايله عن تجربتى انا ركبت كل موديلات التسعينات من اول سيستم بورش وحتى موديلات 2008 كلهم ممتازين جداً جدً
انا هكلمك عن موديلات من 93 و حتى 99 العربيه دى تم انتاجها فى المانيا اول انتاج ليها كان سنة 99 فى مصنح فولكس ومن 94 الى الان مصنع سيات اسبانيا اللى تملكه شركة فولكس بالكامل من عام 86 (مع بداية انتاج سيات ابيزا سيستم بورش)المهم موديلات 94 هى اللى نزلت مصر بموتور 1300cc بـ 55 حصان و كان فى اوربا بتزل بفئات 1300 و 1600 و 1900 ديزل و من اول سنه 97 نزلت فى مصر بموتور 1000 cc وما نزلش منها فى مصر او بمعنى ان التوكيل ما نزلش من العربيه دى الا 1000 و نزل عربيتين 2000cc اسمها كوبرا من فئة كايت كار
لكن على مستوى اوربا كان فيه من الموديلات 97 وحنى 99 1000و 1400 و 1400-16 صمام و 1600 و 1800 و 1900 ديزل و 2000 , و الا1800 اوتوماتيك
و اى عربيه تانيه فى مصر من الموديلات دى ماتورها اكبر من ال 1000 يبقى مسقطين فيها مواتير
و نصيحه اخيره ال98و 99 افضل سيارات و ماتخفش من 1000cc انا بجيب بيها 150 سرعه و اخرها 165
ومتوسط اسنهلاكها فى البنزين فى السفر على سرعه 100 بتاخد 5 لتر كل 100 كيلو وداخل البلد فى الزحمه 7.5 لتر لكل 100 كيلو
و بالنسبه لتكيفها الاصلى ممتاز وما بيأثرش فى السحب بتاعها
و ثبات العربيه زى البى ام انا سوقت البى ام 318 2005 , ثبات الابيزا رائع مستواة زى البى ام عن تجربة مش كلام و خلاص
بس المهم تلاقى عربيه حالتها كويسه مش متبهدلة لان بصراحه لو العربيه متبهدله يبقى ال 128 احسن منها لو شوفت واحده نضيفه خدها باى سعر ومش هتندم
مع تحياتى و ربنا يوفقك
محمد مصطفى كامل

الله ينور عليك أستاذ محمد فينك يا باشا من زمان تظهر أوقات كده وترجع تختفي تاني

[Karim_Mohy]

بس كان فيه قبل كده حد معاه العربية وكان عايز يغير الموتور لانه بيقول انه مش قوي وكده........هل ده صحيح ؟

[mina_opel]

بس انا شايف ان البادى بتاع العربية دى تقيل على ال 1000 cc انا كان معايا واحد صاحبى راكب اوبل كورسا 1000 cc كان بيشتكى منها قوى وبيقولى ابعد عن الالف سى سى حتخنئك وعلى حد قولك ان افضل الموديلات هو 98 و 99 بالرغم انه 1000cc

[ibiza50]

بس انا شايف ان البادى بتاع العربية دى تقيل على ال 1000 cc انا كان معايا واحد صاحبى راكب اوبل كورسا 1000 cc كان بيشتكى منها قوى وبيقولى ابعد عن الالف سى سى حتخنئك وعلى حد قولك ان افضل الموديلات هو 98 و 99 بالرغم انه 1000cc

