العربيه مجنناني ( موبينه - إسبراتير - كربراتير - شكمان - ...... ) الله أعلم

[fadynabil]

في الأول أحب أحيي الناس الجامده اللي منورين القسم وأقولكم عل موضوع حصل معايا بقاله فتره بس أنا كنت مأجل إني أعمل الموضوع ده دلوقتي .. بصراحة كنت مستني أحله الأول وبعدين أحكيلكم ع اللي حصل حتي تعم الفائده .. ولكن الموضوع مازال قائم

المهم هدخل في الموضوع علي طول

.. من فتر كده حوالي شهرين أو أكتر العربيه مره واحده وبدون أي مقدمات كنت ماشي بيها عادي ومره واحده كنت راكنها وبعدين قولت أدور وأمشي ،، فجأه العربيه مش بتدور صوت مارش وخلاص والعربيه مش بتنطق .. قولت أجرب أرميلها وأدور
ولكن مفيش فايده ,, المهم كلمت الميكانيكي وقالي شوف في كهرباء واصله للإسباتير ولا لأ ..المهم عشان كنت مسافر وقتها جبت ميكانيكي غير اللي بتعامل معاه و بص علي الكهرباء زي ماقولتله وفعلا زي كلام الميكانيكي بتاعي ماقالي ( إحتمال كبير تكون موبينه - أو إسبراتير )

وفعلا أخدت الموبينه بالمشط اللي فيهاوكمان الإسبراتير وسافرت للميكانيكي بتاعي وجربتهم وطلع المشكله من المشط اللي بيركب في الموبينه .. المهم قولت نجيبه إستيراد ولكن للأسف مكانش موجود خالص لأنه عندي 6 رجل واللي كان متوفر 3 رجل

المهم أعمل إيه روحت أشتريه جديد لقيت نوعين الـ 2 تقريبا صيني بس كان في واحد( مشط فقط بـ 100 أو 120 في الحدود دي ) وفي بقي موبينه بمشطها حته واحده بــ 240 تقريبا ...

وفي بقي نوع تاني اللي هوه المفروض إنه النضيف موبينه بمشطها حته واحده بــ 470 .. والراجل قعد يشكر فيها أوي

المهم قولت لنفسي أشتري الغاليه وأريح نفسي ( أنا مش من النوع اللي بيستخصر وبالذات دي حاجة مهمه في الكهرباء )

المهم إشتريتها بــ 450 جنيه وتم التركيب ومشيت بالعربيه زي الفل

... وبعد فتره يجي شهر ونص كده ... إبتدي الإشتغالات


فجأه وأنا ماش لقيت العربيه علي سرعة 100 تقريبا بتقطع .. قولت يمكن بنزين مع إني بحط 92 من إمارات مصر

المهم كلمت الميكانيكي وقولت أغير فلت البنزين ومشيت وبعدها بفتره يجي إسبوعين الموضوع حصل تاني .. طب وبعين كنت هتجنن .. لأن كمان الموضوع مش بيحصل علي طول

المهم الموضوع إستمر فتره كده يحصل معايا مره كل أسبوع أو إتنين المهم أنا كنت هتجنن روحت للميكانيك وقولتله تعالا جرب يمكن تعملها معاك ( وبيني وبين نفسي كنت متأكد إنها هتكسفني وتمشي زي الفل ) .. وعلي غير العاده العربييه عملتها معاه

واللي بيحصل كالأتي لو إنت مثلا ماشي 120 أو 110 ومثبت السرعه شويه فجأه تلاقي العربيه ( مفيش بنزين كأن دواسة البنزين مش موجوده ) وبعد ما تشيل رجلك من ع البنزين والسرعه توصل لـ 70 أو 75 تبتدي العربيه تفوق تاني .. طبعا كل ده وأنا ع الخامس

المهم قالي الشكمان بيطلع منه صوت زي مايكون عطس كده قالي العلبه اللي ورا مش كويسه روح شوفها المهم خرمناها وجربت العربيه لقيتها فاقت وبقت طياره.. قلت الحمد لله و غيرناها والعربيه بقت فله وعدي يجي شهر والعربيه معايا زي الفل

وبعدها المهم ماشي في أمان الله والعربيه عملت تاني كنت هتجنن خلاص ... طيب إيه المشكله دلوقتي .. المهم نفك الكربراتير وننضفه يمكن يكون في حاجة .. فكينا ونضفنا وبردو الموضوع بعدها حصل تاني

