مشاكل الابيزا؟

[BeroOo]

يا جماعة أنا بفكر أجيب الابيزا ولسه مش مقررة..

بس عايزة أعرف منكوا ايه مشاكلها؟ والمشاكل دى فى ال1400 ولا ال1600 ولا الاتنين؟

كمان هل فيه مشاكل بالنسبة لـ:
- سحب العربية (مع التكييف وبدون)
- قوة التكييف
- استهلاك البنزين
- راحة الكرسى مع السواقة الطويلة (سفر أو جوه البلد)
- ارتفاع العربية عن الأرض (العربية شكلها واطى قوى)
- الكماليات
- التوكيــــــــــل

وشكرا مقدما

[meeg]

انا هتكلم على عربيتى 97 خليجى 1400 انجيكشن وباور
العربيه سحبها مش بيتاثر مع التكييف خالص
انا التكييف بشغلوه على 3 لما تكون العربيه فيها 4 بيبقى ممتاز
بتعمل 220 فى الصفيحه داخل البلد
قاعدتها مريحه جدا
موضوع انخفاضها عن الارض بعتبره ميزه علشان الثبات بس على فكره هى مش واطيه قوى
لو هتجيب 1300 كربيراتير بيبقى فيها 2 ازاز كهرباء فى الامام وبتبقى هاف باور
وربنا يوفقك

[BeroOo]

انا هتكلم على عربيتى 97 خليجى 1400 انجيكشن وباور
العربيه سحبها مش بيتاثر مع التكييف خالص
انا التكييف بشغلوه على 3 لما تكون العربيه فيها 4 بيبقى ممتاز
بتعمل 220 فى الصفيحه داخل البلد
قاعدتها مريحه جدا
موضوع انخفاضها عن الارض بعتبره ميزه علشان الثبات بس على فكره هى مش واطيه قوى
لو هتجيب 1300 كربيراتير بيبقى فيها 2 ازاز كهرباء فى الامام وبتبقى هاف باور
وربنا يوفقك

شكرا جزيلا على الرد

[ehab_mansour]

يا جماعة أنا بفكر أجيب الابيزا ولسه مش مقررة..

بس عايزة أعرف منكوا ايه مشاكلها؟ والمشاكل دى فى ال1400 ولا ال1600 ولا الاتنين؟

كمان هل فيه مشاكل بالنسبة لـ:
- سحب العربية (مع التكييف وبدون)
- قوة التكييف
- استهلاك البنزين
- راحة الكرسى مع السواقة الطويلة (سفر أو جوه البلد)
- ارتفاع العربية عن الأرض (العربية شكلها واطى قوى)
- الكماليات
- التوكيــــــــــل

وشكرا مقدما

اكيد المقصود موديل 2010
طبعا العربية لسه جديدة ولكن المحركات دي ال 1400 وال 1600 مجربة كتير قبل كده في عربيات مجموعة فولكس ولا يوجد بها مشاكل او عيوب صناعه وعايز أقول ان طالما بتتعمل صيانتها بشكل منتظم وطبيعي وبيتحطلها البنزين المناسب لها فاعتبري انك لن تجدي بها اي مشاكل طوال 10 سنوات و اكتر
- سحب العربية مع التكييف من تجربة أصحابها 1600 لا يؤثر بشكل يلاحظ
-قوة التكييف مكتوب في التقرير المثبت
-استهلاك البنزين بالنسبة ل 1600 ممتاز بسبب وجود الفتيس ال dsg وبرضه مذكور في البرشور وكذلك التقرير
-راحة الكراسي حضرتك تصميم كراسيها مختلف تماما عن الكوري فهي ممتازة
-الارتفاع ما أعرفش بس عربيتي موديل 98 مش واطية اطلاقا
-الكماليات بالنسبة ل 1600 مذكورة في التقرير
-التوكيل كل اللي جربة بيشكر فيه جدا جدا حتي الأن لا يوجد شكوي
وده التقرير

http://www.nilemotors.net/Nile/119447-2010.html

وده برشور الوكيل للموديلين المانيوال 1400 والاوتوماتيك dsg سبع سرعات 1600


ولو فيه اي سؤال تاني تحت أمرك وان شاء الله المالكين للموديل 2010 في انتظار مشاركاتهم

