استهلاك البنزين

[matrix012]

السلام عليكم ورحمة الله وبركاته
معلش انا لسه جديد فى السيات بس ليا استفسار
انا لسه جايب ابيزا 1994 وكانت بطلع دخان اسود من الشكمان روحت للمكانيكى ( سيد عبدو - الى بعد كبرى التجنيد ) وغير الكربراتير والحمد لله موضوع الدخان الاسود اتحل ومبقتش تطلع اى دخان
المهم دلوقتى انها بتستهلك بنزين كتير قوى قوى قوى
ممكن تدلونى على الحل

[matrix012]

نسيت كمان مشكله ان عداد البنزين مش شغال وبردو مش عارف اعمل ايه روحت ل كهربائى بس شكلو كبابجى قالى غير العداد وعصاية الرعاش وحبة حاجات كده وفى الاخر قالى تعالى يوم بالنهار علشان اقدر اشتغلك فيها
وعلى ما اسمع ان المفروض ان الكهربائى بيلمس ارضى للعداد تقوم الطرمبه بتاعت البنزين تشتغل والله اعلم بردو
افيدونى افادكم الله وربنا يستر طريقكم

[ehab_mansour]

أولا حضرتك تشغل مؤشر البنزين وبعدين تحسب بتعمل كام كيلومتر في التفويلة مثلا ال 40 لتر وعلي اساس كده هنعرف الاستهلاك مناسب ولا لأ وبعدين نحاول نحل المشكلة لو موجوده
ثانيا مؤشر البنزين كهربته واصلة من عوامة البنزين اللي في التنك الي علبة الفيوزات ومنها الي العدادات قدامك ومالهوش علاقة بطلمبة البنزبن أساسا علشان لما تروح لكهربائي تعرف تتكلم معاه ومش اي كلام يقوله يبقي صح لأن معظمهم لا يفقهو اي شيء وحاول تدور علي واحد فاهم يحل لك المشكلة
وربنا يوفقك

[matrix012]

كلامك صح تسلم يا باشا على الرد