ارجوكم مساعدة فى الار بى ام فقط ال 1000 سىسى

[alzelafy]

ابيزا 98 موتور ال 1000 العربيه مخنزقه و حاسس انها مبقتش بتجرى و الفيات ال 128 بتسبقنى و حتى السرعه مبتعديش 100 ..... عموما الار بى ام بيكون على 3 و السرعه 90 هل دا طبيعى و طبعا الخامس ارجوكم حد يقارن بعربيتو عشان اعرف العيب

[yoko]

لو بتكبس بنزين مرة واحده الrpm يعلى والعربيه متجريش يبقى إسطوانة لو مكنش كده شيك على الكهربى خصوصا البوجيهات

[ehab_mansour]

السلام عليكم
ايه أخر الصيانات اللي انت علمتها للعربية وحالة المحرك ايه ؟
لو عندك السحب مش طبيعي مع الأر بي ام ومع نسب الغيارات يبقي ديسك واسطوانه !!
علي العموم اكتب تفصيل للحالة عندك وربنا يوفق

[alzelafy]

انا مغيرتش البوجيهات من زمان هل دة ممكن ياثر على السحب و السرعه ؟؟؟ و بالنسبه للديسك و الاسطوانه العربيه بتطلع معايا المطالع عادى جدا بدون اى مجهود حتى و هى شايله 5 افراد بس السحب هو اللى ضعيف و السرعه كمان حاسس انها مش طبيعيه ازاى تكون على الخامس و السرعه 90 و الار بى ام على 3 عموما الفيصل ان اى زميل لو بيسافر يقيس الار بى ام مع السرعه هو دة اللى هيعرفنى و لكم جزيل الشكر

[windofchange]

انت مريح العربية اووي عالغيارات دي تفسيري خصوصا لو بتشد يبقي تبقي عالتالت او الرابع وتجيب ال100 بس متجيش في الرد زون اللي هي المنطقة الحمراء فال rpm الخامس وتسعين يبقي دي سواقة اقتصادية مش رياضية شد وكده والله اعلم ده اللي فهمته وبرده قلنا الاول مستريح بيجيب كام علي ار بي ام كام والتاني والتالت وهكذا عشان نشوف دي اسطوانة وديسك ولا لأ

[alzelafy]

مباخدش بالى من الاول و التانى بس الثالت 60 اخرة بحس ان الموتور بيجر عربيه نقل وراة صوت عالى و ار بى ام 3 و صوت عالى و الرابع من 60 ل 80 و بحس انو اتخنق و معتش مدى جرى فبدى الخامس بيريح الموتور و بيوصل لسرعه 95 و الار بى ام على 3 و لو دوست اكتر من كدة بحس انى بهين فى الموتور اوى بس بيجيب لو حبيت ازود ؟؟؟؟ من 6 شهور تقريبا كانت سرعه ال 120 سهله العربيه بتجبها عادى بسهوله زى اى عربيه و بسرعه لكن الوقتى كانى شادد ورايا عربيه نقل ؟؟؟؟؟ ملحوظه فلتر البنزين مغيرتوش من 6 شهور ممكن هو السبب و كذلك البوجيهات ؟؟؟؟؟؟؟؟؟

[elmkaneeki]

دورة البنزين والكهربا وفلتر الهواء

[windofchange]

دورة البنزين والكهربا وفلتر الهواء

تعمل دورة صيلنة عند الميكانيكي المحترم وبعدين فالاخر ممكن تخليه يكشف عالاسطوانة والديسك احتمال يكون محتاجين يتغيروا اذا كان التالت اخره 60 وهو المفروض بيجيب 80 وعموما لو محتاج قطع غيار ليها انا عندي عفشة وفتيس واسطوانة وديسك وعصاية غيارات وردياتير لأني سقطت مكنة تانية بحاجاتها والحاجات طالعة من عندي زي الفل والله واسعار اقل من السوق راسلني عالخاص او اتصل بي 0105683531 ايهاب