مساعدين الشنطه باظو ؟؟؟

[alzelafy]

بلا مقدمات كنت بجيب طلبات للبيت و حطيت الاكياس فى الشنطه ووصلت البيت و بفتح الشنطه لاقيتها بتنزل لواحدها و مش عايزة تقف دا يبقى المساعدين و يا ترى بييجو جداد و لا استيراد و بكام

[ahmedsamy]

متابع.......

[MohssenRashed]

انا كمان متابع عشان عندي كدة برضو في الالتو

[matrix012]

بص يا باشا انا خبرتى قليله فى الموضوع ده بس هوا لما حصل معايا وحسيت ان اى طوبه فى الشارع كأنها مطب جامد قوى والعربيه بتترج منها روحت للمكانيكى وقالى المساعدين ماتو ونصحنى ان اجيب مساعدين جداد برازيلى وجبت بطاحاط كمان عملو حوالى 400 جنيه ومصناعيه حوالى 50 جنيه والحمد لله العربيه رجعت زى الفل
انا عن نفسى بروح لمكانيكى اسمو سيد عبدو فى شارع جسر السويس قبل كبرى التجنيد
بيشوف العربيه وبيقولك من الاخر على العيب مش بيفتكس وربنا يكرم

[ehab_mansour]

مساعدين الشنطة انا لسه مغيرهم وهما موجودين جديد وأعتقد انك مش هتلاقيهم استيراد ولو لقيتهم صعب تكون حالتهم كويسه لأنهم بيبوظو مع مرور الوقت لأن الغاز المضغوط جواهم بيفضي بسبب كثرة الاستعمال وتلف الجوانات بتاعته من التراب
انا شاريهم الاتنين جديد ب 90 جنيه تركي ويوجد أخر ألماني تقريبا كان ب 140 الاتنين
انا ركبت التركي وشغالين كويس ولكن أنشف بكتير من الأصلي و كان صعب شوية في قفل الشنطة في الأول وكان لازم تضغط عليها شوية مع ثقل الشنطة ولكن دلوقتي بقي أخف قليلا مع الاستعمال ولكن مش زي الأصلي برضه حتي الأن بقاله حوالي ثلاث شهور مغيره

وخلي بالك لما تركبهم اوعي تحط عليهم شحم او اي مادة تزييت لأن ده اللي بوظ الاتنين الأصليين القدام عندي مجرد اني نظفتهم من التراب المتكون علي الجوان وشحمت العمود بتاعه بشحم خفيف جدا تاني يوم الصبح لقيتهم في في الأرض ومش شايلين الشنطة

[ehab_mansour]

بص يا باشا انا خبرتى قليله فى الموضوع ده بس هوا لما حصل معايا وحسيت ان اى طوبه فى الشارع كأنها مطب جامد قوى والعربيه بتترج منها روحت للمكانيكى وقالى المساعدين ماتو ونصحنى ان اجيب مساعدين جداد برازيلى وجبت بطاحاط كمان عملو حوالى 400 جنيه ومصناعيه حوالى 50 جنيه والحمد لله العربيه رجعت زى الفل
انا عن نفسى بروح لمكانيكى اسمو سيد عبدو فى شارع جسر السويس قبل كبرى التجنيد
بيشوف العربيه وبيقولك من الاخر على العيب مش بيفتكس وربنا يكرم

بالتوفيق يا باشا ولكن انت تقصد المساعدين الخلفية اللي شايله العربية نفسها وصاحب الموضوع يقصد الاتنين المساعدين الصغيرين اللي بيشيلو باب الشنطة

[ahmedsamy]

مساعدين الشنطة انا لسه مغيرهم وهما موجودين جديد وأعتقد انك مش هتلاقيهم استيراد ولو لقيتهم صعب تكون حالتهم كويسه لأنهم بيبوظو مع مرور الوقت لأن الغاز المضغوط جواهم بيفضي بسبب كثرة الاستعمال وتلف الجوانات بتاعته من التراب
انا شاريهم الاتنين جديد ب 90 جنيه تركي ويوجد أخر ألماني تقريبا كان ب 140 الاتنين
انا ركبت التركي وشغالين كويس ولكن أنشف بكتير من الأصلي و كان صعب شوية في قفل الشنطة في الأول وكان لازم تضغط عليها شوية مع ثقل الشنطة ولكن دلوقتي بقي أخف قليلا مع الاستعمال ولكن مش زي الأصلي برضه حتي الأن بقاله حوالي ثلاث شهور مغيره

وخلي بالك لما تركبهم اوعي تحط عليهم شحم او اي مادة تزييت لأن ده اللي بوظ الاتنين الأصليين القدام عندي مجرد اني نظفتهم من التراب المتكون علي الجوان وشحمت العمود بتاعه بشحم خفيف جدا تاني يوم الصبح لقيتهم في في الأرض ومش شايلين الشنطة

شكراً يا أستاذ إيهاب