ابيزا 94 مخنوقة قويييييي..

[youssefazmi]

احلى شباب سيتاوية ..مبسوط انى انضم ليكو مؤخرا ..اشتريت ابيزا 94 GLX والمفروض الحالة كويسة وعملت السيرفيس المبدئى بس ملاحظ حاجات غريبة اولا rpm ساعات بيعلى لحد 20 ويعلق وبعدين يرجع طبيعى ..ثانيا العربية مخنوقة قوى وعلى التانى صوت الموتور بيعلى مع انى موصلتش 40 كم ....جربت اطلع على الطوالى وجبت الخامس لقيت صوت جديد زى ونة كدة على الخامس بسسس !!!!!
هل العربية لازم تروح كهربائى يضبطها ولا هية مضبوطة ولا عشان كانت استخدام سيدة العربية مخنوقة قوى كدة مع العلم انى مغير كل الفلاتر ...ويومكو زى الفل

[ahmedtunning]

حاول تفتح الموتور وتقرص علي العربية شوية و خصوصا في الطرق المفتوحة
وشوف لون الزيت بتاع العربية كل يوم لو لاقيت غامق اووي ( بني تقيل غامق )
بص بقي تعمل ايه هاتروح اي بنزينة تعاون و تغير زيت وتحط زيت تعاون تمشي عليه حوالي 400 كيلو بس و بعد كدا تغير زيت تاني للزيت اللي انت كنت بتحطه الموضوع ده ليه زيت التعاون اولا رخيص يعني مش خسارة جامدة ثانيا و ده المهم بيلم كل الشوائب اللي في الموتور لانه تقيل شوية وربنا يفيدك ان شاء الله اكتر مني و ده علي حد علمي لان عربيتي كنت بتعمل كده بردوا

[youssefazmi]

حاول تفتح الموتور وتقرص علي العربية شوية و خصوصا في الطرق المفتوحة
وشوف لون الزيت بتاع العربية كل يوم لو لاقيت غامق اووي ( بني تقيل غامق )
بص بقي تعمل ايه هاتروح اي بنزينة تعاون و تغير زيت وتحط زيت تعاون تمشي عليه حوالي 400 كيلو بس و بعد كدا تغير زيت تاني للزيت اللي انت كنت بتحطه الموضوع ده ليه زيت التعاون اولا رخيص يعني مش خسارة جامدة ثانيا و ده المهم بيلم كل الشوائب اللي في الموتور لانه تقيل شوية وربنا يفيدك ان شاء الله اكتر مني و ده علي حد علمي لان عربيتي كنت بتعمل كده بردوا

صباحك فل يا باشا معنى كلامك ان ممكن وساخة الزيت تأثر على السحب..انا غيرت فلتر زيت برضة واعتقد دة هيلم الوساخة الموجودة..وادينا هنشوف بس موضوع صوت الخامس دة غريب ومقلق منة قوى .

[ahmedtunning]

صوت زي ايه ؟؟؟؟
بس غير الزيت و الفلتر مع بعض

[youssefazmi]

صوت زي ايه ؟؟؟؟
بس غير الزيت و الفلتر مع بعض

صوت زى زنة دينامو او سير يمكن تسمعها فى العربيات القديمة 1100 مثلا ...مش عارف اوصفها قوى وبالنسبة للزيت انا فعلا غيرتة مع الفلتر ...

[behman]

متــــــابـــــــع

[youssefazmi]

يا خبراء الابيزا

هل العربية دى ليها ضبطة كهربا مثلا؟؟؟ هل طبيعى الار بى ام يعلى ويمسك على 20 شوية وتانى يوم يرجع عادى على 10 ؟؟؟

[ahmedtunning]

هي ديه حاجة مش عادية بس الحقيقة انا مش عارف هو ايه ده بالظبط بس ده تقريبا كهرباء
كشفت علي البوجيهات ؟؟؟

[youssefazmi]

هي ديه حاجة مش عادية بس الحقيقة انا مش عارف هو ايه ده بالظبط بس ده تقريبا كهرباء
كشفت علي البوجيهات ؟؟؟

انا اصلا مغيرهم مع السيرفس .

