ياريت ياجماعه بعد اذنكو حد يساعدني في تسعير العربيه دي .. ضروري جدا

[KaReeM10]

دلوقتي يا جماعه انا قدامي عربيه ابيزا 98 بالمواصفات دي:

1400 سي سي
دواخل فابريكه
تكييف
سنتر بالريموت
2 ازاز كهربا
هاف باور
جنوط سبور
فرش جلد جديد

الراجل صاحب العربيه بيتكلم في 32 .. هل ده سعر معقول ولا ممكن ينزل شويه و يبقا كام

مع الاخذ في الاعتبار ان رخصة العربيه هتخلص اخر الشهر ده .. والحته البلاستيك الطويله اللي ورا بين الفانوسين دي مش موجوده .. ياريت حد يقولي سعرها كام

والميكانيكي بيقولي الابيزا عموما بتسخن .. الكلام ده صح ولا ايه ؟؟؟؟

معلش ياجماعه الموضوع طويل بس بجد انا محتاج مساعدتكو لان معنديش خبره اوي ومتأكد انكم ان شاء الله هتفيدوني

شكرا جزيلا..........

[banky]

بص يا باشا ... الأبيزا مابتسخنش ولا حاجة و السعر دة مناسب ليها بس اهم حاجة تكشف على العافشة وال شاسية والموتور و هل هى فابريكة ولا لأ و كدة يعنى .... و ربنا يوفقك يا رب

[windofchange]

نفس لون عربيتي والإيبيزا اساسا مبتسخنش ماشاء الله عليها ميكانيكي 28 ده ولا ايه والحتة البلاستيك تعملها 200 ل250 جنيه عشان بتتسرق وسعرها ضارب لأنها ظابطه شكل الشنطة بس ليها حل عشان لما تتسرق تتكسر ههههه تخرم لكل واحدة منهم مسمار في الشنط يمين وشمال وده يثبتها ولو حاول يسرقها ههتكسر في ايده و.....والسعر حلو علي فكرة طالما الحالة كويسة واعرف منه ده موتور الفابريكة ولا هو مسقطة لو الردياتير 2مروحة يبقي احتمال يكون الفابريكة لأنو فالتسقيط قليل اللي بيغير الردياتير وملحقات الموتور ياما هو مسقطة من نص واو جايب حاجته كلها يبقي واد نزيه وبص برده علي رخصة العربية متسجل فيها 1400 ولا 1000 وربنا ييسرلك الخير

[behman]

الاول لازم ترفع العربيه و تشوف الشاسيه و القنطره اخبارهم ايه فيهم خبطه او لوحه .... عشان في عربيات كتير فبريقه جوه بس فيها شاسيه
و بالنسبه للسعر معقول بالنسبه للكماليات و المصاريف
الموتور ده محترم احسن و اقوي من ال 100 و ال 1300 ....و لو حتي متسقطلها .... عادي الموتور ده اريح موتور بينزل للابيزا
و ده بأعتبار ان مافيهاش مصاريف او شغل في الموتور و العفشه و الكماليات شغاله
العاكس اللي ورا ده مش موجود كتير ... هاتلاقيه في الحرفيين زي ما الناس هنا قالت في حدود 200 جنيه
انا ريحت دماغي من القصه دي و قفلت الحته دي كلها و شكلها كده احلي بقت شبه الجولف 4 من ورا .... بس عايزه صنعه
وحنا تحت امرك لو عنك اي استفسار عن اي حاجه تخص الابيزا
و ربنا يوفقك و ابقي قولنا عملت ايه

[windofchange]

بيمان باشا ايه الحلاوة بص معاك حق الشنطة بيبقي شكلها بعد متشيل العواكس اشيك وراحة ولا سرقة علاماات ولا يحزنون وقريبة مالجولف فعلا بس انا قصدي فموضوع المكنة 1400 في ناس بتسقطها مكنة وفتيس وخلاص علي كده لكن لو معاها الباور والتكييف يبقي السعر ده ممتاز يعني سيات مش هتحط ردياتير 2مروحة ملوش لازمة ده قصدي يعني قريب مالفبريكة في تسقيط بيتصرف عليه وفي ناس بتسقط مكنة وفتيس واحيانا مكنة بس وراكبة عالفتيس القديم وده بيزود استهلاك البنزين سنة والعربية بتبقي مكتومة ومتجمعش سرعة معاك فاللي بيسقط مكنة بحاجاتها مش لازم نص كامل يبقي ده الشغل السليم هيعرف منين زي مقلت اسهل حاجة موضوع الردياتير2 مروحة لأن ال1000 سي سي مروحة واحدة وبرده خزنة زيت الباور لأن ال1400 نازلة باور وتكييف فبريكة وبكده مش هتفرق لو العربية كانت 1000 وخلاها 1400 بس مسقط صح

[behman]

تسلم يا هوووبه هي حلوه بس عايزه تتفنش بعلامه سيات الكبيره 2001 مع اي حركه تانيه او ستيكر .... بس انا مستني اروح ارخص
بالنسبه للموتور 1400 انت جبت المفيد و زياده شويه .... الله ينور يا هندسه

