عاوز اخد راى اى حد من الاعضاء

[ahmedmoza]

السلام عليكم
انا جيبت سيارة ابيزا 1994 و العربية جاااامدة موت بس الدريكسون فيها تقيل اوى رحت لى ميكانيكى متخصص ابيزا قالى كل الابيزا ال 1994 الدريكسون بتاعه تقيل كدة بجد الكلام دة صحيح
و عاوز اخد ريكم فى حاجة بردة حد يعرف المكيناكيى الللى اسمو سيد اللى فى جسر السويس دة كويس ولا لا و هل فى ميكانيكى ابن ناس و محترم و مش طماع ارجوا الافادة شكراااااااا

[ahmed_x545]

الف مبروك

الف مبروك يا احمد وباركلى انا كمان اشتريت امبارح قرطبه 96 جميله ولعلمك سيد عبدة بتاع جسر السويس هوة اللى كشفلى عليها لانه الميكانيكى بتاع حمايا من عشرين سنه وهوة من احسن الناس واضمنهم وانا هروحله كمان اسبوع كدة علشان يظبطلى حاجات بسيطه فيها . واخيرا الف الف مبروك عليك العربيه وربنا يباركلك فيها ويكفيك شرها.اخوك احمد رشدى

[Ahmed Mubarak]

الف مبروك لحضرتكم على الابيزا والقرطبة
لو ممكن اعرف سعر الابيزا كام والكماليات اية

شكرا

[meeg]

الف مبروك وربنا يعطيكم خيرها ويكفيم شرها
ونصيحه اعملوا سيرفس كامل للعربيه

[adelmof40]

مليون مبروك عالسيات

[hossamkamel]

مبروك ليكوا ممكن اعرف الاسعار الى انتوا خلصتوا بيها

[ahmedmoza]

الله يباركم فيكم جميع بس يا جماعة برضة محدش قالى راى هل الدريكسون تقيل ولا بتاعى هو اللى تقيل؟؟؟

[windofchange]

في الركن تقيل وده طبيعي بس مش للدرجة بتاعت العربيات القديمة اووي لكن في السواقة سرعة بطيئة خفيف جدا ده رأي المتواضع

[egman]

اولا الف مبروك على السيارات

ثانيا بالنسبة لموضوع الدريكسون التقيل ايوة هو فعلا تقيل فى الركنات وده سببه ان العربية مش بتكون فيها اى سرعه لكن تعالى خد بالك اول ما تطلع مثلا على الاول والعربية تاخد راحتها تلاقيى الدريسيكون زي الباور ولاحظ كمان انك لو ركنت فى رمل مكان فى رمل مش على اسفلت هتلاقى الدريكسيون وانت واقف ناعم جدا جدا جدا وطبعا على السرعات بتكون الاستجابة عالية اوى لاى حركة علشان كده الناس بتقول عليها هاف باور لكن طبعا هى مش كده لكنها ممتازة فعلا .

[ahmed_x545]

شكرا لاخوتنا الاعزاء فى المنتدى الجميل بتاعنا . انا خلصت العربيه على 30 الف وهيه موديل 96 و 1400 سىسى وتكيف وسنتر و يا رب اللى بيدور على عربيه ربنا يرزقه باحسن حاجه

[hossamkamel]

اظن كده انى محتاج علبه دريكسيون تعمل كام استيراد و كام جديده

[ehab_mansour]

أولا الف مبروك علي العربية الجديدة وربنا يباركلك فيها وسعرها معقول

ثانيا موضوع الدركسيون وتقله ده عايزك تعمل الأتي وبعدين تقلي ايه الأخبار :-
1- اضبط زوايا السيارة
2- اضبط ضغط الهواء بأطارات السيارة
3- الكاوتش عندك في العربية حالته عاملة ايه و مقاسه ايه ومقاس الجنط

وربنا يوفقك لأن عدم ضبط زوايا السيارة او قلة ضغط الهواء في السيارة او تعريض كاوتش السيارة يؤدي الي ثقل كبييييييييييير في الدركسيون ...شوف واحنا معاك

[alpatshinoo]

عندك حق يا ايهاب انا الدركسيون كان هيجنني من تقلة بالرغم من اني لسة مغير علبة الدركسيون بس لما ظبط ضغط الاطارات الدركسيون فعلا بقي زي البور

[fadynabil]

اظن كده انى محتاج علبه دريكسيون تعمل كام استيراد و كام جديده

لو العاديه بتعمل 285 إستيراد وتدي الراجل كمان 10 جنيه يبقي 295 قووول 300 ومتدفعش زياده مليم

أما لو باور متهيئلي ممكن تبقي أرخص شويه عشان موجوده كتييير