نور التابلوه في الابيزا 98

[bazooooka78]

انا معايا ابيزا 98 وفيه لمبة اتحرقت في التابلوه ومبقتش اشوف امبير الحرارة في الضلمة .. يا ترى اللمبة دي بتتباع ولا ايه .. وممكن اغير النور اخليه اقوى من كده ولا مينفعش

[windofchange]

اللمبة الجديدة بتكون اقوي لأن القديمة بتكون ضعفت لغاية متتحرق حصلت معايا بص رحت لبتاع عدادات حطللي من عنده اتنين بس كان في واحدة اقوي من التانية مع ان المفروض الأتنين زي بعض الحل تفك العدادت عندك وهما مربوطين بمسمارين من فوق صليبة فكهم بالراحة وخد باللك لفي كلبسات تتكسر وفك الكابل الواصل للعدادات وفي ظهر العدادت هتلاقي كذا لمبة فك اللمبة المحروقة وهي بتلف نص لفة كده علي ماافتكر وتتغير عادي وخدها معاك شارع دمشق وطبعا اللمبة دي هتلاقي اخواتها راكبين المفروض نفس الشكل عشان بافتراض انها اللمبة الفابريكة في هناك محل اسمه المدينة بيبعهم فيليبس بس ده للكشافات ممكن تلاقي عنده بتوع العدادت وشركة هاشم باص فالعباسية توكيل لمض فيليبس عند مدينة البعوث او تاخد اللمبة وتنزل التوفيقية وهات زيها من هناك وان شاء الله هتلاقي فيليبس او اي ماركة محترمة تانية وهتلاحظ الأضاءة بقت اقوي ان شاء الله

[alzelafy]

طيب اللون انا مغير عدادات و لاقيت نورهم اخضر و العدادات شغاله و سليمه و عاوز اغير لون الاضاءة الى اللون الطبيعى الاصفر ينفع و لا لا و انا معايا العدادات القديمه

[bazooooka78]

شكرا يا باشا على اهتمامك ..

[windofchange]

طيب اللون انا مغير عدادات و لاقيت نورهم اخضر و العدادات شغاله و سليمه و عاوز اغير لون الاضاءة الى اللون الطبيعى الاصفر ينفع و لا لا و انا معايا العدادات القديمه

اعتقد لون الأضاءة مش من اللمبة لا ده من العداد نفسه علي اساس لون الورقة الملزوقة علي العداد...معاك العدادت القديمة خلاص ركبها وحط اللمض اللي في القديمة في العدادت اللي جايه مع العربية الصفرا وبالتوفيق

[ehab_mansour]

اعتقد لون الأضاءة مش من اللمبة لا ده من العداد نفسه علي اساس لون الورقة الملزوقة علي العداد...معاك العدادت القديمة خلاص ركبها وحط اللمض اللي في القديمة في العدادت اللي جايه مع العربية الصفرا وبالتوفيق

+1 مش اعتقاد يا ايهاب هي بالفعل اللون بتاع نور العدادات مش من اللمبة ولكن من شريط ملزوق أمام اللمبات وبيخرج النور علي الشريط ويخترقه لإنارة العدادات باللون البرتقالي اللي هو لون الشريط