فين مكان فلتر البنزين فى ال 98

[alzelafy]

دورت عليه فى كل حته مش لاقيه جمب الطرنبه و جنب المتور و تحت العربيه و فى الشنطه مش فاضل غير الابواب ؟؟؟؟ ممكن يكون فى الباب ؟؟؟؟ نتوقع اى حاجه من الالمان

[batros]

يا استاذ زلفى :

انت مدورتش تحت العربية كويس عشان هو تحت العربية من ناحية الشنطة بس للاسف مش فاكر يمين ولا شمال بس على ما اذن يمين والله اعلم ..... بس انا متاكد من حته انه تحت الشنطة بجانب عجلة من العجلتين الخلفيين

[ehab_mansour]

حضرتك جيب دواسة العربية وافردها تحت منتصف عرض السيارة من الخلف تحت الشنطة ونام تحت العربية رجليك لبره هتلاقيه فوق دماغك بالضبط علي بعد نصف متر تقريبا او اكثر من الاكصدام الخلفي
تحت العربية هتلاقي المكان اللي بيسقط فيه الاستبن وبعديه علطول التانك هو في الجزء اللي بينهم بالضبط لأني اخر مرة انا اللي مغيره بنفسي وخلي بالك وانت بتغيره تضغط كويس علي الكلبسات اللي علي المواسير اللي داخله له وخارجه منه عشان ما يتكسرش وربنا يوفقك

[amr_paolo]

مشكووور يا باشا على الافادة

[alzelafy]

شاكرين الافضال يا بشوات الابيزا

[matrix012]

انا كمان بدور عليه فى ابيزا 1994 ومش لاقيه لو حد عارف يقولى

[ehab_mansour]

ودي صورة لقيتها عندي في الكاتالوج بتوضح مكان الفلتر أسفل السيارة وهو رقم 4 في الصورة الثانية وده طبعا في ال 98

[kete]

الفلتر كما قال بالضبط الاستاذ \\ ايهاب منصور ولكن خد بالك انا الكوليه اللى رابطه ان لم يتغير من قبل فلازم تضغط على جانبى الكوليه ؟ هايفتح معاك ثم تشد الفلتر بحرص والفلتر المونيا وطوله حوالى 15 سم تقريبا وتحت أمرك لاى استفسار أخر فى الابيزا عندى بعض المعلومات عنها \\ والسلام عليكم ورحمه الله وبركاته