جلبه مقص ابيزا 94

[hossamkamel]

انا دلوقتى كل ما اركب جلب مقص تبوظ بسرعه لدرجه انى ركبتها يوم الجمعه على الاثنين كانت باظت ايه السبب مش عارف بس انا و الهى بشترى اغلى حاجه الجلبه المانى بالزور 45 مكتوب عليها ed مش عارف اعمل ايه فى الجلب ديه هى شكلها مدور لو حد يعرف نوع كويس يقول .

[ehab_mansour]

السلام عليكم أستاذ حسام كيف حالك ؟
أولا بخصوص جلب المقصات عايز أعرف منك هيا باظت ازاي يعني حسيت بايه يدل علي انها باظت ؟
ثانيا انا لسه عامل شغل في العفشة عندي في المنصورة والعفشجي اللي بعمل شغلي عنده جه يفك جلب المقصات اللي كانت راكبه لقاها راكبه غلط يعني الجلبة مفحور علي الكاوتش الداخلي بتاعها سهم بيشير للخارج وفيه علامة زي نوتش كده في جسم المقص نفسه بيكون السهم في اتجاه النوتش ده كده تبقي راكبه صح وهو جه يفك القديمة كان السهم في الاتجاه المعاكس وركب الجديده صح وقلي ده سبب انها بتبوظ بسرعه لكن انا معايا العربية بقالها سنتين و اربع شهور دي اول مرة أعمل شغل في العفشة ولكن فعلا بعد التركيب حسيت بفرق كبير ونعومه في عفشة العربية
انا ركبت جوز جلب مقصات مايلي ألماني شريهم من المنصورة ب 60 جنيه الاتنين وغيرت كمان قاعدة موتور الأمامية ألماني ب 150 جنيه وركبت جوز بيض طرف للتوجيه ب 100 جنيه الاتنين ودول تركي وعليهم ضمان سنة وركبت كمان كوبلن استيراد وده من عند العفشجي وحسبهولي ب 60 جنيه بس بصراحة ممتاز
والشغل ده عمل معايا فرق كبير في العربية في العفشة والتوجيه عندي كان مش مضبوط يعني بتحود شمال ضعف اليمين وده كله اتظبط والحمد لله بقي يمين وشمال زي بعض بالضبط وكان عندي صوت احتكاك خفيف لما الف الدركسيون يمين او شمال كله راح وبقي الركن والتوجيه ممتاااااااااااز والحمد لله
وعربيتي ابيزا 98 لكن اعتقد ان العفشة عندي وعندك واحدة والله اعلم

[alzelafy]

يا ريت تقولنا يا استاز ايهاب جبت جوز بيض الطرف للتوجيه منين فى المنصورة و انا اعرف انهم ب 150 انتا متاكد من السعر دة؟؟؟؟

[ehab_mansour]

يا ريت تقولنا يا استاز ايهاب جبت جوز بيض الطرف للتوجيه منين فى المنصورة و انا اعرف انهم ب 150 انتا متاكد من السعر دة؟؟؟؟

شوف يا أخي الفضل
انا رحت عند مكاوي اللي اتقابلنا انا وانت عنده قبل كده و أقسم لي بالله انه عمره ما خرج الشغل ده بالسعر ده قبل كده وكان عامله خدمه لواحد هو اللي بعتني ليه ولكن اعتقد انك ممكن تاخد بنفس السعر عادي ولو عايز تعمل نفس الشغل روح لنفس الميكانيكي اللي انا عملت عنده وهتاخد شغل عمرك ما عملته في عربيتك قبل كده ومصنعية انا شايفها رخيصة جدا جدا بمقارنة بأي حد تاني

ودي الأسعار لكل حاجه :-
1- قاعدة موتور أمامية ألماني ب 150 وكان فيه نوع تاني ب 110 تقريبا
2- جوز بيض طرف تركي بضمان سنة (للتوجيه) ب 100
3- جوز اتياش داخلي تركي بضمان سنة (للتوجيه) ب 140 (ودول رجعتهم عشان ما نفعوش ومقاسهم كان صغير عن الأصلي وظبط القدام)
4- جوز بيض مقصات مايلي ألماني ب 60 جنيه
والميكانيكي ركب كوبلن استيراد عجبني جدا حتي الأن ب 60 جنيه من عنده هو
اي خدمه