بقعه زيت تحت السيارة

[egman]

السلام عليكم ورحمة الله وبركاته

شباب انا من كام يوم كده بدات اشوف بقعه زيت تحت العربية فين بالضبط موجودة بالضبط تحت البطارية بس مش اسفلها بالضبط لكن لفوق شوية هى وانت واقف امام الكبوت بتكون هى على يمينك هى بتتوسط المساعد والبطارية والزيت الباكم هى موجودة فى منتصف المنطقة ده .

اية احتملات تسريب بقعة الزيت ده يا رجالة ......

[caysersosaih]

زيت الفتيس

[egman]

طيب يا ترى اية السبب واية العلاج ؟

[ghaith_peogeut]

ممكن يكون السبب اويل سيل الدرايف شافت او اويل سيل الشافت الرئيسي للفتيس ...اكشف وتاكد دا في حال لو كان عربيتك سحب والفتيس موجود جنب المحرك

[egman]

يعنى اية لو كانت عربيتك سحب يعنى اية سحب ؟

[egman]

وكمان تركيب الالوسيل ه بحتاج الى فك الفتيس كله ولا لأ ؟

[ghaith_peogeut]

سحب يعني الاطارات الامامية هي الي بتجهز الحركة للسيارة وليس الخلفية

[ghaith_peogeut]

يحتاج فك الفتيس فقط اذا كانت الاويل سيل تبع شفت الفتيس اللي يكون متصل بالمحرك ..

[ehab_mansour]

اخي الفاضل المشكلة دي من تسريب زيت الفتيس وانت عندك في العربية اولسيل انا كنت رفعلتك صورته قبل كده في مشاركة سابقة الاولسيل ده بنسبة 90 % هو اللي بايظ ومحتاج يتغير وده لا يحتاج الي فك الفتيس فقط هيفك الوصلات اللي بين عصاية الفتيس و العمود اللي الاولسيل ده حوله واللي بيغير النقلات في الفتيس وهيخرج الاولسيل القديم ويشيله ويركب الجديد ولكن خليه يصفيلك زيت الفتيس أولا في اي شيء عنده عشان لما يفك الاولسيل ده هيسقط كل الزيت علي الأرض

واي سؤال تحت أمرك

[egman]

الله يخليكم يا شباب على ردودكم عليا

أ / ايهاب انا فعلا فاكر صورة الاولسيل الى حضرتك كنت رفعتهولى قبل كده وانا نزلت عند سامح وقولته عليه وجبته منه بس هو حجمه صغير مش زي الى كان فى الصورة حتى انا قلت لسامح ان هو ده حجمه قالى ايوة هو ده اولسيل الفتيس وهو نفس الشكل بالضبط الى حضرتك رفعتلى صورته لكن حجمه فى حجم الدبله كده او فتحته فى قطر صوباع الايد هل هو ده ولا في واحد تانى ؟

سوال تانى معلش يا باشا التغيير ده هيحتاج ميكانيكي متخصص فى الايبيزا ولا ميكانيكي يكون بيفهم كويس ؟

فى حاجة كمان يا ايهاب باشا انا لما وريت سامح نقطه الزيت منين فى العربية قالى كمان انى محتاج اغير جواون وش التكيهات الى هو القطعه السواد الى فى وش الموتور ده لان فى تعريق زيت عليها وقالى ان هو ده السبب انت اية رايك هو ده السبب ولا الصواميل والورد الكاوتش الى ماسكة الوش ده هى السبب ؟

وقالى ان العربية لازم تكون بارده وهو بيفتح الوش ده وبعدين يغير الجوان ويركب الوش تانى ....

انت اية رايك يا باشا ............

[ehab_mansour]

هو ده بالضبط ولكن هو في الصورة كبير عشان التصوير فقط وانا اصلا جايب الصورة من علي النت
بالنسبة للتغيير اي ميكانيكي بيفهم هيركبه والموضوع بسيط جدا وعلي فكرة انا بعمل شغلي كله عند ميكانيكي بيفهم ولكن ليس متخصص ابيزا او فولكس بس طبعا بكون رايحله واقله ركب دي فقط يعني الحالة متشخصة والقطعه موجوده وهو هيفك ويركب فقط
بالنسبة لجوان غطاء التاكيهات فده لو بينزل زيت هيبان علي جسم الماكينة قبل ما يظهر علي الأرض وهتلاقي كل المحرك من اسفل الغطاء ده غرقانه زيت لو لقيت ده فعلا يبقي تغير الجوان ده زي ماهو قلك والميكانيكي هو اللي هيغيره وفعلا لازم يكون المحرك بارد وهو بيتركب عشان بيتربط عليه نصف تريبط وبعدين تبدأ تسخن العربية وتكمل تربيط مسامير غطاء التاكيهات مع حرارة المحرك عشان الجوان يطبع كويس مع الغطاء ومع جسم المحرك وبالتالي يمنع زيت نهائيا

