استهلاك البنزين

[matrix012]

انا مش عارف العربيه بتسهلك بنزين كتير ولا ده طبيعى
انا فولت وكان العداد عامل 121648 كيلو وبعد 300 كيلو فولت تانى يعنى العداد عامل 121948 كيلو وطبعا فولت 39 لتر بنزين
من الاخر استهلاك 39 لتر بنزين فى 300 كيلو ده طبيعى ولا كتير . ( اصلى معنديش خبره فى العربيات )
وشكرا

[ehab_mansour]

عربيتك موديل كام والمحرك كام سيسي
المعدل الطبيعي لعربيتي ابيزا 98 1000 سيسي من 280كيلومتر في ال 20 لتر الي 320 كيلومتر في ال 20 لتر كمتوسط استهلاك مع السفر وداخل المدينة (يعني كل في بعضه)
وطبعا استهلاكك ده مش طبيعي نهائيا وحتي لو كانت عربيتك مسقطه ماكينة 1600 سيسي كتيييييييير جدا المعدل ده

[matrix012]

انا معايا ابيزا 94 ماتور 1400 سى سى مع العلم انى مغير طقم سيرفيس كامل ومغير كربراتير كمان
وطبعا الف شكر على الرد

[ehab_mansour]

كده يبقي الاستهلاك عندك عالي جدا ومحتاج تشوف ايه المشكلة و أعتقد ان السبب هيكون عدم ضبط الكاربيراتير طالما انت عملت السيرفيس المطلوب دور وشوف وربنا يعينك عليها