معايا اكسنت وبفكر اشترى ابيزا 98

[soficom]

السلام عليكم

معايه عربيه اكسنت 99 وكنت عاوز اغير للابيزا 99 فهل هحس بفرق للاحسن يعنى ثبات او قطع الغيار موجوده وهل فى فرق جامد فى اسعار قطع الغيار واهم حاجه العفشه هل هتكون حلوه زى الاكسنتمن حيث النعومه وهل فيه محل لقطع الغيار للبيزا فى حلوان او المعادى عشان متسحلش على قطع الغيار



تم تعديل عنوان الموضوع بواسطتى حتى يناسب محتواة
15ب

[ehab_mansour]

السلام عليكم
بصراحة الأكسنت انا ما سوقتهاش لكن شفتها موديل 98 مع زميل لي في الشغل فرق كبير بينها وبين الابيزا من حيث الخامات والراحة والركوب لصالح الابيزا
اللي ركبتها اللانوس ودي مع اخويا موديل 2001 كاملة وعندنا من بداية حياتها و هو بيبيع حاليا وكنت بفكر أشتريها ولكن ركبتها اكثر من مرة عشان أقنع نفسي بيها وللأسف لم أقتنع ....... هناك فرق شاسع بين عفشة عربيتي وعفشة اللانوس وبين راحة الكراسي و وضعية القيادة و سهولة وسلاسة القيادة والتسارع والأستجابة كل ده تتفوق الابيزا عن اللانوس فيه علي الرغم من ان عربيتي لا يوجد بها كماليات سوي انذار فقط والتانية كاملة وباور وتكييف وزجاج كهرباء و اخي كمان من المحافظين جدا علي السيارة ويعتني بها أكثر من عنايتي بعربيتي كثيرا... رغم ذلك لم استمتع نهائيا بركوبها ولا بأي شيء فيها وكمان رغم ان عربيتي 1000 سيسي واللانوس 1500
هذا رأيي الشخصي ويحتمل الصواب والخطأ وربنا يوفقك لما فيه الخير بس أنصحك لما تيجي تركب ابيزا اركب عربية نظيفة ودور براحتك واهم شيء تكون الحالة العامة لكل شيء فيها علي الأقل جيدة

[ehab_mansour]

نسيت أقلك انك فعلا هتلاقي هناك فرق في سعر قطع الغيار بين الأتنين لكن مش كبير قوي ولكن قطع الغيار في الابيزا لما بتتغير أصلية بتنساها وكمان مش هتحتاج تغيرها تاني علي العكس في الكوري بتتغير ومش بتكمل شهرين ثلاثة وترجع تغيرها تاني
هديك مثال بسيط جدا انا اشتريت عربيتي الابيزا من سنتين ومشيت بيها 81 الف كيلو خلال هذه الفترة وما غيرتش اي شيء في العفشة حتي الأن بفضل الله

[soficom]

شكراا يا ايهاب على ردك وكلامك ريحنى كتير ومع العلم ان الدايو افضل من الاكسنت فما بالك انت لو ركبت الاكسنت هتحس انك راكب 128
بس فيه سؤال فى اكتر من واحد اشتكى من عفشه الابيزا انها ديما يتبوظ بسرعه بالزات جلب المقصات والبطحات مع العلم انو بيجيب قطع الغيار من واحد اسمه فتح الباب بس انا عرفت بعد كده ان فتح الباب بيبع قطع غيار مضروبه ووحشه اوى و المشكله التانيه فى الابيزا علبه الدركسيون ان فيها مشكله والناس بغيروها بعلبه الجولف لانها احسن وبتستحمل وعلى فكره الكلام ده انا عرفته من واحد شغال فى التوكيل بتاع سيات اسمه شذلى ولو عاوز رقمه هجبهولك

[ehab_mansour]

بالنسبة لموضوع العفشة انا قلتلك عليه فوق وبفضل الله مقبلنيش الموضوع ده خالص وحتي الأن مافيش منها اي مشكلة رغم تحركي وسفري الدائم بالعربية لأماكن طرقها سيئة جدا والحمد لله
وخلي بالك اني املك السيارة من سنتين فقط لكن بالفعل عملت بيها كيلومتر كتيييير كنت شريها عاملة 191 الف كيلومتر وحاليا وصلت الي 272500 كيلومتر والحمد لله كويسة وربنا يباركلي فيها
بالنسبة لموضوع علبة الدركسيون برضه لم اسمع عنه من احد ولا هنا في المنتدي ولا بره وخلي بالك ان فيه ناس دائما تعمم الحالات الفردية علي كل الموديل .
والله المستعان

[yahiahelaly]

سوري يعني لكل المتحامل على الاكسنت وبيقارنها سوري بلابيزا اولا دي وضع ودية وضع تاني خالص اساسااااا ازاي
دي سيدان ودية هاتش باك يعني دي استخدام ودي استخدام وزي مقال الاخ عن مدى تعمير قطع الغيار بفضل الله ماشي 91 على العفشة كاملة ماعدا الجوز الي ورا بس
بس حضرتك تغير من سييدان لهاتش باك حسب احتيجاتاك واستخدامك بس انا مثلا كنت هاجيب جولييت والوقتي بحمد ربنا اني مش جيبتها عشان البنزين لما يغلى زي ما كلنا عارفين هرمي في الشنطة غاز ارجو تكون الرؤية وضحت ولو عربيتك مريحاك وكامليتها عجباك رئي متغيرهاش اساسا يعني انا عايز اغير لحاج اوتماتيك بس مستني شوية عشان اجيب لانسر نضيفة يعني مش هروح اغير الاكسنت الي عارفها ومريحاني واجيب لانوس مثلا