[الغزالى]

تسلم يا هوووبه هي حلوه بس عايزه تتفنش بعلامه سيات الكبيره 2001 مع اي حركه تانيه او ستيكر .... بس انا مستني اروح ارخص
بالنسبه للموتور 1400 انت جبت المفيد و زياده شويه .... الله ينور يا هندسه

على فكرة الحركة الى بيقول عليها بهمن دى فعلا بتخلى شكل العربية حكاية
ولما شوفتها على عربيتة مع اللون الارزق الى هو عاملة بس الله ماشاء الله علية حكاية

--------------
انت هاترخص فى شلقان ولا اية لو كدة الله يكون فى عونك مع مهندس الفحص الى هناك لحسن بص راجل مش بيسيب حاجة غير لما يبص او اعى تكون لازق حاجة ولا بتاع لحسن ها يخليك تشيلها وانت واقف ويطلع عينك

[behman]

على فكرة الحركة الى بيقول عليها بهمن دى فعلا بتخلى شكل العربية حكاية
ولما شوفتها على عربيتة مع اللون الارزق الى هو عاملة بس الله ماشاء الله علية حكاية

--------------
انت هاترخص فى شلقان ولا اية لو كدة الله يكون فى عونك مع مهندس الفحص الى هناك لحسن بص راجل مش بيسيب حاجة غير لما يبص او اعى تكون لازق حاجة ولا بتاع لحسن ها يخليك تشيلها وانت واقف ويطلع عينك

تسلم يا معلم غزالي .... الشنطه لسه عايزه شويه حركات زي ماقلت بس بعد الرخيص
و ناوي ارخصها في مرور القناطر ( شلقان دي كانت وحشه اوي في حقنا ) بس لما اتأكد ان النمر الجديده نزلت و بالمناسبه ده اسوأ و احقر مرور شفته في حياتي و كله كوم و واحد اسمه استاذ سامي ده كوم تاني ( شبه هتلر بالظبط نفس الشنب ) هو اللي بيعمل كل حاجه هناك
و بالنسبه لمهندس الفحص .... ياباشا كل حاجه في بلدك بتخلص بالفلوس او الواسطه الحلوه للأسف
لو هاتمشي عدل هايطلعو عين اللي خلفوك عالفاضي
انا طلعت الرخصه ونا في البيت .... رحت عالتصويربس و نفس الكلام جوز اختي و اختي .... عشان ظابط

[الغزالى]

تسلم يا معلم غزالي .... الشنطه لسه عايزه شويه حركات زي ماقلت بس بعد الرخيص
و ناوي ارخصها في مرور القناطر ( شلقان دي كانت وحشه اوي في حقنا ) بس لما اتأكد ان النمر الجديده نزلت و بالمناسبه ده اسوأ و احقر مرور شفته في حياتي و كله كوم و واحد اسمه استاذ سامي ده كوم تاني ( شبه هتلر بالظبط نفس الشنب ) هو اللي بيعمل كل حاجه هناك

لو هاتمشي عدل هايطلعو عين اللي خلفوك عالفاضي و بالنسبه لمهندس الفحص .... ياباشا كل حاجه في بلدك بتخلص بالفلوس او الواسطه الحلوه للأسف
انا طلعت الرخصه ونا في البيت .... رحت عالتصويربس و نفس الكلام جوز اختي و اختي .... عشان ظابط

احمد ربنا انا مطلعين عينى ومش رادى يطلعلى الرخصة ومصمم ان اعمل الاختبار وبعملة بس المشكلة انى بتخض وانا راجع بظهرى فى اختراع الاقماع الغريب الى العجيب الى عندنا
دة وبسقط لحد دلوقتى عامل البتاع دة لوحدوا 2 او 3 تقربيا
وكل مرة نفس الحكاية لحد اما زهقت خلتها الاجازة
احاول اعملها فى الاجازة دى

[KaReeM10]

انا متشكر اوي يا جماعه على مساعدتكو والله وده اصلا اللي كنت متوقعه من المنتدي المحترم ده

انا هنزل انهرده ان شاء الله اشوف وحده ابيزا 94 وهشوف وحده جولف 2 لو مخلصتش في وحده منهم يبقا ان شاء الله هخلص في دي

وشكرا ليكو للمره التانيه

[الغزالى]

انا متشكر اوي يا جماعه على مساعدتكو والله وده اصلا اللي كنت متوقعه من المنتدي المحترم ده

انا هنزل انهرده ان شاء الله اشوف وحده ابيزا 94 وهشوف وحده جولف 2 لو مخلصتش في وحده منهم يبقا ان شاء الله هخلص في دي

وشكرا ليكو للمره التانيه

اية يا عم الاحمر دة كلة انت عايز الى مش واخد بالة ياخد والا اية
اللحق غيرة لانة مخصص للمداخلات الادارية بس
وممكن تتخبط وقف ولا حاجة

[ehab_mansour]

بالتوفيق يا باشا وطبعا الأخوة الأعضاء مش سايبين حاجه تتقال

[Abody1985]

يا كريم الحق نفسك الاحمر للأدارة والمشرفيين فقط
بالتوفيق يا باشا