إبيزا dsg عربيه ممتازه جدا

[Sherlock]

أنا معجب جدا بالعربيه دى , كنت مع جارى امبارح فى بورسعيد بالعربيه و العربيه بتجرى جرى مش ممكن ربنا يحفظها ليه ويباركله فيها , وحركه تزويد السرعه من الدركسيون دى دلع بجد مع انها خطيره شويه هههههه .

انا بس مستغرب الانتشار الضعيف للعربيه مع ان سعرها ممتاز جدا , يعنى تصميم واداء وتسارع وتكنولوجيا كمان , الشباب الى بيشترى عربيات تانيه مشابهه للابيزا ليه مش بيفكر فى الإبيزا ؟ هل التوكيل هو السبب ؟

اصلها حاجه تحير

وتحيه جامده لشباب الإبيزا

[ahmedbibo]

يا باشا لما تعرف ليه العربيات النضيفه مش منتشره هتعرف ليه الابيزا مش منتشره و الحوار مشحوار توكيل ما الناس بتجرى تروح تشترى من منصور شيفورليه و غبور ومنتشرين مع انهم اسوء توكيلات فى مصر

وطول ما الفكر المصرى سائد ان الكورى سعر رخيص و اوبشن عالى و سرعه بيع و تتقلب من على الكوبرى بكل سهوله وقطع غيار ارخص وبتقعد شهرين وتبوظ تانى

عشان انت مصرى تشيل موبيل نوكيا
عشان انت مصرى لازم تحب كيا وهيونداى
عشان انت مصرى لازم تفكر تتلق قبل ما تتجوز (قصدى تبيع قبل ما تشترى )
عشان انت مصرى لازم تشرب بيبسى
عشان انت مصرى لازم تحب تموره ومهند عشان مراتك ترضى عنك
عشان انت مصرى مينفعش متقلدش حد
عشان انت مصرى لازم تشجع الاهلى ههههههههههههههههههههههههه
انا معنديش الحاجات ديه كلها
يبقى انا مش مصرى احمدك يا رب ههههههههههههههههههههههههههههههههههههههه

خرجت بره الموضوع بص هقولك على حاجه السيارات المحترمه ليس لها مكان فى مصر عربيات كتيير محدش يعرفها فى مصر زى سيات و فيات الى الناس عرفاها من زمان هيا 128 و سيات الصغيره ديه 126
ولاغيت فتره قريبه كانت كلمه فولكس ديه تاعنى الخفنسه او البيتل

[amr_paolo]

فعلاً العربيات النضيفة مش واخدة حقها في مصر زي السيتروين , الأودي , السيات
وعربيات تانية الواحد مش عارفها لأنها مش منتشرة في مصر

[John_Samy_1]

صدقني أنا بضرب اخماس في اسداس, اعتقد ده بسبب سياسة تسويقية فاشلة شوية من التوكيل ( معتمد بس على الناس تنصح بعض ) لازم شوية إعلانات وتواجد في المصايف والمؤتمرات و مجلة الشباب ويحط عربية في سيتي ستارز وكلام من ده. وبعدين هو بيبيع عربية شبابي إزّي يعني من غير جنط ديه حاجة تانية تفرس برده.