الشبكة و الرموش ... ابيزا 99

[banky]

السلام عليكم و رحمة الله و بركاتة


انا عايز اجيب الشبكة السلك دى و الرمش دى بردة ... منين و بكام ؟؟ بس يكون فى مدينة نصر .. و شكرا

[Adham]

بتشيل الريش (الهوايات) اللي في نص الشبكة و يتم تركيب سلك (موجود عند بتوع الالوميتال) و الرموش دي بتتعمل عند حد بتاع فايبر

[banky]

ماتعرفش يبقى سعرهم كام ؟؟

[Adham]

كلام فارغ

يعني رمش الفانوس ب 20-30 جنية مثلا

و الشبكة برضة سهلة لان حاتشيل الهوايات و تجيب سلك و يتحط و يتصب وراة فايبر يمسكة في الشبكة من جوة

يعني كلها على بعضها كبيرها 100 جنية

و حاتوديهم لبتاع دوكو يرشهم لون العربية بعد كدة

[banky]

شكرا يا استاذ ادهم

[ehab_mansour]

بالضبط كده زي ما قلك الأستاذ أدهم وممكن الشبكة تعملها انت تشتري سلك حديد او بلاستيك بنفس التشكيل اللي قدامك ده وهو موجود ومتوفر وتفك الشبكة وتشيل الريش اللي في النص اللي بتركب عليها العلامة وتثبت السلك بأي حاجه تعجبك او اي طريقة وبس وترشها وخلاص
والرموش تشتريها وبس

[banky]

تمام يا استاذ ايهاب بس هى عند بتاع الألوميتال ولا فى حد تانى

[ehab_mansour]

الشبكة دي عبارة عن سلك فيه منه حديد ومنه المونيوم هتروح عند اي حد بيبيع حدايد وبويات هتلاقي طلبك عنده ان شاء الله وعلي فكرة فيه من الشبكة دي بلاستيك أيضا وهتلاقيها عندهم أيضا وهما بيستخدموها في التركيب علي الشبابيك لمنع دخول الحشرات والكائنات الغريبة.... هههههههه
ربنا يوفقك وفكر وحاول تنفذ وانت هتعمل الموضوع بتكلفة بسيطة جدا جدا ان شاء الله

[banky]

ان شاء الله و الف شكر ليك يا استاذ ايهاب ... و اول ما اعمل الموضوع ده هاقول اللى حصل علشان كلنا نستفيد ...

[ahmedtunning]

السلام عليكم و رحمة الله و بركاتة


انا عايز اجيب الشبكة السلك دى و الرمش دى بردة ... منين و بكام ؟؟ بس يكون فى مدينة نصر .. و شكرا

انا ممكن اعملك الرمشين و اساعك في عمل الشبكة انا عملت رمشين قبل كدا لنوبيرا 2 ( فيبر )

[magyver]

الرمشين دول مكن يتعملة استيكر
والشبكة زي ماقاالولك