ياريت حد يقدر يساعدنى

[ahmmedbingo]

قررت اشترى عربيه مستعمله وبعد المفاضله قررت ان شاء الله انى اجيب سيات ابيزا وبعد البحث على النت لقيت اكثر من عربيه فى مستوى المبلغ اللى معايا.

مشكلتى ان خبرتى فى العربيات صفر ومش عارف اكشف على العربيات دى ازاى وخايف جدا فكرت اجيب ميكانيكى يكشف لكن مليش اى علاقة بالميكانيكيه ومش عارف اعمل اية بجد انا قريت فى المنتدى هنا موضوع ازاى تشترى عربية مستعملة بمفردك...... (للمبتدئين) لكن الموضوع خلانى اخاف اكتر لانى مش هعرف اعمل اللى فيه لوحدى لخبرتى القليله بالعربيات لو فى حد هنا يقدر يساعدنى بأى طريقة اكون شااااااااااااااكر لية جدااااااااااااااااااا

[M.Alaa92]

ممكن حد من الاقارب يكون عندو عربية و اكيد بيتعامل مع ميكانيكى فتروح مع قريبك و تتعرف علية و يجى معاك يكشف على العربية و السمكرى و البوهيجى ( اللى بيرش العربية ) و كل دة طبعا بالفلوس طب حتقولى كل ما اشوف عربية اجيب الكتيبة دى ده انا على كدة حغرم اكتر من تمن العربية حقولك لأ انت تشوف العربية و توصل لاخر سعرها( على حسب العيوب اللى البايع قايلها ده لو قال) و بعد كدة تتصل بالميانيكى لو قاللك تمام يبقى باقى الكتيبة تيجى لو لأ مالهاش لازمة الكتيبة تيجى و تعرف لو فى شغل فى العربية يتكلف كام و تحاول تخصم على قد ما تقدر من تمن العربية و ربن يكرمك بعربية نضيفة اه نسيت لو عايز تعرف سعر اى عربية اكتب رد بمواصفات العربية بالكامل فى الموضوع ده و ان شاء الله يرد عليك

http://www.nilemotors.net/Nile/163941-a.html

[ahmmedbingo]

شكرا جدا لمساعدتك

[mohamed_rhem]

يفضل الكشف عليها في احد المراكز المتخصصة عند الاتفاق علي كل شيء

[ahmmedbingo]

شكرا لكل اللى شرفنى بالرد والمساعدة

[egytamer]

اولا الف مبروك مقدما وربنا يوفقك
ثانيا في طريقتين للكشف علي العربية وحاول متجربش حاجة ثالثة علشان متندمش ودا من واحد مجرب
اول طريقة تروح مركز متخصص في العربيات السيات ودة هيكون مكلف شوية بس طبعا هيديلك تقرير مفصل عن العربية.
تاني طريقة ميكانيكي متخصص ولازم يكون متخصص سيات لانو هيكون عارف خبايا العربية بحكم شغلو فيها وعارف اية سوري في اللفظ الخوازيق الي بتبقي في كل موديل فخش قسم سيات وشوف ميكانيكي يكون ناس جربتو وبتشكر فية ورحلو واطلب من اي عضو جدع انو يجي معاك لو يعرف الميكانيكي.
نصيحة متروحش لميكانيكي مش متخصص سيات حتي لو كان طول عمرو بيشتغل في المرسيدس والبي ام لانو مش عارف خبايا العربية والسيات قطع غيارها غالية فبلاش تلبس نفسك في الحيطة انتا لسة فلوسك في جيبك وربنا يوفقك.

[ahmmedbingo]

اولا الف مبروك مقدما وربنا يوفقك
ثانيا في طريقتين للكشف علي العربية وحاول متجربش حاجة ثالثة علشان متندمش ودا من واحد مجرب
اول طريقة تروح مركز متخصص في العربيات السيات ودة هيكون مكلف شوية بس طبعا هيديلك تقرير مفصل عن العربية.
تاني طريقة ميكانيكي متخصص ولازم يكون متخصص سيات لانو هيكون عارف خبايا العربية بحكم شغلو فيها وعارف اية سوري في اللفظ الخوازيق الي بتبقي في كل موديل فخش قسم سيات وشوف ميكانيكي يكون ناس جربتو وبتشكر فية ورحلو واطلب من اي عضو جدع انو يجي معاك لو يعرف الميكانيكي.
نصيحة متروحش لميكانيكي مش متخصص سيات حتي لو كان طول عمرو بيشتغل في المرسيدس والبي ام لانو مش عارف خبايا العربية والسيات قطع غيارها غالية فبلاش تلبس نفسك في الحيطة انتا لسة فلوسك في جيبك وربنا يوفقك.

شكرا جدا ليك