سوال بخصوص فرامل ايبيزا 94 الامامية

[egman]

السلام عليكم ورحمة الله وبركاته

انا يا شابا كنت بربط العفشة وببكشف عليها المهم العفشجى قال بص انت عندك فى الفرة الشمال قدام سوسته تيل فرامل مش موجودة وفعلا مسك التيل وحركة لقيته كده بيلق .

المهم سالت على السوست التيل قالولى انها مش بتتباع لوحدها لازم طقم التيل كله هل ده صحيح فعلا ؟

المهم انا عايز اعرف الاتى :

1- قد اية موثر موضوع سوسته التيل الى مش موجودة ده ؟

2- تانى حاجة انا كنت لسة مغير الفرامل كالمة كلها الخلفية ماستر جديد وتيل جديد لو فكرت اعمل كده فى الامامية اية الى بيتغير فيها علشان اخليها كلها جديدة زي الخلفية ؟

3- هل هى فعلا الفرامل الاماية بنفس اهمية الخلفية ؟

4- طيب انا وانا بفرمل كنت بسمع فعلا صوت الفرملة من قدام صوت فرملة العجل من قدام هل ده هى السبب ؟

5- انا الاول كنت لما ادوس شعره فرامل العربية تهدى اوى اوى اوى وبسرعه دلوقتى ما بقتش شعره بقى لازم ادوس مشوار كبير علشان العربية تهدى ... يا ترى ده من اية ؟

6- لدرجة انى فى مرة فى اشارة والطريق ماشي عجلة عجلة اضطريت انى استخدم الهاندبريك لما لقيت العربية ما استاجبتش بسرعه للتوقف ولما استخدمت الهاندريك العربية اتسمرت مكانها على طول ؟

منتظر إجابتكم عليا ..... وكل عام وانتم بخير ،،

[ehab_mansour]

السلام عليكم ورحمة الله وبركاته

انا يا شابا كنت بربط العفشة وببكشف عليها المهم العفشجى قال بص انت عندك فى الفرة الشمال قدام سوسته تيل فرامل مش موجودة وفعلا مسك التيل وحركة لقيته كده بيلق .

المهم سالت على السوست التيل قالولى انها مش بتتباع لوحدها لازم طقم التيل كله هل ده صحيح فعلا ؟
وعليكم السلام ورحمة الله وبركاته
أولا مافيش سوسته بتركب علي التيل في الابيزا واللي بيمسك التيل مشبك خلفي راكب في جسم التيل نفسه وما تسمعش كلام الفتوي للصنايعيه لأني لما اشتريت عربيتي لقيت راكبلها سوست علي التيل زي اللانوس ولما رحت لواحد بيفهم خلع السوست وركب التيل وقلي دي ركابه غلط ومش بيركبلها سوست اساسا وفعلا لما قريت في صيانة السيارات دي لقيت كلامه صح
المهم انا عايز اعرف الاتى :

1- قد اية موثر موضوع سوسته التيل الى مش موجودة ده ؟
تركيبه غلط ولما بيركب بيخلي التيل يتأكل بسرعه لأنه مش بيرجع بحرية مع رجوع البستم عند رفع الرجل من علي الدواسة و اساسا تصميم فرامل السيارة دي من غير سوست
2- تانى حاجة انا كنت لسة مغير الفرامل كالمة كلها الخلفية ماستر جديد وتيل جديد لو فكرت اعمل كده فى الامامية اية الى بيتغير فيها علشان اخليها كلها جديدة زي الخلفية ؟
لو البساتم قدام (الماستر) سليم وده الأرجح يبقي تشتري تيل فرامل وتركبه وبس
3- هل هى فعلا الفرامل الاماية بنفس اهمية الخلفية ؟
الفرامل الأمامية أهم من الخلفية لأنها أقوي و أفضل وهي اللي بتوقف العربية في المواقف الخطرة بنسبة 70 %
4- طيب انا وانا بفرمل كنت بسمع فعلا صوت الفرملة من قدام صوت فرملة العجل من قدام هل ده هى السبب ؟
صوت احتكاك للتيل زي صفارة مثلا ولا صوت صريخ الكاوتس
لو صوت صفارة يبقي التيل سيء ومحتاج يتغير
لو صوت صريخ الكاوتش يبقي محتاج ضبط زوايا و اتزان تروح تضبط زوايا
5- انا الاول كنت لما ادوس شعره فرامل العربية تهدى اوى اوى اوى وبسرعه دلوقتى ما بقتش شعره بقى لازم ادوس مشوار كبير علشان العربية تهدى ... يا ترى ده من اية ؟
ده لأن التيل الأمامي انتهي لأن التحميل في الفرامل كله عليه ومحتاج يتغير لأن الفرامل في الخلف بيتغيرلها تيل مرة مقابل كام مرة أمامي
يعني انا حتي الأن غيرت تيل فرامل خلفي مرة واحده وأمامي تقريبا أربع مرات

