سخونيه العجل الامامي اليمين واليسار

[ahmedsmsm]

السلام عليكم يا شباب

انا معي سياره سيات قرطبه 2000 موتور 1600 سي سي

عندي العجل الاماي بيسخن جدا مع الماشي

المسكانيكي قالي غير علبه الفرامل غيرت علبه الفرامل

برده بتسخن

خرج المستر شويه برده بتسخن

مش عارف بقي السبب ايه

وازاي يتحل


جزاكم الله خيرا

[ehab_mansour]

السلام عليكم
أهلا بحضرتك
بخصوص مشكلة السخونية لها عدة أسباب
1- سوء حالة الطنابير الأمامية
2- سوء نوعية وحالة التيل الأمامي
3- عطل بدائرة الفرامل ( سيرفو او ماستر عمومي او ...)
ياريت تقلنا علي تفاصيل أكتر عشان نقدر نساعدك عن الحاجات اللي ذكرتها فوق دي والموضوع ده ظهر معاك من امتا وايه أخر حاجه عملتها قبل ما يحصل كده
في انتظارك والله الموفق

[ahmedsmsm]

التفاصيل

السلام عليكم بخصوص ما تم يا مهندس ايهاب

انا لما حسيت بسخونه العجل الامامي مع بعض في نفس الوقت

رحت جبت تيل امامي اصلي وركبته

برده نفس المشكله

الميكانيكي قالي الراجع ضعيف

فغيرت الماستر

ولكن لم يتغير الموضوع برده العجلتين الامامتين بتسخن جدا

فالميكانيكي قالي هنحط ورد عشان يخرج المستر شويه

بس السخونه برده موجوده بس قلت

حاول يخرجه اكتر الموتور اتبرجل

قالي دا اللي اقدر عليه


برده لسه في سخونه

ارجو الافاده يا مهندس ايهاب

[ehab_mansour]

وعليكم السلام ورحمة الله وبركاته

وايه أخبار الطنابير الأمامية عندك وياتري عملت فيها شغل قبل كده ولا لأ والفرامل قوية ولا ايه ظروفها ولما بتيجي تدوس فرامل هل بتحس برجرجه خفيفة مع الدوسة ولا لأ
وربنا يوفق ان شاء الله

[dr.hazem]

واحد كان عنده مشكلتك في عربية تانيه وعمل اللالي ووداها التوكيل وفي الاخير متحلتش الا لما عبا الكاوتشات نيتروجين

تحياتي

[ahmedsmsm]

التنابير كويسه ومش عملت شغل فيهم من زمان غير تغير التيل بس

[ibiza50]

السلام عليكم يا شباب

انا معي سياره سيات قرطبه 2000 موتور 1600 سي سي

عندي العجل الاماي بيسخن جدا مع الماشي

المسكانيكي قالي غير علبه الفرامل غيرت علبه الفرامل

برده بتسخن

خرج المستر شويه برده بتسخن

مش عارف بقي السبب ايه

وازاي يتحل


جزاكم الله خيرا

الصديق العزيز
اولا لازم تتاكد من حاجه مهمه جدا اعمل الاختبار ده بنفسك
امشى بالعربيه من و هى بارده او راكنة بقالها كتير و امشى بيها شويه حوالى 5 دقائق على سرعه فى حدود 60 ان امكن او ربع ساعة فى الزحمه و انزل شوف مين اللى سخن الجنوط و لا الكاوتش لو الكاوتش يبقى زوايا لو الجنوط هى اللى بتسخن الاول و بالتالى بتسخن الكاوتش يبقى فرامل و الله اعلم
عموما سخونة العجل الامامى راجع لسببين ممكن السببين مجتمعيين او كل سبب لوحده
الاول ان تكون زوايا العجل مش مظبوطه و دى لازم تراجعها فى مركز محترم لان زوايا الابيزا او القرطبه مش سهلة و مش اى حد بيعرف يظبطهم
السبب الثانى بيكون من مكانين
اما خراطيم الفرامل الاماميه و لو كان ده السبب لازم يتغيروا فورا
او مساتر فرامل العجل الامامى ودول ممكن بتجابوا مستعملين من الحرفيين لانهم مابيتصلحوش
ارجو ان اكون قد افادتك
محمد مصطفى