منين اجيب قطعة الغيار ده

[egman]

السلام عليكم ورحمة الله وبركاته

انا عندى طرمبة زيت الباكم بتاعه الفرامل الى هى جنب قربه المياه بتاعه العربية هى بيكون ليها اتنين كلبس بلاستيك يمين وشمال الكلبس الى ناحية الشمال مش راكب ولما اركبه بيفلت تانى فى وقتها ولما بضغط على العلبه من ناحية اليمين الثابته بقى بشوف طبعا زيت بيخرج من الجانب الشمال وبيعمل بقعه تحت العربية لما بركنها .

فكنت عايز اعرف الاقيها عند مين مكانه وتليفونه وسعرها لو أمكن انا اتصلت بمحلات شارع دمشق مش موجودة !!!!!

[grumby78]

روح عند بتوع الاستعمال
فين بقى في القاهره انا مش عارف بس اكيد فيه اعضاء تدلك عشان انا خبرتي في اسكندريه بس

[egman]

ياباشا الله يخليك وشكرا لإهتمام حضرتك .

لكن برده حضرتك ممكن تقولى لمجرد العلم بالشي هل القطعة ده موجودة عندكم ومتوافرة ولا هى نادرة فى كافة الاحوال ...

[grumby78]

موجوده ياسيدي الفاضل عند اغلب بتوع الاستعمال ومش نادره

[Mohamed.Ramah]

شوف فى الحرفيين وباذن الله تلاقى او التوفيقية

[ahmedtunning]

انزل الوكالة في قول الوكالة من تحت الكوبري في واحد بتاع سيات بس هو انا مش فاكر اسمه بس هو جامد جدا
بس عيبوه بيزود حبتين فافصل معه لحد الاخر

[Adham]

انت قصدك كليبسات الكهرباء بتاعه العوامة الي في خزنة الباكم ؟؟

دي فايدتها انها تخللي لمبة الهاند بريك تنور لو الزيت نقص نتيجه تآكل التيل
اقرص عالكليبس سنة بزرادية و حاتلاقية ركب كويس

[egman]

انا متشكر ليكم كلكم يا جماعه وعلى وقفتكم معايا
انا الحمد لله نزلت الحرفيين وجبتها من عند محل حسن طيره وهما بصراحة ناس محترمين لاقصي درجة ومعاملة زي الفل وكلها ذوق والراجل ادهانى بـ 30 جنية والحمد لله ركبتها والامور بقت الحمد كلها تمام والف الف الف شكر ليكم جميعا .