صديقى
احب اقولك حاجه الاوبل كورسا الـ 1000 cc بتكون 3 سيلندر الابيزا 4 سيلندر و عموما انا مش بقولك ان الابيزا ال1000 صاروخ هى مش بتجرى نار دى مهما كانت 1000 بس و لكن العربيه دى كفائه فعلا
لو انت عاوز تجرى و تسحب يبقى هات هيونداى وخلاص هى دى العربيات اللى بتجرى بس بتجرى مافيهاش اى مميزات تانيه غير كده بس ماتور مابيستحملش
الابيزا انا جريت على (من 150 الى 165 سرعه) لمدة ساعه و نصف متواصل و الماتور ماشاء الله و لا كانه عمل حاجه جرب فى اى عربيه من اللى بيجرو زى الصاروخ لمده ساعه على سرعتها القصوى و بعد كده هتعرف الفارق بينها و بين الماتور الالمانى
وعموما القرار يرجعلك فى الشراء و خد بالك انك بتشتر مستعمل و اللى بيبيع العربيه بيكون مش مهتم بيها لانه بيكون قرر يبيع ومش عاوز يصرف ودة فى اى نوع
و اخيرا احب اقولك العربيه كويسه سحبها معقول فى المطالع كويسه بتستحمل القرص عليها بس مش طلقه فى الجرى والماتور متناسب مع العربيه بالرغم ان وزنها 945 كيلو ولا تقارن بالكورسا ال 3 سيلندر مع ان الكورسا عربيه محترمهه برده اما اذا كنت بتحب الجرى مع الماتور الكبير ممكن تجيب اوبل فيكتر 2000 سى سى الشكل القديم هى فى حدود من 40 الى 45 الف و دى صاروخ فعلا
مع تحياتى
محمد مصطفى

[ibiza50]

الله ينور عليك أستاذ محمد فينك يا باشا من زمان تظهر أوقات كده وترجع تختفي تاني

الله يخليك يا باش مهندس ايهاب بس الشغل و ظروف الحياة و عموما كل لما اقدر ادخل و لاقى فرصه بدخل
و تحياتى ليك

[ibiza50]

بس كان فيه قبل كده حد معاه العربية وكان عايز يغير الموتور لانه بيقول انه مش قوي وكده........هل ده صحيح ؟

الاستاذ / كريم
هى طبعا ماتورها مش قوى و لكن اداء العربيه مع موتورها جيد جدا بش الموتورر مش هيكون مناسب للشخص اللى بيحب يجرى و يعمل تسارع الاحسن انه يجيب من 1.6cc الى 2.0cc و الموتير دى موجوده فى الحرفيين و فى بورسعيد بكل مشتملاتها
مع تحياتى

[mina_opel]

اخى الفاضل ibiza50 انا متشكر جدا جدا على اهتمامك معايا بس انت عارف ان شراء مستعمل عملية صعبة شوية وبتبقى محتار بين دى ودى بس انا عجبانى الابيزا حاسس انها عربية محترمة سعرها معقول ومتورها المانى
بس فى سؤال كدة ياعنى انا لو لقيت ابيزا موديل 98 او 99 فوق ال 1000 cc يبقى دى متسقتلها ماتور ؟
و الابيزا 98 و 99 ال 1000 CC بتبقى 4 سلندر وكام صباب
انا فى ناس بتقولى ابعد عن الالف CC بتبقى مشكلها كثير العربيات ال 1000 مع معلومة انى موش بحب الجرى والشد والكلام دة بس انا عايز عربية محترمة برضوا تبقى كويسة فى السفر وتسافر مرتاحة ومتتعبنيش كل شوية فى تصليح وكدة
متشكر على اهتماك معايا بس انت فهمت دماغى كدة يابرنس وانا على ردك اللى جاى حتكل على الله وابدء البحث عن ابيزا

[mina_opel]

طب لما ادور على عربية مثلا موديل 99 المفروض علشان تكون حالتها كويسة بالافتراض ياعنى لو صاحبها محافظ عليها المفروض تكون ماشية كام كيلو ياعنى لما ادور على عربية لو فوق الكام كيلو مفكرش فيها باعنى

[ibiza50]