6- لدرجة انى فى مرة فى اشارة والطريق ماشي عجلة عجلة اضطريت انى استخدم الهاندبريك لما لقيت العربية ما استاجبتش بسرعه للتوقف ولما استخدمت الهاندريك العربية اتسمرت مكانها على طول ؟
ده دليل علي ان الفرامل الخلفية جيدة والأمامية غير موجودة تقريبا اكشف علي التيل قدام بسرعه لأنه مهم جدا جدا

منتظر إجابتكم عليا ..... وكل عام وانتم بخير ،،

وكل عام وانت وجميع أعضاء نايل موتورز بخير وتقبل الله منا ومنكم صالح الاعمال

[ehab_mansour]

السلام عليكم
فيه تعديل علي كلامي عايز أنبه ليه وهو انه يوجد موديلات من سيارات فولكس فاجن وبالتالي من الابيزا بيركب ليها سوست علي التيل ومش متأكد اذا كان ال 94 ليها ولا لأ لكن انا عندي مالهاش لأنها زي اللي في الصورة دي بالضبط
التيل بمشبك خلفي هو اللي بيثبته والفيصل في الموضوع ده انك تروح تشتري تيل فرامل أمامي ل 94 لو لقيته زي اللي في الصورة (بمشبك خلفي زي الصورة رقم 4.23b )يبقي من غير سوست زي عندي ولو من غير مشبك خلفي يبقي لازم يركبله سوست عشان تثبته واحده علوية وأخري سفلية



واي سؤال تحت أمرك

[egman]

أستاذ / إيهاب

كل سنة وانت طيب يا باشا وانا متشكر جدا جدا جدا لحضرتك وعلى الاجابة الوافية .

بالنسبة لموضوع الفرامل :

1- انا اتصلت بسامح ايبيزا علشان اسئلة عن تيل الفرامل قاىل انه موجود عنده المانى وسعره عامل 90 جنية ... هل سعره كده كويس ؟

2- سالته عن موضوع طقم التيل الأمامي قالى انه بيكون معاه سوست بتاعته ....

3- هل هو كل الى فى الفرامل الامامية ماستر وتيل بس لانى لما سالته على الماستر الامامي قالى ده اسمها دوشمة مش ماستر زي الى ورا وانا مش فاهم هو يقصد ايه ؟

4- انا اعتقد ان الماستر الامامي هو الى بيكون محطوط على الطنبورة وعامل زي اكنه يد او مقبض كده بيكون تحته التيل الكاتوش بس التيل برده بيكون فى حاجة معدن كده يا ترى الكلام ه صح وهو يقصد باية الدشمة انا الى فهمته وهو قالهولى ان قدام ما فيش ماستر هو طقم تيل بالسوست بتاعته وبس !!!!! يا ريت توضحلى يا باشا اكتر وتوصغلى شكل المستر الامامى وطقم التيل الامامي بيكون مكون من اية ؟

5- بالنسبة للصوت انا مش قادر اميزه بس اعتقد انه من الكاوتش عارف كه زي صوت حد بيفرمل مرة واحده وهو ماشي على سرعه عاليه بيحصل صوت كده اعتقد من الكاوتش هو ده الى بيحصل عندى بس لو انا حتى ماشي على سرعه بسيطة اوى وبالفعل بحس ان العربية بتكون واقفة من ورا لكن بحس فيها بسحف من قدام ؟

6- هل طقم التيل الجديد الى بشتريه بيكون معاه اجزاء معدنية كده وسوسته ولا الجزء الكاوتش وبس ؟

منتظرك يا باشمهندس / توضحلى اكتر عن الموضوع ده واتصرف ازاى فيه .......

كل سنة وانت طيب يا باشا ...

[ehab_mansour]

أستاذ / إيهاب

كل سنة وانت طيب يا باشا وانا متشكر جدا جدا جدا لحضرتك وعلى الاجابة الوافية .

بالنسبة لموضوع الفرامل :

1- انا اتصلت بسامح ايبيزا علشان اسئلة عن تيل الفرامل قاىل انه موجود عنده المانى وسعره عامل 90 جنية ... هل سعره كده كويس ؟
سعره كويس ولكن مش ألماني لأنه رخيص قوي حاول تدور كتير وتسال علي الأنواع وأفضلهم هونوع ate
2- سالته عن موضوع طقم التيل الأمامي قالى انه بيكون معاه سوست بتاعته ....
رديت عليه قبل كده محتمل يكون في 94 مختلف عن عندي في 98
3- هل هو كل الى فى الفرامل الامامية ماستر وتيل بس لانى لما سالته على الماستر الامامي قالى ده اسمها دوشمة مش ماستر زي الى ورا وانا مش فاهم هو يقصد ايه ؟
شوف هو قدام غير ورا لأن شكل البستم اللي قدام وتصميمه غير اللي ورا لكن الاتنين بساتم موصل ليهم سائل الفرامل ودي صورة الحله الخلفيه اللي جواها البستم(الماستر)الخلفي في الصورة اللي وراها

uploaded with imageshack.us
وده الماستر الخلفي


وده الطنابير الأمامية اللي راكب عليها الفرامل قدام


وده شكل البستم الأمامي (الماستر الأمامي)


