بخصوص كبس الموتور

[egman]

السلام عليكم ورحمة الله وبركاته

1. كنت عايز اعرف احسن مكان اقيس فيه كبس الموتور فين وبكام ؟
   
   
2. اية الى بيحصل بالضبط عند القياس وهل فى حاجة تانى بتتعمل غير الكبس للتاكده من سلامة الموتور ؟
   
   
3. طيب لحد كام قبس الموتور تعتبر حالته كويسة ؟
   
   
4. طيب قياس كبس الموتور اول ما يتم تسقيطه فى حالة انه موتور متسقط ولا بعد اول صيانة للموتور يقاس كبسه ؟

جزاكم الله خيرا ،،،

[windofchange]

لأ اول متسقطه عادي ده اللي اعرفه (بيقيس الكبس وهو فاكك البوجيهات كلها دي الطريقة الص فمبحتجش صيانة للموتور قبل الكبس) وميقلش عن 75% وفي ناس تقول ميقلش عن 70% البنزينة شل شارع دمشق مصرالجديدة ب25 جنيه..........اللي بيحصل عند القياس بيفك كل البوجيهات ولو مفكهمش كلهم قللو لأ الصح تفكهم كلهم بابتسامة كده وخليه يفكهم ويقلك دور وبيركب مقياس كده بخرطوم ففتحة كل بوجيه ودور وانت دايس بنزين للاخر وهكذا ففتحة كل بوجيه وقلله عايز تقرير من مهندس المحطة وممكن تقابله لو عايز بس كده وفي مواضيع للبشمهندسسمير عياد عن كبس الموتور وطرق قياسه لو حبيت تعرف اكتر

[egman]

فين يا باشا المواضيع ده دلنى عليها

وكمان انا كنت اسمع عن كالتكس عباس العقاد هل الكلام ده مظبوط لانها قريبة منى جدا جدا ؟

[windofchange]

انا رحتها وقاللي مفيش كبس لعربيتك هههه ورحت كذا واحدة حواليهل 2 تقريبا وبرده مفهمش قياس كبس