[ahmedtunning]

ممممممممممم
مش عارف بالظبط والله يامان مش عارف ان شاء الله تلاقي حد يفدنا

[windofchange]

طبعا ليها ظبط كهربا وال rpm المفروض اقل من 1 بشويه والونة دي اعتقد والله اعلم ويارب تكون من بليه الدبرياج وتروح لما تدوس دبرياج وانت واقف صح؟ تابع المياه اهم شيء لان ال rpm 2 ده مش كويس ويسخن المكنة وانت واقف والله اعلم

[egman]

سيدى الفاضل اسمح لى بان انقل لك تجربتى العمليه انا سيارتى نفس موديل سيارتك .

وكنت لما بمشي بيها على الخامس كان بيبقى فيه صوت ونة فعلا وده سببه ان معظم الجرى الطوالى والسفر بيكون على الخامس مع الوقت بيحصل تاكل فى الترس ده وبتسمع الونة انا عالجتها كالتالى :

انى غيرت الفتيس بواحد استيراد وكل بقى زي الفل خصوصا ان كان عندى صوت خبط واان بنقل الغيرات وطلع ان حلة الفتيس كان فيها كسر ولما الفتيس اتغير كله بقى تمام الحمد لله فلو انت حضرتك النقل والمرشدير عندك تمام ومفيش فيهم اى صوت ولا تخبيط تعايش مع الوضع لانه عادى جدا لكن لو تعبان وقلقان من الصوت ده غيره احسنلك بس لازم عند ناس خبره جامده ولو عايز تعرف تفاصيل اكتر ممكن تبعتلى على الخاص رقمك وانا اكلمك اقولك تعمل اية لو حبيت تغير وتروح لمين .... اخوك حسين الصواف

[tawfeek]

أنا كماان معايا ابيزا 94 و صوتها عالى فعلا و قبل ال40 لازم تالت و قبل 60 لازم رابع.................
أنا بحوط زيت تعاون على طول ممكن ده يكون السبب؟؟؟؟؟؟؟؟؟

[youssefazmi]

طبعا ليها ظبط كهربا وال rpm المفروض اقل من 1 بشويه والونة دي اعتقد والله اعلم ويارب تكون من بليه الدبرياج وتروح لما تدوس دبرياج وانت واقف صح؟ تابع المياه اهم شيء لان ال rpm 2 ده مش كويس ويسخن المكنة وانت واقف والله اعلم

طيب هية ضبطة دلوقتى على ار بى ام 1 هل برضة اروح كهربائى يضبطها اقل من 1 ؟؟ مع العلم انها بتاكل بنزين بشكل كبير يعنى مش جايبة 160 فى الصيحة !!!!!! مع ان معايا جولف 1600 جايبة 200 كيلو وسط البلد !!!!!

[youssefazmi]

سيدى الفاضل اسمح لى بان انقل لك تجربتى العمليه انا سيارتى نفس موديل سيارتك .

وكنت لما بمشي بيها على الخامس كان بيبقى فيه صوت ونة فعلا وده سببه ان معظم الجرى الطوالى والسفر بيكون على الخامس مع الوقت بيحصل تاكل فى الترس ده وبتسمع الونة انا عالجتها كالتالى :

انى غيرت الفتيس بواحد استيراد وكل بقى زي الفل خصوصا ان كان عندى صوت خبط واان بنقل الغيرات وطلع ان حلة الفتيس كان فيها كسر ولما الفتيس اتغير كله بقى تمام الحمد لله فلو انت حضرتك النقل والمرشدير عندك تمام ومفيش فيهم اى صوت ولا تخبيط تعايش مع الوضع لانه عادى جدا لكن لو تعبان وقلقان من الصوت ده غيره احسنلك بس لازم عند ناس خبره جامده ولو عايز تعرف تفاصيل اكتر ممكن تبعتلى على الخاص رقمك وانا اكلمك اقولك تعمل اية لو حبيت تغير وتروح لمين .... اخوك حسين الصواف

شكرا على ردك المفيد يا باشا بس العربية دى المفروض انها مسافرتش كتير وبعدين الفتيس الالمانى المفروض ميشكيش من السفر على الخامس خالص ولا بعد 200000 كيلو !!! بصراحة تغيير فتيس شىء كبير بس اية رايك هل ممكن يكون بلية دبرياج برضة ؟؟؟