4- انا اعتقد ان الماستر الامامي هو الى بيكون محطوط على الطنبورة وعامل زي اكنه يد او مقبض كده بيكون تحته التيل الكاتوش بس التيل برده بيكون فى حاجة معدن كده يا ترى الكلام ه صح وهو يقصد باية الدشمة انا الى فهمته وهو قالهولى ان قدام ما فيش ماستر هو طقم تيل بالسوست بتاعته وبس !!!!! يا ريت توضحلى يا باشا اكتر وتوصغلى شكل المستر الامامى وطقم التيل الامامي بيكون مكون من اية ؟
وده شكل التيل الأمامي من الوش ومن الظهر باين فيه المشبك اللي بيتعلق منه اللي بيلمع ده


5- بالنسبة للصوت انا مش قادر اميزه بس اعتقد انه من الكاوتش عارف كه زي صوت حد بيفرمل مرة واحده وهو ماشي على سرعه عاليه بيحصل صوت كده اعتقد من الكاوتش هو ده الى بيحصل عندى بس لو انا حتى ماشي على سرعه بسيطة اوى وبالفعل بحس ان العربية بتكون واقفة من ورا لكن بحس فيها بسحف من قدام ؟
غير تيل أمامي و اضبط زوايا السيارة
6- هل طقم التيل الجديد الى بشتريه بيكون معاه اجزاء معدنية كده وسوسته ولا الجزء الكاوتش وبس ؟

انا عندي تيل الفرامل أمامي بشتريه عبارة عن فردتين التيل زي اللي في الصورة ومتبرشم في ظهرها مشبك زي اللي في الصورة السابقه
وعلي فكرة تيل الفرامل عبارة عن جزء حديد مثبت عليه بشكل معين ماده كده عامله زي برادة الحديد او الزهر ومختلط بيها مواد تانيه لكنها مش كاوتش نهائيا

منتظرك يا باشمهندس / توضحلى اكتر عن الموضوع ده واتصرف ازاى فيه .......

كل سنة وانت طيب يا باشا ...

تروح تشتري تيل فرامل وتركبه بحوالي (10 او 15 جنيه ) وتروح تضبط زوايا وبس وعيش حياتك وربنا يوفقك

[ehab_mansour]

اسف دي صورة الماستر الامامي

[egman]

شكرا ليك يا ايهاب باشا وعلى اهتمامك لكن يا ريت تقولى وجهة نظرك فى الاتى :

- حضرتك بتقول ان كده سعر التيل الى هو 90 جنية ه يعتبر رخيص اوى علشان كده مش المانى .

- طيب يا ترى سعر التيل الامامي الالمانى بيكون سعره كام والماركة الى حضرتك قلت عليها هى فعلا احسن حاجة والمانى ؟

- ولو هجيب ماستر امامى يكون ماركته اية وسعره يعمل فى حدود كام وهل الماستر الامامى بيكون محتاج يتغير ولا عاة لأ غير الخلفى ؟

- طيب هو لية سامح ايبيزا قالى ان كل الفرامل الى قدام هى عبار عن طقم التيل بالسوست بتاعته وماجبش سيرة الماستر ولما قلتلته على الماستر الامامى قالى ما فيش حاجة اسمها كده هو الأمامى تيل وبس !!!!!! واية قصة كلمة الدوشمة الى قالى عليها ده !!!!!

منتظرك يا باشا واسف على التطويل ........

[ehab_mansour]

شكرا ليك يا ايهاب باشا وعلى اهتمامك لكن يا ريت تقولى وجهة نظرك فى الاتى :

- حضرتك بتقول ان كده سعر التيل الى هو 90 جنية ه يعتبر رخيص اوى علشان كده مش المانى .

- طيب يا ترى سعر التيل الامامي الالمانى بيكون سعره كام والماركة الى حضرتك قلت عليها هى فعلا احسن حاجة والمانى ؟

- ولو هجيب ماستر امامى يكون ماركته اية وسعره يعمل فى حدود كام وهل الماستر الامامى بيكون محتاج يتغير ولا عاة لأ غير الخلفى ؟

- طيب هو لية سامح ايبيزا قالى ان كل الفرامل الى قدام هى عبار عن طقم التيل بالسوست بتاعته وماجبش سيرة الماستر ولما قلتلته على الماستر الامامى قالى ما فيش حاجة اسمها كده هو الأمامى تيل وبس !!!!!! واية قصة كلمة الدوشمة الى قالى عليها ده !!!!!

