مشكلة العربية الالتيا

[toot70]

يا شباب صباحكوا فل الفل

هو ليه مفيش اي كلام عن العربية الالتيا وعيوبها
ممكن حد يكتبلنا عنها من فضلكوا محتاجين نفهم نشتري واللا لا
الالتيا بالتحديد

[toot70]

الغريبة بان فيه 20 زيارة ومحدش بيرد
هو فعلا محدش عارف حاجة واللا الناس بتكسل ترد

[M.Radwan]

الغريبة بان فيه 20 زيارة ومحدش بيرد
هو فعلا محدش عارف حاجة واللا الناس بتكسل ترد

ممكن الناس اللى داخلة مش عارفين حاجة عن العربية زي حالاتي كده
خصوصا انها مش منتشرة خالص..اصبر شوية وهتلاقي الشباب بيردو عليك علطول،

[عبد الرحمن اسامه]

انا عارف العربية كويس، هي شبيها جدا بالليون المعايه، و مع واحد صاحبي، الفرق بينها و بين الليون إنها عربية عائلية في حين إن الليون رياضاية، يعني الألتيا اوسع شوية من ورا و شنططها اكبر، و قاعدتها عالية شوية، و سقفها عالي كتير عن الليون. نفس الموتور الهو موتور الجولف ٥
العربية اعتمادية جدا و تحفة، معرفش ايه بالظبت الانتا عايز تسأل عليه ؟

[AHMED REFAT]

اخى الحبيب .. الحقيقة ان كنت سبقتك بالسؤال عن العربية دى من فترة ولكن للاسف برضه لم يفيدنى اى احد وهذا تقريبا لان ليس من رودا المنتدى اى حد معاه الالتيا اكس خالص وما حدش عايز يتكلم من غير ما يعرف وجزاهم الله خير على كده طبعا لان اللى بيتكلم بدون معرفة ده بيضر غيره بدون قصد ضرر بليغ .. المهم انا العربية عجبانى جدا ومهتم بيها جدا لانها سيارة عائلية وواسعة وفيها كماليات كثيرة وكل قطع الغيار بتاعتها المانى من فولكس واجن ولكنها تقفيل اسبانى .. العربية فعلا محترمة جدا وانا شوفتها ولا مقارنة بين السيرات الخرى فى فئتها زى الكارينز والجراند تريوس والكلام الفاضى ده .. لا لا ادلق يا صاحى لا مقارنة تماما .. ده غير الكماليات اللى ما لهاش حل .. وخد عندك
6 اير باج ، abs . Ebd .gsp ، كنترول فوج لايت ( يضئ اتوماتيك عند الدوران لليمين او الشمال ) ، فوانيس اضاءة تدور لليمين والشمال ، فتحة سقف ، جهاز متابعة ضغط الاطارات ، طارة مالتى فنكشن ، مثبت سرعة ، بلوتوث بخاصية بلو مى ( تخزين الارقام ليظهر الاسماء ويمكن الطلب الصوتى ) ، وحدة رفع زجاج ، ريموت كنرتول ... وغيره وغيره .. سعرها دلوقتى 159500 .. وانا تحت امرك لاى تساؤل تاى

[toot70]

انا عارف العربية كويس، هي شبيها جدا بالليون المعايه، و مع واحد صاحبي، الفرق بينها و بين الليون إنها عربية عائلية في حين إن الليون رياضاية، يعني الألتيا اوسع شوية من ورا و شنططها اكبر، و قاعدتها عالية شوية، و سقفها عالي كتير عن الليون. نفس الموتور الهو موتور الجولف ٥
العربية اعتمادية جدا و تحفة، معرفش ايه بالظبت الانتا عايز تسأل عليه ؟

انا عاوز اشتريها بس مش لاقي كلام عنها
واللي قلقني ان واحد كتب انها قليله وكمان واطية جدا
والحاجات النادرة تقلق فانا عاوز اعرف مشاكلها بشكل عام لانها بجد بجد بجد مفيش اي حاجة ولا تقرير ولا معلومات عنها زي ما يكون اللي عنده العربية مكسوف منها او مش بتاع نت من اساسه
طيب اللي عاوز يروح لمين واللا مغامرة وخلاص والا ايه بالظبط

[AHMED REFAT]

اخى الحبيب السيارة مياع منها فى معرض المهندسين حتى الفترة القليلة الماضية حوالى تسعين سيارة ويرجع عدم معرفة الناس بيها لقلة الاعلان عنها لكن من يفهم فى السيارات يعلم تماما ان الالتيا سيارة عائلية محترمة واسعة جدا ةعالية مش واطية ولا حاجة وهى اقل ارتفاعا من الكارينز والماتريكس حاجة بسيطة وارتفاعهاعن الارض 16.7 سم ومساحة الشنطة فعلا ممتازة واكتر من ممتازة كمان غير وسع الصالون نفسه .. غير ان معظم توكينها المانى من فولكس واجن ولو حضرتك شفتها من جوه ها تلاقى علامة فولكس واجن على كل حاجة لانها الشركة المالكة لسيات الاسبانية ولان تتبع المدرسة الامانية فى السيارات .. حتى الطارة هى الموجودة فى البولو والجيتا الجديدة ونفس موتور الجيتا ايضا علما بان فيها احدث ناقل حركة فى العالم وهو الموجود فى الباسات ال 1400 سى سى التربو .. اتفرج عليها واسال تانى وربنا يجعلها اختيار موفق وصفقة رابحة لك .. وعلى فكرة هى ابيتدت تظهر كثير فى الشارع فى الايام اللى فاتت دى تابعها انت بس ... وربنا يوفقك

