بخصوص تبديل إطارات الإيبيزا

[egman]

السلام عليكم ورحمة الله وبركاته

انا كنت عايز اعرف اية انسب مكان موجود فى العربية اقدر احط كوريك الرفع لتبديل الاستبن وسالى فيه قمسين :

1- لو كنت هرفع العربية من قدام لو تغير الاستبن لفرده من الى قدام ؟

2- لو كنت هرفع من ورا لو غيير الاستبن لفرده من الى الاطارات الخلفية ؟

ملحوطة : عربيتى موديل 1994

وكل عام وانتم والامة الاسلامية بخير ....

[ehab_mansour]

وعليكم السلام ورحمة الله وبركاته

السلام عليكم ورحمة الله وبركاته

انا كنت عايز اعرف اية انسب مكان موجود فى العربية اقدر احط كوريك الرفع لتبديل الاستبن وسالى فيه قمسين :

1- لو كنت هرفع العربية من قدام لو تغير الاستبن لفرده من الى قدام ؟
هتلاقي عندك في العتبة من تحت مكان في اليمين والشمال يبعد مسافة تقريبا 25 سم من بداية العتبة من قدام هو ده المكان المخصص للرفع منه (وعندي في العتبة علامة مدورة كده في جنب العربية بيوضح المكان ده قدام و وري مش عارف عندك زيه ولا لأ )
2- لو كنت هرفع من ورا لو غيير الاستبن لفرده من الى الاطارات الخلفية ؟
زي قدام بالضبط تقريبا ونفس اللي قلته فوق ولكن هنا 25 سم من بداية العتبة من الخلف

ملحوطة : عربيتى موديل 1994

وكل عام وانتم والامة الاسلامية بخير ....

وانت بخير شوف اللي قلته كده ولو محتاج حاجه أصورلك المكان بالموبايل وارفعهملك

[egman]

ايهاب بشا الف الف شكر لحضرتك ولتعبك معايا

اما بخصوص انه فى علامة عندى توضح مكان رفع السيارة مش عارف هى موجودة ولا لأ بس هى لو بتكون من بره اكيد كنت شفتها .

طيب يا باشا انا دلوقتى فهمت المكان اسيب 25 سم من بداية العتبه سواء من ورا او قدام طيب فى حاجة تانى لو سمحت .

الكفه بتاعه الكوريك تتحط كلها تحت العربية فى المكان الى اتفقنا عليه ولا يكون فى جزء منها باين من برا العتبه او بمعنى اخر اوسطن كفة الكوريك الى بيسند عليها جسم العربية وبيترفع لفوق ما بين تحت السيارة وخارج السيارة اسفل العتبة ولا الكفة كلها ما تبقاش ظاهرة من برا ؟

وكتر الف خيرك يا باشا انا عارف انى مزهقق منى لكن اعمل ايه الواحد بيحب يتعلم كتيير ...

فى حاحجةتانية :

عارف حضرتك بيكون فى قطع فيبر حوالين إطارات السيارة الى بتصد المية والتراب هل يا ترى ده بتتباع منها جديد لانى عايز اغيرهم وهل فى طريقة معينة لتثبيتها ؟

لان واان بغسل العربية الراجل فى البنزينة نزل بالخرطوم على الكاوتشات جامد وخلى فيبر العجلة الاماية يفق من مكانه وانا قلت اسال حضرتك هل بيتباعوا جداد لانى حابب انى اغيرهم كلهم الفيبر بتاع الاربع عجلات ؟

[ehab_mansour]

بخصوص كيفية الرفع بالكوريك
الصورة الأولي دي للعلامة اللي في الجنب مش عارف عندك دي ولا لأ

Uploaded with ImageShack.us
والصورة دي بتوضح المكان المقوي في العتبة واللي بتحط فيه الكوريك عشان ترفع العربية واضح في نصف الصورة

Uploaded with ImageShack.us
ودي صورة من الكاتالوج بتوضح ازاي تغير الفردة بالخطوات