منتظرك يا باشا واسف على التطويل ........

شوف من خلال الخبرة مافيش تيل فرامل ألماني ب 90 جنيه لكن ممكن تدور شوية وهتلاقي اسباني او اتحاد اوروبي وده كويس ومعقول وبيعمل في حدود من 110 الي 125 اسباني
انا اسمع ان ال ate ده احسن اللي موجود في السوق لكن مش فاكر صناعته ايه ولم استخدمه انا ركبت كام مرة اسباني وزي الفل وبغيره كل تقريبا 30 الف كيلو

بخصوص التيل والماستر هو قلك كده لأن ماستر الفرامل الأمامي والخلفي نادرا لما بيبوظ لأنه ألماني أصلي بتاع العربية و بيعيش كتيييييييييييير لذلك هو قلك تيل وبس لأن نادرا لما حد يطلبه لأنه مش بيبوظ

في النهاية انا قلتلك اكتر من مرة انزل اشتري تيل فرامل أمامي وروح ركبه عند عفشجي بيفهم وبعديها روح اضبط زوايا وبس وما تغيرش حاجه تانيه لأن كلامك بيقول انه كله عندك سليم محتاج تيل فقط وما تتوهش نفسك في حوارات انت مش محتاجها
وحكاية الدوشمه دي ألفاظ التجار بيستخدموها بصراحة مش عارف يقصد بيها ايه فكبر دماغك
وربنا يوفقك وابقي عرفني عملت ايه

[egman]

الله يكرمك يا ايهاب باشا وان شاء الله هنزل اشتري تيل الفرامل واركبه واضبط زوايا وابقى اقولك على النتيجة ان شاء الله فى اقرب فرصة .
جزاك الله كل الخير وقبل الله صيامك وصلاتك ان شاء الله ...

[egman]

المهندس / إيهاب

انا اشتريت تيل الفرامل من عند سامح ايبيزا .

ورحت عندنا فى الحي السابع فى مدينة نصر علشان اظبط حاجات فى الكهرباء كنت بغير كتاوت النور بتاعه العربية المهم وانا واقف مع الكهربائى لقيت ورشة مكتوب عليها متخصصون فى تيل الفرامل والدبرياج والسيرفو والطنابير للملاكى والنقل .

انا فى الاول استغبت انا كنت ناوى اعمل التيل عند الميكانيكى المهم سالت الكهرابائى عليهم قالى ده ناس شغالين من زمان فى التيل فقط ودول احسن الف مرة من الميكانيكي لان دول بتوع فرامل وبس خلصت الكتاوت وركبت الجديدة ورحت طالع عليهم ناس زي الفل فى المعاملة وتركيب التيل الجديد ما خدش فى ايديهم ربع ساعه بسرعه رهيبة جدا وظبط قالى كارك فرامل يا بيه الفرامل تقلت معاك خلاص يا بيه كله تمام ربع ساعه تقريبا وجربت الحمد لله العربية فرقت جامد جدا جدا جدا الحمد لله فاضل بس اضبط زوايا .

اما بخصوص التيل انا لما اشتريته زي ما حضرتك قلت تقريبا هى مش سوسته الى بتمسك التيل هو حاجة كده زي مشبك هى قطعهم عدنية وليها كام حافة كده صغيرة اعتقد انها بتتنى وهى بترطكب علشان تقفل عليه هى تقريبا بالضبط كده زي الى حضرتك رافع صورتها فى صورة التيل ....

يا ريت تقولى اية رايك فى موضوع الورشة المتخصة بس فى الفرامل ده هل فى كده فعلا وبيكونوا كويسين عن الميكانيكى ولا لأ .....
مع خالص تحياتى لك ......

[ehab_mansour]

كده زي الفل وعلي فكرة تيل الفرامل مش محتاج صنعه لأن تركيبه سهل جدا ومش بياخد وقت بس هما أخدو منك كام فلوس لأنه أخرها 10 جنيه وكده يبقي التيل عندك من غير سوست زي عندي بالضبط بمشبك خلفي فقط بيشيل التيل ودمتم بخير

[egman]

والله يا باشا هما خدوا 20 جنية مصنعيه . وبكده يبقى انا اضحك عليا :) :)

[ehab_mansour]

والله يا باشا هما خدوا 20 جنية مصنعيه . وبكده يبقى انا اضحك عليا :) :)

مش قوي وعادي مش مشكلة تعرف انا عندي أخد شغل نضيف ومضبوط ومش مشكلة أدفع زيادة شوية اهم حاجه الحرفيه والشغل السليم
وبالتوفيق

[egman]

الف شكر ليك يا باشا وعلى تعبك معايا على طول .......