طيب كده إيه الميكانيكي قالي المشكله يا أما في الموبينه أو الإسبراتير وطبعا هوه عمال يدورلي علي مشط إستيراد 6 رجل عشان نجربه بس للأسف مش لاقي غير الــ 3 رجل

المهم رحتله إمبارح وغيرت الإسبراتير بواحد من عنده وطلعت جربت بس الموضوع حصل تاني .. بس هوه كان قايلس إن ممكن السبراتير اللي بنجرب بيه يكون في مشكله عشان هوه كان عنده كذا واحد المهم وأنا مروح إميارح العربيه قطعت منني وأنا ماشي ،، فضلت أحايل فيها لحد ما دارت ورحتله النهارده غيرت الإسبراتير بواحد تاني المفروض إنه سليم

المهم وأنا ماشي بيها النهارده حاسس بفرق شويه في موضوع العزم ما بين سرعه 80 إلي 100 إتحسن شويه ومحصلش الموضوع بتاع التقطيع وهروب البنزين ده ولسه بجرب وربنا يسهل بقي ونشوف إيه اللي هيحصل

ياتري المشكله هتكون من الإسبراتير ولا الموبينه ؟؟؟؟؟؟؟؟؟ إدعولي إني أخلص المشكله دي لأني كنت بفكر أبيع العربيه اليومين دول و هغير ،، وبصراحه لازم أحل الموضوع ده الأول عشان ربنا يرزقنا بحاجة كويسه كده

[amrelsaqqa]

هى البوجيهات اخبارها ايه ؟

[ehab_mansour]

هى البوجيهات اخبارها ايه ؟

كنت هقول نفس الرد
علي العموم التقطيع اللي بيروح ييجي ده مشكلة كهرباء
اكشف علي دائرة الكهرباء كاملة من أول الموبينة مرورا بالأسبراتير والأسلاك ثم البوجيهات .

عايز أقلك يا فادي من خبرتي في صيانة الماكينات عامة فيه عندي أساس علمي ثابت لا يتغير وهو
ان المشكلة الميكانيكية عامة هي مشكلة ثابتة ومش بتروح وتيجي
ولكن المشكلة او العطل الكهربي عيب مقرف وممل يفضل يروح وييجي لحد ما يجننك علي ماتوصل لحل هذه المشكلة

وربنا ييسرلك الحال وتخلص مشكلتك وابقي طمنا

[amr_paolo]

ربنا يوفقك وتحل مشكلتك

[fadynabil]

هى البوجيهات اخبارها ايه ؟

شكراً ياشباب علي الردود

أما بالنسبه للبوچيهات يا أ/عمرو أنا كنت مغيرها من قريب .. ومعتقدش إنها ممكن تكون منها لأن البوچيهات لو فيها مشكله هتقطع علي طول

[fadynabil]

كنت هقول نفس الرد
علي العموم التقطيع اللي بيروح ييجي ده مشكلة كهرباء
اكشف علي دائرة الكهرباء كاملة من أول الموبينة مرورا بالأسبراتير والأسلاك ثم البوجيهات .

عايز أقلك يا فادي من خبرتي في صيانة الماكينات عامة فيه عندي أساس علمي ثابت لا يتغير وهو
ان المشكلة الميكانيكية عامة هي مشكلة ثابتة ومش بتروح وتيجي
ولكن المشكلة او العطل الكهربي عيب مقرف وممل يفضل يروح وييجي لحد ما يجننك علي ماتوصل لحل هذه المشكلة

وربنا ييسرلك الحال وتخلص مشكلتك وابقي طمنا

شكر يا أ/إيهاب علي الرد ... بس فعلا أنا كنت هتجنن خلاص اليومين اللي فاتو لأن المشكله عندي إن من النوع اللي مبعرفش أكبر دماغي وأمشي بالعربيه لحد ما تقف وبعدين أشوف اللي باظ .. زي ما ناس كتيره بتعمل

وكمان أنا معظم المشي بتاعي طرق سريعه ودائري ،، وبخاف إن حاجة تحصلي وأنا ماشي علي طريق سريع ( ربنا يستر ) بقي

وإنشاء الله تتحل قريب

[fadynabil]

هقولكو أخر التطورات اللي حصلت بعد ما غيرت الإسبراتير

١/ العربيه عزمها إتحسن أوي وبقي جميل جداً وبقت السرعه من ٨٠ إلي ١٠٠ بتيجي بسرعه وكمان من ١٠٠ إالي ١٢٠ بقت أسرع بكتير من الأول

٢/ إلي الأن لم يحدث أي تقطيع ... ومشيت إمبارح والنهارده ع الدائري ولم يحث أي تهريب للبنزين ( شكله كده الإسبراتير اللي كان معفرتها )

ربنا يسهل بقي وتكمل علي كده ...

