زيت الابيزا

[waelms3]

السلام عليكم

أنا اشتريت ابيزا 98 وكنت عايز اعرف افضل زيت ليها ايه و سعره كام و يتغير امتى و لكم جزيل الشكر

[Ahmad]

ألف مبروك العربية.

بالنسبة للزيت, أنا استعملت موبيل 1 فترة طويلة في الابيزا. و بعدين غيرت لزيت شل الأصفر.
محستش بفرق الصراحة.
موبيل 1 بيتغير كل 10000 كم. و سعره كان 235 جنيه.
شل الأصفر بيتغير كل 5000 كم و سعره 100 جنيه.
لو العربية كان فيها زيت تخليقي و الموتور حالته كويسة يبقي كمل ب موبيل 1 أو شل 10000.
انما لو زيت الموتور كان معدني يبقي خليك في شل الأصفر. و غير الفلتر مرة و مرة.
في ناس كمان شكرت في زيت شل النصف تخليقي و دة بيتغير كل 7000 كم.

استني برضه اراء الأخوة التانيين هنا في المنتدي, و ان شاء تستفيد من تجاربهم.

ربنا يوفقك.

[waelms3]

متشكر

متشكر جدا يا باشا على سرعت ردك و مستنى بقيت أعضاء الابيزا الكرام

[ehab_mansour]

الف مبروك عليك العربية وربنا يباركلك فيها بس ياريت تقلنا علي تفاصيلها السعر والكماليات والحالة وعاملة كلم الف

بالنسبة لموضوع الزيت فخليك في نوعية الزيت اللي كان قبلك ماشي بيها يعني لو كان بيحط تخليقي يبقي تخليك عليه وان كان بيحط معدني برده عليه
بالنسبة للنوعية فأنا اللي قبلي كان بيحط موبيل xhp معدني وانا استخدمت بعديه توتال وشيل الأصفر وامارات مصر وأخيرا فيسكو 2000 الأفضل كان شيل والممتاز الأن هو فيسكو 2000 ولكن انا ناوي ان شاء الله المرة القادمة أستخدم فيسكو 3000 ولن أتنازل عن فيسكو اللي بيتباع في محطات الغاز لأن المحرك عندي أدائه فوق الممتاز مع الزيت ده وصوته هادي جدا و أنصحك تشوف الموضوع ده

http://www.nilemotors.net/Nile/124594-a-48.html

وعندي لك مفاجأة أخري رائعه وهي ان شركة طاقة الوكيل المعتمد لزيوت كاسترول المرشحة من قبل فولكس فاجن و أودي ومعظم الماركات الألمانية يوجد لها موزعين في مصر وكذلك تم افتتاح أول بنزينة لهم علي الطريق الدائري اتجاه شبرا بعد نزلة مسطرد مباشرة وانت رايح اتجاه علي شبرا وشوف المشاركة دي كمان

http://www.nilemotors.net/Nile/153782-a.html

أمامك كل الأختيارات وانت صاحب القرار
ملحوظة زيوت فيسكو وكاسترول الاتنين من انتاج شركة bp الانجليزية

[waelms3]

ربنا يخليك

انا اشتريتها على 34 و هيا 98 ماتور 1400 اربعة باب وهو كان بيستعمل شل الاصفر برده او موبيل 1 بس فى استفسار انا اول ما اشتريتها كان سحبها ممتاز بعد اما غيرت زيت سحبها قل شوية مع انى حطيت موبيل 1
وحاسس انها بتسخن اكتر من الاول المؤشر بيقعد فترة فى 90 ما بتنزلش بسرعة مع المروحة واما اجرى فترة طويلة الموشر يثبت على 90 وما بينزلش

[soficom]

كنت عاوز اسئلك بعد مبروك طبعا هل العربيه مكيفه وحالتها اه وكشفت عليها فين

[ehab_mansour]

انا اشتريتها على 34 و هيا 98 ماتور 1400 اربعة باب وهو كان بيستعمل شل الاصفر برده او موبيل 1 بس فى استفسار انا اول ما اشتريتها كان سحبها ممتاز بعد اما غيرت زيت سحبها قل شوية مع انى حطيت موبيل 1
وحاسس انها بتسخن اكتر من الاول المؤشر بيقعد فترة فى 90 ما بتنزلش بسرعة مع المروحة واما اجرى فترة طويلة الموشر يثبت على 90 وما بينزلش

موبيل 1 ولا موبيل xhp ؟؟
وبصراحة انا مبحبش موبيل لأني سمعت ان فيه منه مضروب كتيييييييير
جرب فيسكو وان شاء الله هتدعيلي لأنه مختلف في الأدادء نهائيا عن شيل وفي هدوء السيارة

[girgis3510]

انا كنت بستخدم زيت كاسترول لسيارتى سيات ليون 2003 لاحظت شى غريب الزيت بنقص بشكل مخيف
ولما غيرت لزيت تيتان ( المانى الصنع ) العربيه زى الفل
كاسترول اللى كنت بستخدمه 5000 كيلو منصحش حدباستخدامه ابدا ابدا

[windofchange]

الله ينور شكرااا ليك يا جرجس عها المعلومة

[bayooo]

طيب نشتري زيت فيسكو منين

[ehab_mansour]

طيب نشتري زيت فيسكو منين

من اي محطة غاز علي مستوي الجمهورية ( محطات كارجاس )

[waelms3]

روحت اشترى زيت فيسكو قالوه ده معمول للعربيات الغاز هل صح الكلام ده وفى فرق والا ايه ؟

[ehab_mansour]

روحت اشترى زيت فيسكو قالوه ده معمول للعربيات الغاز هل صح الكلام ده وفى فرق والا ايه ؟

اخي الفاضل شركة فيسكو تنتج منتجات كثيرة للسيارات الغاز والبنزين أنصحك تشوف الرابط اللي قلته فوق
زيت فيسكو ngv ده للسيارات الغاز
زيت فيسكو 5000 - وفيسكو 3000 -وفيسكو 2000 - وفيسكو موتوراويل دول للسيارات البنزين شوف ايه النوع المناسب لك واشتريه وبالتوفيق

[egman]

طيب ممكن اعرف سعره كام فيسكو 3000 وده يتغير على كام كيلوا واية احسن نوع فيهم 5000 او 3000 او 2000 لعربية موديل 94 ايبيزا كربراتير ؟

[ehab_mansour]

طيب ممكن اعرف سعره كام فيسكو 3000 وده يتغير على كام كيلوا واية احسن نوع فيهم 5000 او 3000 او 2000 لعربية موديل 94 ايبيزا كربراتير ؟

الموضوع بيختلف عن ايهم احسن لأن الأفضل طبعا 5000 ويليه 3000 ويليه 2000
لكن بالنسبالك عرفنا انت كنت بتستخدم زيت ايه قبل كده وعليه هقلك تستخدم ايه يا تسأل مهندس محمد التازي في الموضوع اللي انا حطيت لينكه قبل كده وده في القسم التعليمي