والله عاوز اركب ابيزا

[soficom]

السلام عليكم ورحمته الله وبركاته

كنت كتبت قبل كده موضوع مفارنه بين الاكسنت والابيزا والاعضاء فدونى جداااا هنا وحبيت فعلا كلمهم عن الابيزا بس انا دايخ على موديل 99 مكيفه فقلت انى اشوف موديل 2001وانها حتى شكلها احسن والسؤال دلوقتى هل اسعارها يعنى اسعار قطع الغيار اغلا من 99 يكتير ولا الدنيا حلوه ومعلش انى بسئل على اسعار قطع الغيار كتير وبس كل ده عشان الواحد فاتح بيت والمصاريف كتير فلو حد عندو مثلا فكره عن اسعار
1- المساعدين الامامى
2-سعر تيل الفرامل والطنابير
3-طرمبه البنزين والبوجيهات
4-الفوانيس وخلافه
ومعلش تانى مره على سوالى عن الاسعار دى بس هى دى معظم الحاجات ئلى ممكن تتغير باستمرار و لو فيه حد عندو اسعار حاجه تانى ممكن يقلى عليها

ابوس اديكو عاوز اركب ابيزا وهتصدق بالكسنت لوجه الله

[windofchange]

هههههههههههههه عسل والله يا سوفيكوم بص في معلومة عرفتها بس شبه متأكد منها ان الإيبيزا 99 اوسع من 2000 اما ال99 في منها 1000 سي سي مكيف تكييف فابريكة بلدها بس فالغالب بتنزل من غير تكييف ممكن تجيبها وتركبلها تكييف فابريكة تصرفلك 2000 جنيه او اكتر سنه طبعا الأفضل تجيبها مكيفة جاهزة وهتلاقيها ان شاء الله....وفي ايبيزا99 1400 سي سي تككيف زباور ستيرنج قليلة شويه وبرده ممكن تلاقيها عندك مواقع عربيات كتير زي كونتاكت كار وغيره يااما آخر حل تجيبها 1000 سي سي فاضية وتجيب نص كامل 1400 سي سي تاخد منه الموتور والتكييف والباور وماحوله من ردياتير وعفشة واللي هيطلع منك هتبيعه والعملية دي تخشلها في 5000 جنيه ولما تبيع حاجتك ممكن تجيبلك 2000 جنيه يبقي انت دفعتلك 3000 في الآخر غير مصنعية الميكانيكي والكهربائي قول 600 جنيه يعني تجيبها 1000 سي سي والموتور بيودع وتنزل في سعرها عشان كده هتقوله انك هتصرف 5000 جنيه زيادة عسعرها او هتعمر ب2000 جنيه وتجيبها سعر كويس وربنا يوفقك لكل خير

[soficom]

شكرا على ردك اوى بس موضوع المواتير وانى اروح السلام واوجع دماغى ده شئ مش مستحيل ده شئ خيال علمى انا وقتى كله فى الشغل وبعد 3 ساعات بس فى البيت
وعلى فكره مش مشكله وسع العربيه انا بسئل على فرق سعر قطع الغيار بين ال99 وال 2001

[soficom]

بسم الله ماشاء الله 23 مشاهده ومفيش غير رد واحد ---------- اه ياجماعه الواحد عندو ثقه فيكم كده الموضوع هيبوظ

[ehab_mansour]

السلام عليكم

http://www.nilemotors.net/Nile/93480-2001.html

ده موضوع فيه أسعار قطع غيار ابيزا 2001 وانا شايف انها تقريبا زيها زي ال 98 مافيش فرق كبير
وربنا يوفقك لاختيار الصح

[soficom]

على فكره يا ايهاب الاسعار دى انا شفتها فى ماركات قبل كده بس دى اسعار الى حد ما قديمه لانى شفتها بتاريخ 2008 فى منتديات تانيه
بس فعشان كده كنت عاوز اعرف الاسعار من اصحاب العربيه ئلى معاهم نفس الموديل عشان اتوكل على الله بئه واشترى

[bassemsamuel]

انا معاية موديل 2000 و هى نفس 2001 الاسعار على فكرة مش فارقه كتير عن الاسعار القديمة . العربية مشاء اللة جميلة بس اهم جاجة تلاقى حاجة حالتها نضيفة عشان متتعبكش و تكرها

[soficom]

شكرا يا باسيم
وهل ممكن تسبلى رقمك على الخاص اسئلك شويه اسئله عن الابيزا عشان مندمش لما اشترى
مستنى ردك

[sherifasd]

احب اقول لحضرتك الأبيزا جميلة جداً والله وعن تجربة انا معايا ابيزا 98 من اربع سنوات لم اشترى لها قطع غيار سوى تغيير فلاتر وزيوت وبوجيهات ومرة واحدة فقط اشتريت وش اسبراتير وشاكوش وكان سعرهم على ما اتذكر 110 فقط فتوكل على الله واشترى لاكن شرط الحالة وربنا يوفقك

[John_Samy_1]

2000 لحد 2002 هو مجرد face lift ل99 اللي بدأ من93 و اتعمله face lift سنة 96. دول كلهم اسمهم MK2. فهتلاقيهم نفس قطع الغيار الميكانيكية والعفشه والكهربا مع اختلاف الفوانيس والرفارف ومريات و كماليات والحاجات ديه.

[soficom]

الله ينور عليكو وعلى ردكو و رمضان كريم
ولو فيه حد عندى ابيزا 2001 انا هبيه الاكسنت وش واخلص فى الابيزا