في حاجة هقولكو عليها كانت بتحصل معايا من زمان ... كنت ساعات ببقي ماشي فتره بالعربيه وبمجرد ما أقف شويه وأطفي العربيه وأجي أدور وأمشي تاني >> بحس إن السحب إتحسن

بس الموضوع بعد تغيير الإسبراتير بقي stable ولسه بقي هشوف أخر التطورات وأقولكم أول بأول ..

بس فعلا مكنتش متخيل إن الإسبزاتير ممكن يفرق في السحب والعزم .. اللي أعرفه إن الحاجات دي يا تشتغل يا لأ .. مكنتش متخيل إنها ممكن تهيس

[behman]

مبروك يا معلم وربنا يجعلها اخر الاعطال
انا حصل معايا حاجه شبه كده .... بس كانت الموبينه

[fadynabil]

مبروك يا معلم وربنا يجعلها اخر الاعطال
انا حصل معايا حاجه شبه كده .... بس كانت الموبينه

وكانت بتعمل كده برده علي سرعات ... ولا إيه

ويا تري جبت الموبينه منين وبكام ... أصلي مش لاقي المشط الــ 6 رجل إستيراد خالص

[fadynabil]

أخر التطورات ... إمبارح وأنا مروح ع الدائري قولت أقرص شويه ومشيت علي ١٣٠ - ١٢٠ كده شويه ... وللأسف قطعت تاني وتكرر السيناريو البايخ

وهوه إن دواسة البنزين كأنها مش شغاله لحد مالسرعه وصلت لــ ٧٥ - ٨٠ وبعدين العربيه تفوق تاني

[ehab_mansour]

أخر التطورات ... إمبارح وأنا مروح ع الدائري قولت أقرص شويه ومشيت علي ١٣٠ - ١٢٠ كده شويه ... وللأسف قطعت تاني وتكرر السيناريو البايخ

وهوه إن دواسة البنزين كأنها مش شغاله لحد مالسرعه وصلت لــ ٧٥ - ٨٠ وبعدين العربيه تفوق تاني

يعني لما بتحصل المشكلة بتدوس علي الدواسة عادي اكنك بتزود ولا حياة لمن تنادي
طيب في نفس اللحظة اللي بتقطع فيها جربت تدوس دبرياج وتحاول تستخدم الدواسة عادي اكنك بتزود بنزين وانت واقف
المقصود هل الموتور شغال عادي ولكن مافيش عزم ولا الدواسة أكنها ملغية نهائيا لحد ما تنزل السرعة ؟
مستني ردك عشان بفكر معاك وربنا يكرمنا ونوصل لحل

[crazylambada]

يعني لما بتحصل المشكلة بتدوس علي الدواسة عادي اكنك بتزود ولا حياة لمن تنادي
طيب في نفس اللحظة اللي بتقطع فيها جربت تدوس دبرياج وتحاول تستخدم الدواسة عادي اكنك بتزود بنزين وانت واقف
المقصود هل الموتور شغال عادي ولكن مافيش عزم ولا الدواسة أكنها ملغية نهائيا لحد ما تنزل السرعة ؟
مستني ردك عشان بفكر معاك وربنا يكرمنا ونوصل لحل

استاذ ايهاب لو الاختبار ده قصدك تشوف الاسطوانه الاسطوانه بيبقى عطلها ثابت مش متغير
هو بص الموضوع ده ليه علاقه بالحرق يا اما البنزين على حظك بيجيب شوائب كل فتره مش مقتنع بالفكره ديه
يا اما حاجه في الكهربا
و المشكله ان الموضوع بيحصل على السرعات العاليه

[fadynabil]

