سؤال عن علبة البيئة فى الشكمان ibiza 2002

[aernasa]

معايا ibiza 2002 و كان عندى مشكلة فى الشكمان روحت عند واحد بتلع شكمانات وكانت المشكلة فى علبة البيئة وغيرتها بواحده تانية بتاعة نوبيرا والصوت تمام بس فى خشونة بسيطة فى صوت الموتور مش ناعم ده فى الأول وبعد ين يبقى ناعم على طول وكمان عند السرعات العالية أثناء طلوع المطبات بيكون فى صوت خشن بحس بيه فى الطارة مش عارف ده إيه ده ممكن من الشكمان ملامس جسم العربية من تحت ولا من بلي العجل ؟؟ هو ممكن أغير علبة البيئة باى واحدة ولا لازم علبة بيئة بتاعة العربية أرجو المساعدة شكرا ....عبد الرحمن

[golfman]

ممكن يكون العلبه
او الشكمان مش معدول من تحت انا برده كان عندى المشكله ديه
لمه اقرص على الغيار اسمع صوت خشونه
بس الشكمان عاوزا يتربط من تحت كويس

[aernasa]

where is your replays

[ehab_mansour]

السلام عليكم أستاذ عبد الرحمن

أولا هي علبة البيئة اللي حضرتك ركبتها دي كانت بكام وليه بتاعت النوبيرا ؟
ثانيا ايه الصوت الخشن اللي بتسمعه وامتي بيحصل ياريت يكون كلامك في نقط عشان يكون مفصل و والأمور تكون مفهومة؟
ثالثا ايه علاقة علبة البيئة ببلي العجل وطلوع المطبات ؟

رجاء جزاك الله خيرا تفصيل المشكلة اللي عندك عشان اللي يجاوب يقدر يفهم كويس وبالتالي لما يجاوبك يجاوب صح
وشكرا

[aernasa]

أولا انا ركبت أى علبة بيئة و كانت عامله 300 جنيه و طلعت بتاعة نوبيرا لما سألت عليها
ثانيا بالنسبة لصوت هو صوت العربية مفش فيه أى حاجه بس لما بسيب رجلى من على البنزين صوت العربية بيكون عامل زى صوت رنين وخشن بس ده لما غيرت العلبة

[aernasa]

هو فى سؤال هو ممكن اركب أى علبة بيئة و خلاص ولو فى أروح فين علشان أعمل الشكمان ؟؟؟؟

[ehab_mansour]

بخصوص علبة البيئة اللي انت ركبتها دي فهي بتسمي رنان وليست علبة بيئة فعلا ووظيفتها فقط تحسين الصوت وتقليل ضغط العادم قليلا ولكن للأسف هي بتخلي الصوت للأسوء لأني ركبتها مع شكمان كامل لعربية زوج اختي النوبيرا وهي العاملة صوت غبي زي اللي انت بتقوله لكن عندنا بتعمل صوت عند السحب أيضا

علي العموم لو عايز تظبط الشكمان صح انا رديت عليك في المشاركة الأخري بالمكان المناسب وربنا يوفق واي خدمه تحت أمرك

[aernasa]

شكرا على المساعدة م/ إيهاب