مساعدين الابيزا 94

[ahmedali]

يا جماعه انا النهاردة روحت لعفشجى وبص على عفشة العربية وانا كنت شاري العربية فيها علايات في السوست الخلفي لما شافها قالى ان السوست بايظه ولازم تتغير وان العفشة الامامية محتاجه تربيط بس لكن هى سليمة
انا بحس ان العربية فعلا مش ناعمه في المطبات وكمان بتعوم منى هو حاطط 4 عليات اللى كان حاطتها
المهم انا قررت ارجع العربية على اصلها ودلوقتى محتار هل انا اجيب سوست بس ولا اجيب مساعدين وسوست
هو العفشجى قالى سوست تانى حاجه انا بفكر في المساعدين والسوست الكونى او المونرو بس مش عارف هرتاح معاهم ولا لاء انا موضوع العفشة ده عاوز فعلا اظبطه لان المفروض ان الابيزا تكون ادائها في المطبات والثبات عالي فارجو الافادة من الاخوة الافاضل

[grumby78]

رايي الخاص انك تغير السوست والمساعدين الالماني الا لوحضرتك بتسوق قياده رياضيه سريعه وغرر فغير لرياضيه . بس العفشه السبور مش مريحه ابدا . ولازم تشيل العليات دي عشان العامله مشاكل الثبات اصلا وكمان شوف البطاحات عاوزه تتغير ولا ايه. وربنا يوفقك

[ahmedali]

اولا انا بشكر حضرتك جدا على الرد وانا سواقتى بالعكس هادية ومش بحب القيادة المبالغ فيها وانا اكتر حاجه تخلينى اكون مرتاح في العربية انها تكون هادية معايا ومريحه وانا ماشي وانا كان ليا استفسارات لو ينفع نتكلم فيها احنا والاعضاء يشاركونا بس للاسف هنا التفاعل في قسم السيات قليل اوى اتمنى اننا نوصل لتفاعل افضل من كده

[ehab_mansour]

السلام عليكم
حضرتك أولا شيل العلايات لأن الابيزا مع مكونات العفشة الأصلية أساسا مش واطية وثابته جداجدا وبعد كده ركب السوست الأصلية وربط العفشة الأمامية وشوف ايه النظام لأن المساعدين لو بايظ اي عفشجي بيختبره وبيعرف اذا كان سليم او بايظ ولكن لو سليم يبقي تغيره ليه

وربنا يوفقك منتظرين منك أخر الأخبار

[ahmedali]

شكرا يا باش مهندس ايهاب على ردك وكنت عاوز اقول لحضرتك انى سالت عن السوست الخلفي ما لقتهمش خالص
بس سالت فولكس هاوس قالى ان مافيش غير الصينى وان المايلي جاى بعد اسبوعين فهل استناه ولا فيه ناس تانيه بتبيع السوست الخلفيه وانا اكدت على العفشجى قالى المساعدين سليمة هى بس الامامية محتاجه تربيط واغير السوست الخلفي فقط بس كان ليا استفسار بخصوص المساعدين هل لو هيه سليمه بس هتكون ادائها قل بسبب الاستخدام يعنى المساعدين الجداد هيدو معايا اداء افضل حتى لو المساعدين بتوعى تمام يعنى هحس بفرق ولا المساعدين يا بايظة يا سليمة

[mesho_kimi]

ممكن تشتري السوست إستيراد ومش حيبقوا غاليين المساعدين خليهم لغاية اما تخلص عليهم بالذات لو ألمانى أصلي لو جايب زيت حته مش حيبقى وحش ، لو بتفكر فى عفشه اسبور فا أنت كده تنسى الراجه خالصه لأنى كل اما تيبقى العفشه ناشفه كل اما يبقى الثبات أعلى وعشفشه سبور يعني ناشفه

[ahmedali]

شكرا يا ميشو على مشاركتك وانا عندى فعلا المساعدين سلام وهما الالمانى بتوع العربية وانا كده هسمع بنصايحكو ان شاء الله وهغير السوست الخلفية بس واشوف النتيجة ايه لما اربط العفشة واركبهم

[mesho_kimi]

اهم حاجه راعي العربيه كويس وهى عمرها ما حتزعلك صحيح لو مكنتش عملت للعربيه سيرفيس أعملها طقم سيرفيس وحتحس بإختلاف كبير