Uploaded with ImageShack.us
بخصوص الفايبر ده اسمه كارتيرة اللي فوق الفردة ودي بتتباع جديدة ولكن لو اللي عندك سليم ثبتهم وركهم كويس في مكانهم وبس ولو حابب تغيرهم موجودين جداد ولكن مش عارف بكام لو عرفت قلنا

[egman]

تسلم ايديك يا ايهاب باشا على الصور والمجهود وبكده علامة الرفع ده مش موجودة عندى لكنى ان شاء الله هتحرى الدقة وانا بغير العجلة واحط الكوريك فى المكان المدعم الى حضرتك قلت علية ....

تانى حاجة بخصوص الكارتيرة الى قلت لحضرتك عليها أو الفيبرة الى بتكون حوالين الكاوتشات :

1- ده اسمها كارتيرة وبس ولا كاتيرة حاجة ؟

2- ممكن تكون بتتباع فين عند مين قطع الغيار ولا الاكسسوارات ولا مين ؟

3- مين الى بيركبها فى الصنايعيه عفشجي ولا سمكرى ولا مين بالضبط ؟

4- ويا ترى بيتباعوا لقطم الكاتوشات كله للعربية يعنى الفيبر بتاع الاربع عجلات او الكارتيرة للاربع عجلات ؟

معلش يا باشا انا تعبك معايا بس انت عارف اخوك ميح فى العربيات لانى لسة جديد عليها ....

[ehab_mansour]

1- بصراحة انا كنت سألت عليها اول لما اشتريت العربية لكن مش عارف بتتباع كل واحدة لوحدها ولا مجمعه علي العموم اتصل واسأل وقله عايز الكرتيره اللي فوق العجله للأربع عجلات
2-بتتباع عند بتوع قطع الغيار الجديد للسيارة يعني اللي شغالين في الابيزا
3-المفروض ان السمكري هو اللي بيركبهم ولكن لو رحت لأي حد تعرفه وبتعمل شغلك عنده وقلتله يركبهم وعرف يركبهم خلاص

ولما تتصل تسأل هما بكام ابقي قلنا وبالتوفيق ان شاء الله

[egman]

ان شاء الله هتصل واسال النهاردة عن سامح ايبيزا وفتح الباب او فولكس هاوس لكن الشهابي مستحيل لانهم فعلا ناس ما بتتعرفش تتكلم مع بنآدمين لانى اتصلت بيه اساله على تيل الفرامل قالى فى التليفون لا لا لا ما فيش الحاجات ده وراح قافل السماعه بمنتهى تيتتتتتتتتتتتتتتتتتتتتتت فى ووشي وكان قرفان اوى الى رد وهو بيتكلم اكنه بالضبط صاحب شركة مرسيدس :) ربنا يهدي العاصي .....

[egman]

والله يا باشا انا اتصلت بسامح ايبيزا واولاد فتح الباب الاتنين قالوا مش عندهم اما سامح قالى تلاقيها فى التوكيل ...

الا فين توكيل السيات ايبيزا ده يا باشا او تليفونه ؟
طيب الواحد يلاقيها فين ولا هى مش ذات اهمية يعنى حتى لو مش متركبة اصلا ؟

[alzelafy]

انا جبت الاتنين اللى قدام من اربع شهور من عند الشيخ حسن فى الحرفيين ب 120 جنيه لكن اللى ورا مكنوش موجودين و هما ذات اهميه جامدة للحفاظ على نظافه الموتور

[egman]

الف شكر ليك يا باشا بس ممكن تليفون المحل بتاع الشيخ حسن ويا ريت تقولى هل كانوا جداد ام استعمال وركبتهم فين ؟

[egman]

انا وانا عند الميكانيكي الى ظبطتلى الدبرياج قلتله على الكارتيرة طلب منى اشتري كولية بلاستيك 4 واحدات من الطوال وربطه وثبت الكارتيرة مية مية .

الحمد لله والف شكر ليكم يا جماعه ومنتظر تليفون الراجل برده :)