حد يدلنى على الحل يا جماعة ( عربيتى سيات ابيزا 2002 ) 1000 سى سى

[ahmedsamy006]

انا العربية معايا و الله العظيم زى الفل. بس فى حاجة غريبة بتحصل معايا من يجيى 3 شهور كدة. العربية بتبقى زى الفل و ماشى بيها و اول ما بقف شوية على السلنسية بعد يجى 5 او 8 دقايق من الوقفة القى العربية حصل حاجة غريبة RPM بينزل من 850 ل 600 وبعدين يرجع تانى و يفضل كدة و الموتور يرجرج و كائنه شغال 3 سلندر بس. و دا بيحصل و انا واقف بس طول ما انا ماشى مفيش اى حاجة و بردوا و انا مشغل التكييف على 3 مفيش اى حاجة كلوا زى الفل. بس لما بيحصل الموضوع دا بروح مبطل العربية و مدورها تانى ولا كانى فى اى حاجة. رحت لكذا ميكانيكى. واحد يقلى سلك البوجيهات غيرتوا بردوا نفس الحال . رحت لواحد تانى قلى الكنترولر بتاع العربية فى مشكلة. وواحد تانى قلى لا دا عيب فى حساس المنافستوا. وواحد تانى قلى لا دا عيب فى حساس الانجيكشن. بجد حد يقولى دا عيب اية. و انصحونى اروح لمين. و دا رقم موبايلى لو فى حد ينصحنى 0165515742 و الميل ahmed.samy006@hotmail.com

[ehab_mansour]

السلام عليكم
اهلا بحضرتك وسط اخواتك بمنتدي نايل موتورز وان شاء الله تستمتع بالمشاركة معنا وتفيد وتستفيد لكن عندي سؤال .
حضرتك نظفت بوابة الانجكشن كويس بمنظف كربيراتير ولا لأ ؟
رجاء الرد علي السؤال ده وبعدين نتكلم

[BrainStorm]

نفس العيب لما بيكون في الماواتير el-2E بتاعت الجولف بيبقى العيب في حاجة اسمها الافوميتر وده بيبقى زي حساس الهوا بتاع el-injection وده بيبان لما تسيب العربية على السالانسيه لمدة 5 دقائق أو أكتر,تلاقي العربية تبرجل كده وفي بعد الاحيان بتبطل

[ahmedsamy006]

انا فعلا نضفت بوابة الانجكشن و بردوا بيحصل الموضوع نفسه

[ahmedsamy006]

شكرا جد على ردكوا, بس قولولى اعمل اية بالظبط. عشان انا خلاص دماغى ضربت من الموضوع دا و من الميكانيكيا. نصحونى اروح لميكانيكى و اقولوا اية بالظبط. و الله كل الميكا نيكية اللى برحلوهم متخصصين سيات و فولكس فاجن.

[pioneerahmed]

حصلت معايا فى اللانوس
اكشف على ضغط طرمبة البنزين و الانجكشن و الرشاشات
ان شاء الله بسيطة و مش هتخرج عن دول

[snakeson2]

بص سيبك من الفتايين اتكل علي الله وروح عند محمد سمير ورا حديقة بدر في جسر السويس وهوة هيحطها عالكمبيوتر وهيقولك
المشكلة في ان كهربة العربية بتعلي وتوطي وتتلت حصلت معايا ايام البولو بعد مغسلت الماتور بمية والمفتري وقع مية عالموبينة
90% عيب موبينة وان شاء الله سهلة
هتجيب واحدة تانية ونصيحة هاتها استيراد او من عند الشهابي غير كدة لا
اعتقد ان المشكلة لو مش بوجيهات وسلوك نهائي

[ehab_mansour]

حصلت معايا نفس المشكلة واتحلت بعد تنظيف بوابة الانجيكشن وعمل ريسيت لوحدة الكنترول يونت وكله تمام من وقتها !!!!!!!!!
وبعدين الموضوع مكرر وحضرتك عملت موضوع بنفس المشكلة قبل كده ليه التكرار؟؟؟؟؟؟؟؟؟

[ahmedsamy006]

شكرا على الرد. و الله انا غيرت الموبينة و سلك البوجيهات و البوجيهات و و نضفت الانجكشن و برضوا ما فيش فايدة.

[ehab_mansour]

شكرا على الرد. و الله انا غيرت الموبينة و سلك البوجيهات و البوجيهات و و نضفت الانجكشن و برضوا ما فيش فايدة.

