ملاحظات علي Ibiza 2010 بعد سواقة 3 أيام

[harban]

السلام عليكم، الحمدلله ربنا وفقني في Ibiza 2010 ، اشترتها مؤخراً
العربية أكثر من رائعة. سبات ممتاز، موتور قوي جداً والفتيس ال DSG - الأداء بتاعه ناعم جداً
عايز اشكر John_Samy_1 على المساعدة فإختيار العربية دي
أنا بس سامع صوتين مش عجبني خالص، صوت ذي صفارة هوا خفيف جداً مع كل مطب خارج من العجلة الشمال، " يا رب استر و مايكونش المساعد خفيف من أولها كدة"
الصوت التاني، حاجة كدة ذي دربكا لما اشغل التكييف على السرعة الهادية "سلنسيه"
إنت فين يا جون تسمع الأصوات دي !
لو حد يطمني ، يكون كتر خيركم

[Sherlock]

الف الف مبروك , خطوه موفقه =)

هو أكيد جون مش هيسمع أي اصوات علشان صوت الكاسيت العالي ههههههه , بس حقيقه انا سقت العربيه مرات كتيره على طريق الاسكندريه و ايضا داخل المدينه و مكانش فى أي اصوات سواء صفاره او دربكه قادمه من أي مكان , حتى أنا كنت مرات كثيره اضغط على العربيه سواء على مطب او اخد منحني بسرعه عاليه ودوران مخيف و دائما كانت السياره مقنعه الى حد كبير .

التكييف على المستوي الاول صوته تقريبا مش مسموع ومفيش اي دربكه اطلاقا , انت اخدت الضمان من مركز الصيانه ولا لسه ؟ ياريت تخليهم يشوفوا العربيه .

انا بالفعل ركبت سيارات جديده خاصه بأصحابي و كانت فى بعض العيوب الصغيره تحدث , و كان حلها بسيط جدا بزياره للتوكيل و احيانا كانت العيوب تنتهي بعد اول 100 كيلو بالعربيه , و اغلبها كان شكوك من اصوات " شئ طبيعي لأي حد بيشتري عربيه زيرو " بيبقي مركز قوي فى أى صوت .

[Mohamed.Ramah]

الف مبروك وان شاء الله خير ممكن تشوف الموضوع فى التوكيل وباذن الله يتحل

[Eng_Moh.Dewair]

الف مبروك يا باشا حضرتك اشتريتها منين ؟

[John_Samy_1]

ألف مبروك يا باشا ربنا يباركلك فيها. أنا معلش اليومين دول مزنوق حبتين بس إن شاء الله تخلص الزنقة علي خير
صوت الصفارة ده زي صوت تسريب هوا أنا كنت قلقان منه جدا في الأول بس بعدين عرفت إنه صوت الرافعة الهايدروليك اللي جوه المساعدين الماكفرسن الامامي الصوت ده طبيعي وموجود في الشمال واليمين بس حضرتك مش بتسمع اليمين.
صوت الدربكة ده مش طبيعي بس أنا هقول لحضرتك علي الاصوات اللي المفروض تسمعها. وإنت علي السيلانسية ومشغل التكيف بدون زرار غلق ديرة الهو المروحة بيكون صوتها مش مسموع علي 1 وعلي 2 تبتدي تلاحظه بعد شوية الصوت بيتقل ده بيكون صوت مروحة تبريد الموتور عشان التكيف بيعلي حرارة الموتور جامد خصوصا وانت واقف ( سيلانسية ) بس متقلقش. وعلي فكرة تبريد العربية جبار أنت استحالة تنزل بعد أي مشوار وتحط ايدك علي الكبوت وتلاقيه سخن أبدًا.
لو صوت الدربكة ده فيه حاجات بتخبط في بعض أو أي حاجة غير اللي أنا وصفتهلك عليك وعلي التوكيل يطمنوك.
إن شاء الله خير
ربنا يباركلك في العربية وشكرا جدا علي ذوقك. بس بالراحة العربية ديه جراية جدا وسهل جدا تطلع من أي حاجة فخلي بالك من نفسك.

[John_Samy_1]

الف الف مبروك , خطوه موفقه =)

هو أكيد جون مش هيسمع أي اصوات علشان صوت الكاسيت العالي ههههههه , بس حقيقه انا سقت العربيه مرات كتيره على طريق الاسكندريه و ايضا داخل المدينه و مكانش فى أي اصوات سواء صفاره او دربكه قادمه من أي مكان , حتى أنا كنت مرات كثيره اضغط على العربيه سواء على مطب او اخد منحني بسرعه عاليه ودوران مخيف و دائما كانت السياره مقنعه الى حد كبير .

التكييف على المستوي الاول صوته تقريبا مش مسموع ومفيش اي دربكه اطلاقا , انت اخدت الضمان من مركز الصيانه ولا لسه ؟ ياريت تخليهم يشوفوا العربيه .

انا بالفعل ركبت سيارات جديده خاصه بأصحابي و كانت فى بعض العيوب الصغيره تحدث , و كان حلها بسيط جدا بزياره للتوكيل و احيانا كانت العيوب تنتهي بعد اول 100 كيلو بالعربيه , و اغلبها كان شكوك من اصوات " شئ طبيعي لأي حد بيشتري عربيه زيرو " بيبقي مركز قوي فى أى صوت .

عامل إيه يا باشا ؟

[Sherlock]

عامل إيه يا باشا ؟

الحمد لله رب العالمين , يا سلام عليك يا جون بتجيب من الأخر .
بس أنا فعلا ولا مره سمعت الصوت ده , ممكن علشان مش عربيتي , الصوت المفزع شويه هو صوت الموتور على الوضع الرياضي , أنا عندي الصوت أخف شويه .

[harban]

الف مبروك يا باشا حضرتك اشتريتها منين ؟

الشركة الهندسية للسيارات ، توكيلها
119.50 جم

[harban]

بالظبط يا جون ، كل الكلام مظبوط 100%
أنا تقريباً سوقت كل الياباني، الكوري بكل فئاته، أنا ماشفتش نعومة ولا أداء أقوى من الموجود فالعربية دي
ونا كنت فاكر نفسي بشد بال corolla ولا Cerato ، أتاري ال Ibiza ، "أطعني يا معلم"
نصيحة لوجه الله ، بلاش التانية إللي في حدود نفس السعر ، جرب الأوروبي و قرر
شكراً جزيلا يا جون