يعني لما بتحصل المشكلة بتدوس علي الدواسة عادي اكنك بتزود ولا حياة لمن تنادي
طيب في نفس اللحظة اللي بتقطع فيها جربت تدوس دبرياج وتحاول تستخدم الدواسة عادي اكنك بتزود بنزين وانت واقف
المقصود هل الموتور شغال عادي ولكن مافيش عزم ولا الدواسة أكنها ملغية نهائيا لحد ما تنزل السرعة ؟
مستني ردك عشان بفكر معاك وربنا يكرمنا ونوصل لحل

فعلا حصل ومره دوست دبرياچ وقلت أسقط غيار بس ساعتها العربيه طفت ... و وقفت وساعتها دارت بعد كذا محاوله مكنتش راضيه تدور علي طول

لكن طول ما هي متعشقه بتفضل شغاله لحد ما السرعه تنزل للـ 70 80 كده وتبتدي تقوم تاني

وكأن إنها أجهدت من الحمل وعايزه تاخد نفسها

ولو دوست بنزين تخطيف كده دوس وسيب تعني .. ممكن تنتش خفيف كده فبسيبها لحد ماتنزل


بس في حاجة غريبه وهوه إني لما غيرت الإسبراتير بقي الموضوع بيحصل لما أقرص جامد في الإسبراتير القديم كنت بيعملها في وقت أقرب


وكمان ساعات تحس إن العزم بيزيد ويقل كده وأنت علي السرعه فوق الــ100 وكأنها في عفريت في دواسة البنزين


أنا أعتقد إن الموضوع إن الحمل الزياده علي الموبينه هو اللي بيخليها تعمل كده .. ممكن عشان مش زي الأصلي فبيبقي الملفات اللي فيها ضعيفه شويه

بس للأسف الميكانيكي بتاع عمال يدور علي المشط الــ 6 رجل ده ومش لاقيه كل اللي موجود الـ 3 رجل بتاع الموتور الهاف إنجيكشن

هوه كان قال إنه ممكن نركب الـ 3 رجل ونلغي حاجه كده في الفيشه بس قالي إنه لا يفضل إن يعمل كده

مع إن الإسبراتير اللي بجرب بيه دلوقتي بتاع الــ 1400 ... بس هوه قالي إنه ظبطه بس مش أكتر وفعلا العربيه دلوقتي شغاله مفيش مشكله بالنسبه للسحب العادي.والسرعات العاديه وبالعكس حاسس بتحسن عن الإسبراتير القديم في العزم

[fadynabil]

استاذ ايهاب لو الاختبار ده قصدك تشوف الاسطوانه الاسطوانه بيبقى عطلها ثابت مش متغير
هو بص الموضوع ده ليه علاقه بالحرق يا اما البنزين على حظك بيجيب شوائب كل فتره مش مقتنع بالفكره ديه
يا اما حاجه في الكهربا
و المشكله ان الموضوع بيحصل على السرعات العاليه

شكرا علي الأهتمام . بس أنا سئلت بالنسبه لموضوع البنزين والشوائب أنا كان حد قالي أضيف stp في تانك البنزين عشان ينضفه بس مش مقتنع إنه يكون ليه علاقه وخصوصاً إني فكيت و نضفت الكربيراتير

وكمان كذا حد قالي إنها أكيد طرمبة بنزين وكانو واثقين أوي ... > بس لما سئلت الميكانيكي قالي إن الطرمبه في الإبيزا عادي مش أوتوماتيك والموضوع ده بيحصل في الطرمبه الأوتوماتيك بس .. لكن العاديه لما بتبوظ بتفصل علي طول ... ( بصراحه أنا مش فاهم إيه الفرق بس قولت أكيد هوه فاهم )

[crazylambada]

الطلمبه بتبقى للعربيات الانجكشن و هو كلامه مظبوط
بس انا كان عندي نفس المشكله و كان العيب في الكبراتير مسدود
طب بص حقولك على حاجه لما تبتدي تحس ان العربيه حتهدي و سرعتها تقل كارك على البنزين و قولي حتعمل ايه لانها لو فاقت و انتا بتكارك يبقى المشكله في الكبراتير مسدود
و ساعتها و انتا في الطريق لما المشكله ديه تحصل و تعمل كده اقف على جنب
و بدل سلك البوجيه التاني مكان التالت و دور العربيه و اكبس بنزين حيحصل حاجه اسمها مددفع اعمله مرتين بس و خد بالك
و رجعهم لو ضعهم تاني و اطلع بالعربيه و اجري و قولي ايه الفرق
:d و ان شاء الله خير