[BeroOo]

اكيد المقصود موديل 2010
طبعا العربية لسه جديدة ولكن المحركات دي ال 1400 وال 1600 مجربة كتير قبل كده في عربيات مجموعة فولكس ولا يوجد بها مشاكل او عيوب صناعه وعايز أقول ان طالما بتتعمل صيانتها بشكل منتظم وطبيعي وبيتحطلها البنزين المناسب لها فاعتبري انك لن تجدي بها اي مشاكل طوال 10 سنوات و اكتر
- سحب العربية مع التكييف من تجربة أصحابها 1600 لا يؤثر بشكل يلاحظ
-قوة التكييف مكتوب في التقرير المثبت
-استهلاك البنزين بالنسبة ل 1600 ممتاز بسبب وجود الفتيس ال dsg وبرضه مذكور في البرشور وكذلك التقرير
-راحة الكراسي حضرتك تصميم كراسيها مختلف تماما عن الكوري فهي ممتازة
-الارتفاع ما أعرفش بس عربيتي موديل 98 مش واطية اطلاقا
-الكماليات بالنسبة ل 1600 مذكورة في التقرير
-التوكيل كل اللي جربة بيشكر فيه جدا جدا حتي الأن لا يوجد شكوي
وده التقرير

http://www.nilemotors.net/Nile/119447-2010.html

ولو فيه اي سؤال تاني تحت أمرك وان شاء الله المالكين للموديل 2010 في انتظار مشاركاتهم

شكرا جزيلا على المساعدة.. بس حضرتك معظم كلامك كان على ال1600.. هل نفس الكلام ينطبق على ال1400؟

كمان كان عندى سؤال.. فى البروشور بيقولوا التكييف نصف أوتوكاتيكى... يعنى ايه ده

[John_Samy_1]

التكيف بكر موضوع نص اوتوماتيك ده عشان التحكم في دورة الهواء بيكون من زرار مش دراع تجيبه يمين وشمال.
أنا برده هرد على حضرتك في ال1600 بس سألت ناس هنا فالمنتدي على ال1400 و كان مشكلتهم إنها مفيهاش كاسيت.
سحب العربية بالتكيف مش مؤثر أنا كنت باشيد بالتكيف مع C180 عالدائري من كام يوم وكنت مستغرب جدا إني كنت بطلع منه
من غير تكيف بقى بأحس إنك لازم تخلي بالك من نفسك عشان الكيك دون سحبه جامد وانا الصراحة برده مستغربه
قوة التكيف مش ممتازة ولازم الظهر تشغل المروحة على 2 وصوته بيكون علي. العربية بعدها بـ10 دقايق بتسقع والراجعته على 1 تاني صوته مش ملحوظ (أنا درجة الحرارة قبل الآخر بسنة عشان نفسي اطول عمره)
استهلاك البنزين من غير شد قياسي( 7 ل 10 لتر لكل كم). المشكلة لو ماشي على طول بتشد أو على ال S العربية هتسف بنزين (10 ل12 لتر لكل 100 كم)
الكرسي مريحة جدا ورا أو قدام. المشكلة العفشه ناشفة عشان رياضية بس صوتها معزول لو قافل الإزاز. بس هتحس بكل التعرجات اللي في الطريق (مش هتتهز يمين وشمال بس هتحس بيها)
العربية عالية بس لو مركب 5 في العربية هتحك منك في المطبات الصناعية. غير كده لو أنتم اتنين عمرها محكت معيا
الكماليات في ال1600 أكتر كتير وهتحس ال1400 فاضية بالنسبالها ( أعتقد البروشور اللي بعته مهندس إيهاب موضحهم )
التوكيل تاني أحسن حاجة في العربية بعد العربية شخصيا ناس ذوق و محترمة وفاهمين شغلهم الحاجة الوحيدة اللي عليهم إن بعد قطع الغيار النادرة مش موجودة عندهم ستوك (قالولي جية كمان شهر) زي مثلا أنا كثرة اليد البلاستيك اللي فالباب اللي بتحكم في المريا الكهربا قالولي جية مع حاجات تانية كمان شهر. بس غير كده توكيل 10/10

حاجات تانية حلوة هتحس إيه معنى إنها عربية الماني فكل حاجة فالعربية (دركسيون, ثابات, أداء, اعتمادية, تقفيل)
العربية متينة جدا جدا انكان في العفشه أو شاسيه أو صاج و بوية.