واي سؤال تحت أمرك وربنا يوفقك وتحل مشكلتك

[egman]

الله يخليك يا ا / ايهاب على معلوماتك الى بطمن الواحد ده والله جزالك الله خيراً .

انا بخصوص الزيت هو الزيت موجود فقط على الغطاء الاسود الى فوق الموتور ومجود تحيدا تحت الصامولتين الى ربطين الغطاء ده ويا دوب فى حدود الصامولتين دول وبس لكن مش زي ما حضرتك بتقول مغرق الموتور من تحت ولا حاة والحمد لله الزيت الزيت مقايه تمام .......

فاية رايك اغيرة ولا مش مشكلة ..........

[ehab_mansour]

الله يخليك يا ا / ايهاب على معلوماتك الى بطمن الواحد ده والله جزالك الله خيراً .

انا بخصوص الزيت هو الزيت موجود فقط على الغطاء الاسود الى فوق الموتور ومجود تحيدا تحت الصامولتين الى ربطين الغطاء ده ويا دوب فى حدود الصامولتين دول وبس لكن مش زي ما حضرتك بتقول مغرق الموتور من تحت ولا حاة والحمد لله الزيت الزيت مقايه تمام .......

فاية رايك اغيرة ولا مش مشكلة ..........

لو انت من الناس اللي بتهتم بنظافة المحرك وغرفته يبقي غيره لكن من رأيي ......... كبر دماغك طالما غير مؤثر علي أداء العربية ولا يؤدي الي نقص مستوي الزيت

[egman]

أ/ ايهاب الله ينور عليك وعلى كلامك وربنا يجازيك كل الخير انا برده ده كان راي بس كنت عايز اخد رايك انت الشخص جزاك الله كل الخير عنا والف شكر ليك اخى الكريم وان شاء الله اواليك بالجديد .

على فكرة يا باشا انا هغير غطاء الاسبيراتير لان الميكانيكى قالى ان الى موجود حاليا مشقق من جوه ومع اى ميه او غسيل مش هيدور العربية انت اية رايك فى الموضوع ده صح ولا اية على فكر الغطاء الى راكب ليه وش اسود كفر محطوط عليه بس الى انا جبته بدون هذا الوش هل هيفرق وتركيبه بيكون عند مين الميكانيكي ولا الكهربائي ......

[ehab_mansour]

أ/ ايهاب الله ينور عليك وعلى كلامك وربنا يجازيك كل الخير انا برده ده كان راي بس كنت عايز اخد رايك انت الشخص جزاك الله كل الخير عنا والف شكر ليك اخى الكريم وان شاء الله اواليك بالجديد .

على فكرة يا باشا انا هغير غطاء الاسبيراتير لان الميكانيكى قالى ان الى موجود حاليا مشقق من جوه ومع اى ميه او غسيل مش هيدور العربية انت اية رايك فى الموضوع ده صح ولا اية على فكر الغطاء الى راكب ليه وش اسود كفر محطوط عليه بس الى انا جبته بدون هذا الوش هل هيفرق وتركيبه بيكون عند مين الميكانيكي ولا الكهربائي ......

علي فكرة هو الاسود ده هو وش الأسبراتير عندك في ال 94 وعندي انا لونه برتقالي وده بيتغير في حالة انه يتكسر او يشقق او اطراف النحاس الداخلية اللي فيه تتأكل وده اي حد يغيره كهربائي او ميكانيكي لأنه فكه وتركيبه سهل وعندي لما غيرته جبته عادي مش أصلي لأني لم أجد الأصلي وانا اللي ركبته هو و الشاكوش الداخلي اللي بيوزع اشارات الكهرباء للوش ومنه للأربع بوجيهات

اشتريتهم من المحل وركبتهم وانا واقف قدامه وكان ثمنهم ( وش 35 + شاكوش 30 ) وينصح تغييير الوش والشاكوش مع بعض عشان تحصل علي أداء كويس وتضبط اشارة الكهرباء صح