[toot70]

اخى الحبيب السيارة مياع منها فى معرض المهندسين حتى الفترة القليلة الماضية حوالى تسعين سيارة ويرجع عدم معرفة الناس بيها لقلة الاعلان عنها لكن من يفهم فى السيارات يعلم تماما ان الالتيا سيارة عائلية محترمة واسعة جدا ةعالية مش واطية ولا حاجة وهى اقل ارتفاعا من الكارينز والماتريكس حاجة بسيطة وارتفاعهاعن الارض 16.7 سم ومساحة الشنطة فعلا ممتازة واكتر من ممتازة كمان غير وسع الصالون نفسه .. غير ان معظم توكينها المانى من فولكس واجن ولو حضرتك شفتها من جوه ها تلاقى علامة فولكس واجن على كل حاجة لانها الشركة المالكة لسيات الاسبانية ولان تتبع المدرسة الامانية فى السيارات .. حتى الطارة هى الموجودة فى البولو والجيتا الجديدة ونفس موتور الجيتا ايضا علما بان فيها احدث ناقل حركة فى العالم وهو الموجود فى الباسات ال 1400 سى سى التربو .. اتفرج عليها واسال تانى وربنا يجعلها اختيار موفق وصفقة رابحة لك .. وعلى فكرة هى ابيتدت تظهر كثير فى الشارع فى الايام اللى فاتت دى تابعها انت بس ... وربنا يوفقك

استاذ احمد اشكر اهتمامك
انا بتكلم عن الالتيا 2008 يا باشا المانيوال مش الاتوماتيك
وحضرتك مش شايف ان عربية ارتفاعها 17 سم عن الارض وهي فاضية يبقي قليل؟ امال لما تبقي كاملة العدد ومعانا شنط هتبقي علي الاقي 14 سم وكل مطبات مصر علي ارتفاع ميقلش عن 20 سم دا لو بحلم ومش يكون 40 سم
هههههه المهم هي كدا مش واطيه ؟
انا حاسس انها كويسة بس مش عارف اطمن


وبعدين اللي هشتريها منه معاه بقزاز فاميه اصلي بس معرفش ليه مثبتوش علي الرخصة هو سهل انها تتثبت واللا لا


محتاااااااااااااااااار اشتريها واللا لا وخايف لتضيع مني واندم عليها وخايف اشتريها وارجع اندم اكتر ؟؟؟؟؟؟؟

[AHMED REFAT]

استاذ احمد اشكر اهتمامك
انا بتكلم عن الالتيا 2008 يا باشا المانيوال مش الاتوماتيك
وحضرتك مش شايف ان عربية ارتفاعها 17 سم عن الارض وهي فاضية يبقي قليل؟ امال لما تبقي كاملة العدد ومعانا شنط هتبقي علي الاقي 14 سم وكل مطبات مصر علي ارتفاع ميقلش عن 20 سم دا لو بحلم ومش يكون 40 سم
هههههه المهم هي كدا مش واطيه ؟
انا حاسس انها كويسة بس مش عارف اطمن


وبعدين اللي هشتريها منه معاه بقزاز فاميه اصلي بس معرفش ليه مثبتوش علي الرخصة هو سهل انها تتثبت واللا لا


محتاااااااااااااااااار اشتريها واللا لا وخايف لتضيع مني واندم عليها وخايف اشتريها وارجع اندم اكتر ؟؟؟؟؟؟؟

اااااه انا اسف انا فعلا بتكلم عن الجديدة بفتيس dsg ولكن التغير ليس كبير قوى على فكرة قد يكون شكلها من ورا فقط اختلف وبعض الكماليات زادت ولكن السيارة نفسها ممتاة ولا غبار عليها ولكن يبقى امران
اولا : اللى اعرفه والله اعلم ولكنى اكيد ان شاء الله من المعلومة ان الالتيا لم ينزل منها زجاج فاميه نهائيا فابريكة ولو كان اصلى كان لابد اضافته على الرخصة دون نقاش وعدم اضافته على الرخصة معناه انه مش اصلى واستحالة اضافته بعد كده لانه بيكون مثبت على الافراج الجمركى وهذا ما يفرض على المرور اضافته لكن دلوقتى انسى يا عمر
ثانيا : السيارة ممتازة وقطع الغيار موجودة عند التوكيل وسعرها مش ها نقول غالى قوى لان كل حاجة بقت غالية ولكن المشكلة فعلا فى الالتيا والسيات بالذات فيما عدا الابيزا سعر اعادة البيع ... ما فيش واقع طبعا وسرعة بيعها ولا السلحفة .. يعنى لو حضرتك قررت ان تشتريها توقع انها ستكون الصديق الصدوق الملازم لك على الدوام وكمان ممكن يثبوتها ليك على البطاقة .. هههههه .. لكن ركوبة فعلا سيارة تستحق وربنا يوفقك
اما عن موضوع الارتفاع فهى مناسبة ليت كالتريوس مثلا على فكرة التريوس فى حدود 20 او 22 سم تقريبا ودى اقرب نقطة من الارض والكارينز والماتريكس من 17 الى 17.5 تقريبا على العموم تقريبا مسألة الارتفاع دى تساوية او شبه متقاربة لكل فئة ال mpv وترتفع طبعا مع فئة ال suv يعنى ما تخليهاش تقلقك قوى لانك مع مطبات الحروسة .... لاااااااااااازم تكحت