خبر جديد بس لسه مش اكيد

[marmoraiaaa]

الخبر الحلو علشان يارب منتدى السيات ينتعش شويه يارب..

الخبر هوا


يااااا جماعه الابيزا الاستيشن 2011

نازله ايوه نازله و الاهم نازله بمتور tsiو المدهش 1200 سى سى و الاجمل 105 هورس باور...

و الاوحش !!!!! بنزين 95 و المصيبه لو شالوا الدعم حنعيط جنب العربيه .. بس العربيه حلوه .... معلومه هيا نفس كماليات الابيزا العاديه اقصد الاوتوماتيك

الصور و يارب تتطلع علشان اول مره اعمل الحكايه دى اعمل صوره جوه موضوع يعنى!!!

يارب الموضوع يعجبكم .....

[marmoraiaaa]

معلش الصور مش طالعه ..
بس اسهل حل للموضوع ده

كليك يمين على شكل الصوره الى مش طالعه و نختار open image in new tab >> بس كده و حيفتح

[bobo_8000]

رد

بس على ما اظن ان ال95معلهوش دعم اساسن والله اعلم...

[Sherlock]

خبر جميل جدا .

هو حضرتك استاذه مرام في توكيل سيات ؟ كان عندي كام سؤال .

[marmoraiaaa]

لا انا مش شغاله فى توكيل سيات ...

بس انا عرفت الخبر ده فقلت اقوله فى المنتدى عندنا...

[Sherlock]

بنزين 95 مش مشكله , جون بيحط 95 هو بصراحه العربيه علي الوضع الرياضي بتاكل بنزين بطريقه بشعه لكن في الجو البرد ده مع سواقه لطيفه ومش زحمه ممكن تعمل 5 او 6 لتر بالكتير قوي لكل 100 كيلو , هو الفرق بصراحه بين 92 و 95 هي التفويله , انا شخصيا مش بحب استني لما التانك يفضي , يعني لما ينقص 20 لتر اروح ازود خلاص اخدت علي كده .

ياريت بقا التوكيل ينزل ابيزا كوبرا بوكانيجرا وبموتور tsi 1400 كمان , 180 هورس باور وعزم 132 !! علي وزن الابيزا الخفيف و كمان مع فتيس جبار , يعني 0-100 في حوالي 6 او 7 ثواني بالكتير .

دي أسرع ابيزا موجوده حاليا و في تاريخ عربيات الابيزا كلها .

[Eng_Moh.Dewair]

الخبر اتاكد النهارده فى ملحق سيارات الاهرام

[marmoraiaaa]

معلش سعرها كام ؟
علشان الى كنت اعرفه انها حتكون فى رينج قريب من رينج الابيزا الاوتوماتيك؟

فنزلت بكام؟؟

[Eng_Moh.Dewair]

مفيش اى اخبار عن الاسعار ولا المواصفات ولا الفئات

[abouetta]

الاسعار يوم الاتنين، انا كلمت التوكيل و قالوا كده، والله اعلم

[marmoraiaaa]

السعر رائع بجد يا جماعه السعر 130000 و فعلا سعرها كده حلو و منافس جدااااااااااااااااااا

[abouetta]

سعر ممتاز فعلاً، بس هي فئة واحدة و لا في اسعار تانية اعلي؟

و يا تري ايه المواصفات الي نازلة مصر، لان المواصفات بره رائعة الحقيقة

شكراً للمشاركة اختي الفاضلة

[marmoraiaaa]

معرفش كام فئه

بس الى اعرفه انها نازله بكامليات الابيزا ال 1600 سى سى يعنى كامله

الحاجه الوحيده حتلاقى التكيف مش ديجيتال ذى الابيزا 1600 بس كده

[abouetta]

معرفش كام فئه

بس الى اعرفه انها نازله بكامليات الابيزا ال 1600 سى سى يعنى كامله

الحاجه الوحيده حتلاقى التكيف مش ديجيتال ذى الابيزا 1600 بس كده

كلام جميل، عموماً انا لو عديت علي التوكيل قريب جنبي و هعرف التفاصيل و اشاركها معاكم ان شاء الله