سخونه العربيه

[hossamkamel]

ازاه اخد هواء من العربيه علشان متسخنش لانى مش عارف فين صباع الحراره

[ehab_mansour]

السلام عليكم حسام باشا

ايه علاقة صباع الحرارة بأخذ هواء الدورة ؟
علي العموم املأ دورة المياة والعربية باردة وخلي مستوي المياة في القربة زيادة عن علامة الماكس دور العربية لحد ما تسخن وتحس بالسخونية في الرادياتير شوف مستوي المياة في القربة وصل فين ولو قل زوده تاني بزيادة وبعدين شيل خرطوم الفايظ اللي راجع للقربة وخليه ينزل علي الأرض لحد ما تظبط المستوي ويبطل خرطوم الفايظ يطلع فقاقيع هواءو يصبح الماء اللي نازل منه منتظم بكده تبقي الدورة كلها مليانة مياة
ركب خرطوم الفايظ في القربة واقفل غطاء القربة بأحكام تام ( واهم حاجه بأحكام دي ) وبكده كله يبقي تمام

[windofchange]

جزاك الله خير يابشمهندس بشوف الناس بيعملوا كده ومكنتش فاهم بيعملوها ازاي ربنا يبارك لك ياترررررري لون عربيتك ايه؟؟

[banky]

شكرا يا باشا على الإفادة بس انا عندى فى العربية القربة فيها خرم صغير كدة من الجنب الشمال و فى امامه حتة بلاستك مجوفة الفتحة دى لو المية زادت بتتلع منة حتى لو الغطاء مقفول ... هل ده طبيعى ولا انا عندى فى حاجة بايظة

[ehab_mansour]

جزاك الله خير يابشمهندس بشوف الناس بيعملوا كده ومكنتش فاهم بيعملوها ازاي ربنا يبارك لك ياترررررري لون عربيتك ايه؟؟

وجزاكم مثله
عربيتي لونها اسود ميتاليك ولكن فيه حاجه تانيه مميزة جدا غير اللون بس مش عايز أتكلم عنها عشان هتفضح في المنتدي خاصة واني سواقتي .......و بلاش أحسن ربنا يهدينا جميعا

شكرا يا باشا على الإفادة بس انا عندى فى العربية القربة فيها خرم صغير كدة من الجنب الشمال و فى امامه حتة بلاستك مجوفة الفتحة دى لو المية زادت بتتلع منة حتى لو الغطاء مقفول ... هل ده طبيعى ولا انا عندى فى حاجة بايظة

ده عادي وعندي انا كمان.... لكن المياة بتطلع منه لو زيادة قوي عن المنسوب العالي

[hossamkamel]

شكرا يابوب بيه على المعلومات الجامده ديه لان كل صنيعى اقف على اديه و هو شغال يعملى نفسه مهندس و دكتور و مش عارف يركز منى محسسنى انه فى امتحان ربنا يغنينا عنهم

[ehab_mansour]

شكرا يابوب بيه على المعلومات الجامده ديه لان كل صنيعى اقف على اديه و هو شغال يعملى نفسه مهندس و دكتور و مش عارف يركز منى محسسنى انه فى امتحان ربنا يغنينا عنهم

ياااااااااااااااااااااااااااااااارب

اسأل واتعلم ودور وابحث وفكر واشتري شوية عدة للشغل الخفيف وان شاء الله ربنا يغنيك عنهم
جزاه الله خيرا الأخ اوريجينال بيعمل كل شغله بنفسة ربنا يباركله