اخى الفاضل ibiza50 انا متشكر جدا جدا على اهتمامك معايا بس انت عارف ان شراء مستعمل عملية صعبة شوية وبتبقى محتار بين دى ودى بس انا عجبانى الابيزا حاسس انها عربية محترمة سعرها معقول ومتورها المانى
بس فى سؤال كدة ياعنى انا لو لقيت ابيزا موديل 98 او 99 فوق ال 1000 cc يبقى دى متسقتلها ماتور ؟
و الابيزا 98 و 99 ال 1000 CC بتبقى 4 سلندر وكام صباب
انا فى ناس بتقولى ابعد عن الالف CC بتبقى مشكلها كثير العربيات ال 1000 مع معلومة انى موش بحب الجرى والشد والكلام دة بس انا عايز عربية محترمة برضوا تبقى كويسة فى السفر وتسافر مرتاحة ومتتعبنيش كل شوية فى تصليح وكدة
متشكر على اهتماك معايا بس انت فهمت دماغى كدة يابرنس وانا على ردك اللى جاى حتكل على الله وابدء البحث عن ابيزا

صديقى مينا

• المستعمل شىء صعب انا متفق معاك بس انت بدور و تعمل اللى عليك و التوفيق بتاع ربنا و بتالى انا مش هقدر اضمنلك انك تشترى عربيه كويسه اى كان نوعها دة مستعمل يعنى حاجه على حساب حاجه
• اما بالنسبه للابيزا ال 1000 cc فمنزلش منها اقصد الوكيل منزلش منها غير 1000 بس و اى عربيه هتشوفها ابيزا او بولو من 94 الى 99 فيها موتور اكبر يبقى متركب لها
• امافيما يتعلق بانها مشاكلها كتير هقولك حاجه انا ماشى بالعربيه 200 الف كيلو الحمد لله على مدار 12 سنه اللى فاتو موقفتش منى الا مره واحده و كانت طرمبة البنزين هى السبب و مافيش يوم جيت ادورها الصبح مادارتش و الحمد لله
• و اكيد فيه عيوب كنت كاتبها فى المنتدى ده قبل كده بس اهم عيب هو انها مصممه للبنزين ال98 و 95 وده مكتوب على غطاء تنك البنزين وبالرغم من كده كنت بحطلها 90 و لما نزل ال92 بقيط احطه وده بيخلى العربيه احيانا و مش كتير تسمع صوت تصفيق فى الماتور و خصوصا فى السرعات العاليه بعد 130 تقريبا
• اما فيما يتعلق بسئوالك عن تكون ماشيه كام كيلو مثلا علشان تكون كويسه بالكتير 100 الف كيلو و الاهم حالة العربيه نفسها يعنى جسم العربيه و شاسيه العربيه يكونوا 10/10 و الماتور برده و خد بالك لو العربيه حالنها العامه ممتازه يعنى الصالون ممتاز و الجسم و الشاسيه ممتازين و الماتور مش قوى ممكن تاخدها و تغير الماتور و تجيب ليها 1400 وديلات من 96 الى 99 وده ماتور ممتاز و ده ثمنه بالتركيب حوالى 4000 جم و ده لا يحتاج تعديلات فى العربيه يعنى ده يتشال و ده يركب(يركب بدون تعديل فى 97 و 98 و 99) اما فى موديلات 94و 95 بيحتاج تعديلات كتير جداً

و ربنا يوفقك

[mina_opel]

متشكر جدا جدا على اهتمامك شكرا صديقى ibiza50 تعبتك معايا يابرنس متشكر جدا

[mina_opel]

الماتور ال 1400 بتاع الجولف يركب عليها تمام ولاا بيحتاج تغيرات

[ehab_mansour]

الماتور ال 1400 بتاع الجولف يركب عليها تمام ولاا بيحتاج تغيرات

يركب يا أفندم
وعايز أقلك اني معايا ابيزا 98 1000 سيسي وكنت شاريها ماشيه 191 الف كيلو ومشيت انا بيها حتي الأن عاملة 266 الف كيلو والحمد لله زي الفل ولكن فقط وللأمانه هيا من غير تكييف