حطيت العربية علي سكانر لكشف الأعطال ولا لأ ولما حطيته اعطاك error معين ولا مافيش حاجه ولما نظفت الانجيكشن نظفته ازاي ياريت تشرح بالتفصيل عشان نقدر نفيدك

[aernasa]

المشكلة كانت عندى وطلع عيني علشان أعرف هى إيه عارف عملت إيه روحت عند التوكيل أقوللى غير الدينامو روحت غيرته بره التوكيل و برده المشكلة اسه موجودة روحت عند ميكانيكى واحد بيقول البوابه جربت بوابة إستيراد برده المشكلة و واحد تانى بيقول حساس الكرنك بص انا زهقت من كل الحوارات دى روحت لواحد قالى عند مشكلة فى الباساتم بس انا مغيرتش حاجة و فضلت ماشى كده بالعربية لحد لما بعتها انا بقولك على الحصل معايا

[snakeson2]

روح لمحمد سمير وان شاء الله هيعرف

[ahmedsamy006]

و الله كل مرة احطها على جهاز كشف الاعطال . مرة يظهر ان فى سلندر مش شغال و شوية يبقى شغال. و تانى حاجة حساس الانجكشن. بس الميكانيكى لسه امبارح قايلى دا عيب واحد من اتنين. 1- الكنترولر يكون عاوز يتغير عشان شكلوا بيهيس و كل شوية يطلع عطل و المرة اللى بعديها يطلع عطل مختلف . و لو مكنش هو دا العيب و طلع الكنترولر سليم يبقى العيب فى البساتم. وربنا يستر

[ehab_mansour]

شوف اخي الفاضل طالما العيب بيروح وييجي يبقي ده عيب كهرباء وليس ميكانيكا يبقي تشيل موضوع البساتم ده من دماغك خالص
انا رأيي تروح لحد متخصص وفي نفس الوقت يكون عنده او جنبه واحد بتاع قطع غيار استيراد وتجرب تغيير بوابة الانجيكشن أولا لو اتحلت المشكلة يبقي تمام ولو لأ تغير الكنترول وتشوف وان شاء الله مش هتخرج من الحاجتين دول لأنهم اهم جزئين في السيارة مسئولين عن تحديد سرعة الموتور في السلانسيه
والله الموفق

[ibiza50]

انا العربية معايا و الله العظيم زى الفل. بس فى حاجة غريبة بتحصل معايا من يجيى 3 شهور كدة. العربية بتبقى زى الفل و ماشى بيها و اول ما بقف شوية على السلنسية بعد يجى 5 او 8 دقايق من الوقفة القى العربية حصل حاجة غريبة rpm بينزل من 850 ل 600 وبعدين يرجع تانى و يفضل كدة و الموتور يرجرج و كائنه شغال 3 سلندر بس. و دا بيحصل و انا واقف بس طول ما انا ماشى مفيش اى حاجة و بردوا و انا مشغل التكييف على 3 مفيش اى حاجة كلوا زى الفل. بس لما بيحصل الموضوع دا بروح مبطل العربية و مدورها تانى ولا كانى فى اى حاجة. رحت لكذا ميكانيكى. واحد يقلى سلك البوجيهات غيرتوا بردوا نفس الحال . رحت لواحد تانى قلى الكنترولر بتاع العربية فى مشكلة. وواحد تانى قلى لا دا عيب فى حساس المنافستوا. وواحد تانى قلى لا دا عيب فى حساس الانجيكشن. بجد حد يقولى دا عيب اية. و انصحونى اروح لمين. و دا رقم موبايلى لو فى حد ينصحنى 0165515742 و الميل ahmed.samy006@hotmail.com

صديقى العزيز

اولا قلبى معاك و ان شا ء الله تكون حاجه بسيطه

ثانيا ان اعتقد و الله اعلم ان ده حساس بيكون راكب فى الكتلايزر (علبة البيئة) اللى فى شكمان العربيه و الحساس ده اما ان يكون تعطل او ان علبة البيئه هى اللى تعتطلت و انا اعتقد ان فيه بعض الميكانيكيه بيقدرو يلغوا تاثيره من الكنترول يونت لانهم بيلغوه تماماً
روح لميكانيكى متخصص فى السيات او مجموعه فولكس لان دوا اللى بيجيبوا من الاخر و مش كلهم طبعا

مع تحياتى
محمد مصطفى