إستغسار بخصوص دواسة الدبرياج

[egman]

السلام عليكم ورحمة الله وبركاته

1. انا النهاردة بعد الظهر بشغل العربية وبجيب الغيار الاول مش راضي يجي خالص وبالضبط اكن العصاية بتاعته الفتيس مش بتتحرك الى لما دوست اوى اوى اوى اوى على دواسة الدبرياج ولما الغيار الاول جه بيكون تقبل اوى فى نقلته ؟
   
2. تانى حاجة الغيار التانى نفس الموضوع بس مش زي الاول يعنى العصاية بتتنقل لكن برده بتقل جامد ؟
   
3. باقى الغيارات حتى الخامس زي الفل ؟
   
4. اما بقى المارشدير لو عايز ارجع بدهرى وبنقل اول ما العصاية تستقر فى مكان النقله بيحصل صوت جامد جدا ودبه اكن بالضبط ما حصلش فصل فى التروس واكنى جبت الغيار بالعافيا غصب عنه بيعمل الصوت ده مع دبه ؟

ملاحظات

• الموضوع ده حصل معايا مرة من تلات ايام تقريبا وحصل معايا النهاردة بعد الظهر لكن باقى الايام الى فى النص والا قبل كده كان الموضوع عادى جدا .......
  
• بالنسبة لزيت الفتيس انا كنت مغيره من شهرين تقريبا بس بعد كده كنت بعمل حاجة عند الميكانكي ونزلتقريبا نصف الزيت بتاع الفتيس وانا اضطريت اكمله علىطول بزيت التعاون 90 ده الى كان متوفر وقتها وقلت ابقى امشي بيه شوية وابقى اغيره هل ده ممكن يكون السبب فى الموضوع علما بانى كنت حاطط زيت شيل الاصفر 90 ؟

[egman]

لسة منتظر الاجاية يا جماعه .............

[poptronix]

انا كان بيحصل معايا نفس الكلام بس ظبطه بنفسى كل الى عليك تعملو انك تعلي سلك الدبرياج و ده سهل جدا اعملو بنفسك

[ehab_mansour]

اولا ارفع الدبرياج شوية وجرب زي ماقلك الأخ الفاضل لو حسيت انه مافيش تغيير اكشف علي مستوي زيت الفتيس كمان وقلنا ايه الأخبار

لكن المشكلة دي اساسها هو مستوي الدواسة اللي مش بتفصل كويس

[egman]

انا والله رحت فعلا لميكانيكي جني لانى لسة ما اعرفش ازاى اعمل الدبرياج بنفسي .

والحمد لله ظبط الموضوع لكن بعدها بيوم :

1. الوضع بقى العكس ازاى لما اجيب الغيار الاول واجى ارفع رجلى من على دواسة الدبرياج علشان العربية تطلع بلاقى العربية بتترجرج منى أكنها هتفصل منى وزي ما تكون بالضبط كده ان لما بسيب دبرياج وانا مشعر بنزين كالعاده الدبرياج مش بيوصل حركة التروس مرة تانية فمش عارف هل هو الراجل ما عملش حاجة او بدل ما يرفع وى او مثلا رفعه زيادة عن اللزوم لدرجة ان التروس علشان ترجع توصل الحركة مرة تانية لازم ادوس بنزين اوى وارفع رجلى مرة واحدة من على الدبرايج ولا اية لكن فى بقيت الغيرات تمام جدا .
   
   
2. عموما انا نواى اروح لواحد تانى لان الراجل ده اول ما فتحت الكبوت انا الى شاورتله على الدبرياج فين وكمان صبي من عنده هو الى عمله والراجل جه بس امن عليه اول ما مشيت من عنده كان تمام ومشيت فى زحمة جامدة لوقت طويل تمام واقف واطلع وكده بس تانى يوم حصل الموضوع ده .
   
   
3. فكده انا حاسس انه ما ربطش حاجة كويس او على اوى الدبرياج او وطى تانى لوحده مش عارف وبالنسبة لزيت الفتيس انا رحت نزلته وغيرته وطيت زي اسو 90 ...............
   
   
4. فعايز اعرف رايكم اية والسبب يا ترى زي ما انا قلت ولا اية علما ان قبل ما اروح للراجل الجميل ده لما كان الغيار الاول بيعصلج معايا وبيجي ما كنتش العربية بتعمل كده خالص خالص لدرجة انى مش بسمع صوت الموتور والعربية بتتحرك على الغيار الاول لكن كل ده اختلف وبصراحة انا مش عايز ارجعله تانى لانه شكله كده على قده على الرفم ان فيه عربيات عنده ماركات حديثة كتير هو كان فيه واحد فى امبابة اىل عملى الصيانة الدورية بس انا كسلت اروحلة وعرفت انها حاجة مش مستهله فرحت للراجل الكريم ده .

منتظركم يا رجالة ..........

.

[ehab_mansour]

الموضوع فقط محتاج ميكانيكي بيفهم يضبطه صح لأن اللي ظبطه ده رفعه زيادة عن اللازم بس كده وكل حاجه هتبقي زي الفل ان شاء الله

[egman]

الله يخليك يا ايهاب باشا وربنا يكرمك ويتقبل صيامك وان شاء الله انا على اخر الى الاسبوع هروح للميكانيكي الى بتعامل معاه واظبط الدنيا ان شاء الله وابقى اقول على النتيجة فى نفس الموضوع تانى مرة جزالك الله كل خير عنا .

[egman]

الحمد لله روحت للميكانيكي بتاعى وظبط الدبرياج وبقى مية مية الف شكر ليك يا باشا