[ehab_mansour]

سوري يعني لكل المتحامل على الاكسنت وبيقارنها سوري بلابيزا اولا دي وضع ودية وضع تاني خالص اساسااااا ازاي
دي سيدان ودية هاتش باك يعني دي استخدام ودي استخدام وزي مقال الاخ عن مدى تعمير قطع الغيار بفضل الله ماشي 91 على العفشة كاملة ماعدا الجوز الي ورا بس
بس حضرتك تغير من سييدان لهاتش باك حسب احتيجاتاك واستخدامك بس انا مثلا كنت هاجيب جولييت والوقتي بحمد ربنا اني مش جيبتها عشان البنزين لما يغلى زي ما كلنا عارفين هرمي في الشنطة غاز ارجو تكون الرؤية وضحت ولو عربيتك مريحاك وكامليتها عجباك رئي متغيرهاش اساسا يعني انا عايز اغير لحاج اوتماتيك بس مستني شوية عشان اجيب لانسر نضيفة يعني مش هروح اغير الاكسنت الي عارفها ومريحاني واجيب لانوس مثلا

اخي الفاضل انا لم أتحامل علي شيء ولم أعيب في اي شيء انا فقط ذكرت تجربتي ووجهة نظري وكل واحد حر في رؤيته ويركب اللي يحبه ويستمتع بيه انت عربيتك مريحاك وزي الفل معاك يبقي ربنا يباركلك فيها وتعيش معاك العمر كله لكن هو بيسأل ويستفسر قلتله علي اللي عندي فقط
وطبعا قصة سيدان وهاتشباك دي حاجه واضحة جدا ومش محتاجه اننا نحطها في المقارنة بينهم لأن هو اكيد عارف احتياجاته ايه من العربية ولأن العضو صاحب الموضوع لم يتطرق لها أساسا

والله المستعان

[yahiahelaly]

شكرا لذوقك بس الاخ صاحب الموضوع عاملة في قسم سيات يعني مش هيخرج من هنا غير وهو بايع الاكسنت وشاري ابيزا هههههههه ولو عامله عندنا ف الاكسنت هيونداي يعني هيشتري واحدة كمان هههههههههههه
المفروض يعمل موضوع في قسم المقارنات عشان يبقى في حيادية اكتر

[ehab_mansour]

شكرا لذوقك بس الاخ صاحب الموضوع عاملة في قسم سيات يعني مش هيخرج من هنا غير وهو بايع الاكسنت وشاري ابيزا هههههههه ولو عامله عندنا ف الاكسنت هيونداي يعني هيشتري واحدة كمان هههههههههههه
المفروض يعمل موضوع في قسم المقارنات عشان يبقى في حيادية اكتر

ربنا يكرمك بس خلي بالك ولو عمله في المريخ حتي ولا مجلس الشعب الأبيزا تكسب

هههههههههههههههه بهزر معاك طبعا وتشرفت بمعرفتك

[soficom]

ان لو عارف ان الموضوع ده هيولع الدنيا كده كنت عملته من زمان
وان فعلا بحترم وجهه نظركم وكمان وضحتولى حاجات مهمه هخدها فى اعتبارى
بس وكاى شخص قارن الاثنين ببعض وانا متاكد ان كفه الميزان تبقى لصالح الابيزا كركوبه يكفى انها المانى ما لسعر اعاده البيع طبعا وبلاشك هتكون للاكسنت لالنها بمعنى اصح (امها دعيلها)

[Mohamed.Ramah]

ممكن فى قسم المقارنات دة لو بيقارن بين لاثنين لاكن هدف الموضوع انة معاة حاليا اكسنت وبيفكر يغير للابيزا يعنى الموضوع فى مكانة الصحيح

[alzelafy]

بس لو هتجيب ابيزا هاتها حالتها نظيفه عشان تحس بالفرق و الفرق يستاهل بينى و بينك بس طبعا قطع الغيار هتدوخك شويه عشان تجيب الحاجه الاصلى و اللى على مزاجك لانك مش هترضى تحط فيها اى حاجه و مشى حالك زى عربيات كتيير هتجبلها انظف حاجه و دة فى حد ذاته رخم شويه بس حاجتها موجودة و فى الحرفيين و دى نقطه مديقانى انا لو معايا اكسنت هجيب حاجتها من عند البقال اللى جنبى و مش هبص فيها نوعها ايه

[waelms3]

بس طبعا الابيزا

يا باشا مع احترامى لسيادتك لا مقارنة بين المانى و كورى واكبر دليل العربيات الالمانى قلى شغالة بقالها فوق الثلاثين سنة وما اشتكتش والعربيات الكورى قلى بقالها 5 سنين بس شكلها بقى يصعب على الكافر الالمان بالذات بيصنعوا عربيات طويلة العمر اما الكوريين بيصنعوا عربيات لها مده تحمل وبعدها كل سنه وانت طيب و الخامات كل شويه بتقل فى الجودة ده غير التقفيل المصرى قلى يعلم بيه ربنا وانت وحظك

[soficom]

شكرا والله على ردكم عليه ونشاء الله هبيع المورجيحه ئلى معايه وهجيب ابيزا بس ادعولى ويارب اجيب موديل 99 وتكون كامله واهم حاجه تكون بحاله المصنع يعنر تكيف المصنع وزجاج كهربه وسنتر ومريات كهربه ويريتيكون لونها اصفر او بترولى او تركواز

[Mohamed.Ramah]

ربنا يوفق حضرتك فى الشراء ومبروك مقدما