بكون في نص هدومي اما حد يركب معاي

[NaGaTy]

بكون محرج اوي اما حد يركب معايا في الكنبه اللي ورا
يعني لو قعد 2 ورا بلاقي العربيه نزلت جامد اوي وبسمع صوت حكه جامد في المطبات وبسمع صوت زنه جامد او تزيى جامد اوي مع العلم اني ركب عليات ولسه المشكله قائمه .. والعربيه ابيزا 99 وانا مركب كوتشات مقاس 15 ومجنطها مش فاكر الجنط يا إما 14 او 15 لاني شاريها مجنطه بس ازاي بتعمل عندي كده وبشوف ناس مهبطين العربيه جامد وناس بتكون قاعده فيهم ومش بيحصلهم كده
يا ترى ايه الحل عندي وهيكلف كام وشكرا مقدما

[NaGaTy]

نسيت اقول انها راكب عليها مكنة 2e-2000cc

[NaGaTy]

سوال تاني لو كنت عاوز حد يعدل على الفوانيس الخلفي ويكون سعره حنين وفي الهرم او فيصل مين ..؟!
يعني يعمل الفوانيس الخلفي ليدات
وكمان الامامي بيتباع رينجات وعدسات جديد مش معمول ب 1150
وسوال كمان محدش يعرف البدي كيت يتكلف كام بالرش .. ؟

[windofchange]

اعتقد المشكلة فمقاس الكاوتش مش صح وصراحة يا نجاتي انا شايف الصح بتاعها جنط 14 مش اكتر وراجع عالعفشة وشوف السوست والمساعدين اخبارهم ايه واتأكدلنا الجنط مقاسه 14 ولا 15 وازاي يركب كاوتش 15 علي جنط 14؟ ياريت توضح اكتر

عندك مقاسات الجنط والكاوتش المناسبين للعربية علي باب التانك

[oshaaa]

ممكن علشان العفشه مش رياضيه بتاعت العربيه لان جنط 15 في ابيزا مش كبير انا عارف ناس حته جنط 17 ومش بتحك

[NaGaTy]

انا العفشه عندي سبور وبيتهئلي ان الجنط 14 محدش يعرف اعمل ايه بجد محتار جدا خصوصا ان في ناس كتير بتركب معايا وبكون محرج جدا

[NaGaTy]

اي مساعده بليز.؟؟؟

[O.M.S]

بالنسبة لمقاس الجنط والكاوتش
بص علي الكاوتش هتلاقي مكتوب عندك علي الكاوتش r 14 165/65 مثلا
ال ار دي يعني بنية الكوتش راديال
المهم مقاس الجنط اللي هوا 14
ال 165 دي عرض الكاوتش ( الجزء الملامس للارض قد ايه 165 مللي )
ال 65 دي ارتفاع الكاوتش يعني 65% من ال 165
بس عامة الابيزا واطية و بتحك في المطبات
بس لو انتا حاسس انها واطية زيادة عن اللزم
شوف حد بتاع عفشة ممكن تكون السوست والمساعدين فيهم حاجة
و علي فكرة العلايات اللي انتا مركبها دي غلط لان العربية كده هتعوم منك علي السرعات العالية
و خصوصا المكنة اللي راكبة فيها مش قليلة