اكصدام و طاقم فوانيس كامل

[ahmedmoza]

السلام عليكم انا الحمد لله عملت حادثة بى الابيزا بتعتى بس الحمد لله العربية حديد الحمد لله
انا عربتى 94 و هى محتاجة اكصدام و طاقم فوانيس كاامل ينفع اجيب كلو بتاع ال 98 و مفيش فوانيس امامية تكون معدلة ؟؟؟ ارجو الافادة و منين اجيب الفوانيس شكراااااااا و تكون اسعارها كاااام معلش

[Mohamed.Ramah]

حمدلله على سلامة حضرتك وممكن تشوف المواضيع دة :

http://www.nilemotors.net/Nile/161641-a.html

http://www.nilemotors.net/Nile/172654-99.html

وباذن الله تتصلح وترجع زى الاول واحسن

[egman]

الف حمد لله على سلامتك ومش مهم اى حاجة طالما الخسارة فى شوية حديد فى دهية المهم حضرتك وكل حاجة بتتصلح .

الفانوس الامامي الواحد ماركة ديبو 150 جنية وفانوس الاشارة 30 جنية ده لموديل 1994 وده من عند سامح ايبيزا .

الشبكة بتاعه الايبيزا من عنده برده عاملة 100 جنية بدون علامة الايبيزا .

اما بخصوص الاكصدامات اعتقد انها فى الحرفيين وممكن سامح يجبهوملك وهيعملوا فى حدود 600 جنية تقريبا تقريبا ً .

مرة تانية الف حمد لله على السلامة ويا ريت تقولنا اية الى حصل وكانت فين الحادثة علشان الناس تستفيد منها برنا يكرمك ويوفقك لكل خير ...

[ahmedmoza]

شكرا ع المعلومااات الجميلة دية و انا الحمد لله روحت جيبت من عند سامح ابيزا 2 فوانيس و 2 اشارة و الشبكة من غير العلامة بى 420جنية يعنى عمل معايا واجب الرجل يشكر
و جيبت الكبووووت بى 350 من عزبة شلبى و ناقص الاكصدام هجيبو بكرة ان شاء الله من الحرفين
بس علامة الابيزا دية اجبها منين و بكااااااااااام؟؟؟

[ehab_mansour]

الحمد لله علي سلامتك العلامة موجودة جديدة بس دور عليها شوية في محلات قطع الغيار الجديدة

[ahmedmoza]

ماشى يا ايهاب ربنا يخلك يا باشا

[grumby78]

العلامه موجوده ب 60 جنيه
وخلي السمكري لما يركبها يبقى يلحمها في الشبكه من جوه او بتاع فيبر يلحمهالك
اخيرا حمدالله على السلامه

[waelms3]

ياريت اما تشترى الاكصدامات تبقى تقولنا جبتهم بكام و ربنا معاك و العربية ترجع عروسة تانى

[ahmedmoza]

ان شاء الله انا لفيت كتير ع الاكصدام و ملقتش بس هنزل الحرفين بقى ادور فيها ان شاء الله

[ahmedmoza]

جيبت اكصدام امامى بى 375 جنية من الحرفين بى الكسحات بتعتة الحمد لله

[shafey]

طيب انا عايز نفس الكلام دة بس 2009 ممكن حد يدلنى منين ؟

[banky]

العلمة يا احمد باشا موجودة عند سامح ابيزا بـ 30 او 35 جنية مش فاكر كويس ...
بس مش هاتلقيها على طول انت ممكن تشوف هاتجيلو امتى و تخلية يحجزلك واحدة و تحاسبة عليها