اسعار قطع الغيار للابيزا 98

[bazooooka78]

ازيكوا يا شباب انا معايا ابيزا 98 موتور 1400 يا ريت لو حد يعرف اسعار الحاجات دي عشان الميكانيكي طلبها مني ويا ريت حد ينصحني اجيب الحاجات دي ولا اجيب موتور جديد وخلاص
- طقم بستم بالشمبر
- طقم سبيكة
- طقم هلالات
- 4 جلبة ديالات
- طقم صبابات
- طرمبة زيت
- سير كاتينة
- طقم جوانات
- جوان وش السلندر
- كوع ماء بالترموستات
- ديسك واسطوانة وبلية



وانا اسف على الاطالة .. بس عشان انا روحي العربية وزعلان عليها اوي يا ريت حد يرد عليا ... شكررررررررا

[ehab_mansour]

ليه كل ده اصلا هو ايه اللي في العربية ؟؟؟؟؟؟؟
لو فعلا محتاج كل ده يبقي تسقط متور جديد عندك آفضل ولو عربيتك الباور والتكييف والفتيس حلتهم كويسه مافيش منهم مشاكل يبقي تسقط ماكينة من غير فتيس ولا اكسسوارات وعلي نفس الكنترول والضفيرة اللي عندك لو حالتهم كويسه هتبقي التكلفة اقل بكتييييييير من العك ده وأضمن بنسبة كبيرة عن شغل الميكانيكية النص كم ده
ده رأيي الشخصي
والله الموفق

[waelms3]

انا حقولك على اسعار قلى اعرفها مع انى مؤيد رأى استاذ ايهاب بس انا مجبتش ده كله وكان امر واقع لان الموتور اتفك

بس يا باشا 1 - طقم صباب ب 300 جنية

جوان وش سلندر ب 50جنية

اولسية صباب ب 15 جنيه

سير كاتينة ب 60 جنية

[amr_paolo]

فعلاً أنا مع رأي استاذ ايهاب
تسقط ماكينة أفضل

[bazooooka78]

شكرا يا رجالة انا فعلا جبت موتور جديد احسن ..

متشكر على اهتمامكم بالموضوع

[ehab_mansour]

شكرا يا رجالة انا فعلا جبت موتور جديد احسن ..

متشكر على اهتمامكم بالموضوع

ايه أخبار الأسعار والتفاصيل ؟؟؟؟

[waelms3]

بكام يا باشا

يا ريت يا باشا تقولنا جبته بكام و منين و تفاصيل التركيب و كام سى سى للفائدة للكل