أنا بس أحب انبه حضرتك لكام حاجة العربية Super Mini مفيش أي حاجة في اسمها توحي إن شانتطها واسعة أو مليانة مساحة تخزين عشان أنا شخصيا شيف إنها قليلة بس مش مضايق

التابلوه كمان معظم خاماته بلاستيك عشان يكون وزنه خفيف. هو التقفيل رائع والبلاستيك متين وواخد ألوان بس برده بلاستيك.

عربية تحفة وبجد مش هتندم

[ehab_mansour]

شكرا جزيلا على المساعدة.. بس حضرتك معظم كلامك كان على ال1600.. هل نفس الكلام ينطبق على ال1400؟

كمان كان عندى سؤال.. فى البروشور بيقولوا التكييف نصف أوتوكاتيكى... يعنى ايه ده

ال 1400 تختلف ن ال 1400 فقط في المحرك والفتيس والكماليات وده واضح في البرشور اللي في الصورة وطبعا أستاذ جون صاحب الموديل ال 1600 وضح حاجات كتييييييير كمان لحضرتك

ولا تنسي الاستخارة وبالتوفيق

[BeroOo]

الكرسي مريحة جدا ورا أو قدام. المشكلة العفشه ناشفة عشان رياضية بس صوتها معزول لو قافل الإزاز. بس هتحس بكل التعرجات اللي في الطريق (مش هتتهز يمين وشمال بس هتحس بيها)
العربية عالية بس لو مركب 5 في العربية هتحك منك في المطبات الصناعية. غير كده لو أنتم اتنين عمرها محكت معيا

بجد شكرا على التقرير الأكثر من رائع

بس بالنسبة للعفشة ناشفة... معنى كده انك بتحس بالمطبات جامد جوة العربية؟؟ وبتنطط جوة ..

[John_Samy_1]

بجد شكرا على التقرير الأكثر من رائع

بس بالنسبة للعفشة ناشفة... معنى كده انك بتحس بالمطبات جامد جوة العربية؟؟ وبتنطط جوة ..

ماهو ده اللي حاولت اوصله لحضرتك بس معرفتش. إنت استحالة تطنط فالعربية العربية صحابي بيقعدوا ويكتبو واحنا ماشيين عادي. النقطة إنك هتسمع وهتحس بهذة بسيطة. أنا لما بركب عربية زي الياريس مثلا الإحساس بالحاجات ديه أقل بس ده على حساب الثبات. BMW عاملة نظام ينشف العفشه في السرعة العالية ويخليها عالية وطرية في السرعة القليلة. بس ده نظام مكلف جدا جدا. الهذة كمان مش بيكون يمين وشمال ده زي رجة بسيطة جدا. محدش قال لي عربيتك مش مريحة في المطبات بس أنا حبيت أوصل ل حضرتك إنها مش هتلغي تماما الإحساس بيهم حتى الحاجات اللي ممكن حضرتك تكون شايف إنها بسيطة. وده عشان يدي ثبات للعربية ودايما تحس إنها لازقة في الأرض حتى على 180

[Tolba88]

سيات ايبيزا ٢٠١٠

ناوي باذن الله اشتري ايبيزا ٢٠١٠
بس في ناس خوفتني من الفتيس بتاعها
هل ده حقيقي في مشكله ف الفتيس بتاعها وايه المشاكل او العيوب التانيه ،، وسعرها كام الوقتي لو ماشيه ٥٠ الف فابريكا بره وجوه

[marko polo]

Fff