درج التابلوة مش راضي يفتح

[Ahmad]

سلام عليكم,

القفل بتاع درج التابلوة عندي في الابيزا علق والدرج مش راضي يفتح خالص :(
حد عدي عليه الموقف دة ؟ و لو حد عنده اقتراحات لفتح درج التابلوة بدون اصابات يبقي كتر خيره :)

شكرا

[driftracer11]

عليك بالشاكوش والمطرقه ودوس يا ريس.........ههههههههههههه.......انا بهزر طبعا....بس ربنا يعينك على الموقف ده

[SEATLOVER]

هو موقف رخم فعلاً .. معلش
هو فى حلين يا احمد بس التانى متعب و مكلف شوية .. بس ميزتة انة بدون اصابات ذى ما بتقول ..

الاول : عايز مجهود ووقت منك شوية ..

عارف المفكات اللى بتبقى قى علبة صغيرة دى .. بتاعة الساعات
تحاول بمفك رفيع عادة مش صليبة اللى فيهم تدخلة بين باب التابلوة و الجزء اللى فية اللسان و تحاول تحرك اللسان اورا شوية مع الضغط للباب سنة لتحت و الى الامام كمان

التانى :
انك تفك التابلوة و تسقط الباب من ورا .. وبعدين تبقى تشوف قلب المفتاح لو هايحتاج يتغير




حاول كدة وربنا معاك

[cpt_shawky]

سلام عليكم,

القفل بتاع درج التابلوة عندي في الابيزا علق والدرج مش راضي يفتح خالص :(
حد عدي عليه الموقف دة ؟ و لو حد عنده اقتراحات لفتح درج التابلوة بدون اصابات يبقي كتر خيره :)

شكرا

حضرتك تاخد سيارتك وعند اى واحد متخصص مفاتيح سيارت هيحللك المشكلة وبدون عنف

[mohamed ibiza]

أويد الحل الاخير
















Ibiiiiiiiiiiiiiiiiiiiiiiiiiiiizzzzzzzzzzzzzzzzzzza aaaaaaaaaaaaaaaaa For Ever

[Ahmad]

عملوها الوحوش :)

الحمد لله يا جماعة ربنا وفقني و قدرت أفتح الدرج بأقل خسائرممكنة (خربوش صغير قوي في جلد الدرج) .
بواسطة مفك طويل قدرت أدخله من فتحة صغيرة من باب الدرج عن طريق سحبه (شده) لبره.
و بالمفك ده قدرت أزق لسان القفل المعلق جوه. الحمد لله :)
طبعا فكيت القفل و اكتشفت ان السلاح المعدن بتاعه اللي بيتحرك علشان يقفل و يفتح الدرج اتكسر من جوه علشان كدة زرار الدرج من بره مش بيحرك السلاح أصلا و هو دة سبب المشكلة.

كدة في الغالب مفيش قدامي غير اني أدور علي قفل جديد للدرج.
يا تري يا شباب القفل دة بيتباع جديد ولا أشوفة مستعمل علي طول؟

شكرا يا أهل السيات علي مشاركتكم و اهتمامكم :)

سلام

[alaa_dash]

الحمد لله انك عرفت تفتحه .بس انا عندي سؤال صغير .
افرض ان الرخص كانت في التابلوه..و كنت في لجنة و قاللولك الرخص و حصلك الموقف ده ......
تتوقع ايه هيبقى رد الفعل؟

[Ahmad]

هو موقف رخم فعلاً .. معلش
هو فى حلين يا احمد بس التانى متعب و مكلف شوية .. بس ميزتة انة بدون اصابات ذى ما بتقول ..
الاول : عايز مجهود ووقت منك شوية ..
عارف المفكات اللى بتبقى قى علبة صغيرة دى .. بتاعة الساعات
تحاول بمفك رفيع عادة مش صليبة اللى فيهم تدخلة بين باب التابلوة و الجزء اللى فية اللسان و تحاول تحرك اللسان اورا شوية مع الضغط للباب سنة لتحت و الى الامام كمان

أحمد : الحل دة جربته و المفكات الرفيعة دة اكتشفت انها اضعف و اقصر من انها تحرك السلا لدرجة ان المفكات دي وقعت جوة الدرج و انا بحاول افتحه :).

التانى :
انك تفك التابلوة و تسقط الباب من ورا .. وبعدين تبقى تشوف قلب المفتاح لو هايحتاج يتغير

أحمد: مشكلة الحل دة ان درج التابلوة أصلا عبارة عن حجرة مغلقة من جميع الجهات ما عدا الباب :( يعني لو طلعت تابلوه العربية كله بره مش هعرف أوصل للقفل برضه غير من ناحية الباب. دة غير صعوبة العملية دي.

حاول كدة وربنا معاك

حضرتك تاخد سيارتك وعند اى واحد متخصص مفاتيح سيارت هيحللك المشكلة وبدون عنف

المشكلة في الحل دة أن معظم المتخصصين اللي تعاملت معاهم في كل حاجة قبل كدة يغلب عليهم طابع (الغشامة) . و بالتالي انا بفضل أعمل الحاجات الحساسة دي بايدى اضمن.

شكرا علي ارائكم يا جماعة :)

[Ahmad]

الحمد لله انك عرفت تفتحه .بس انا عندي سؤال صغير .
افرض ان الرخص كانت في التابلوه..و كنت في لجنة و قاللولك الرخص و حصلك الموقف ده ......
تتوقع ايه هيبقى رد الفعل؟

حلو قوي السؤال دة يا alaa_dash :)

بس اعتقد ان اللي يحصله كده يبقي أمه داعيه عليه قبل ما ينزل :D
هو الصح ماتسيبش أي أوراق لهل علاقة بالعربية في العربية كلها مش في التابلوة بس.
عموما لوفرضنا و حصل كدة هشوف المخالفة تسوي كام و لو كانت اكبر من تمن باب التابلوة هتضر أكسره, انما لو اقل هتدفع المخالفة :p

[Ahmad]

سعر قفل الدرج إلي من يهمه الأمر !!!!

نزلت يوم الخميس شارع دمشق في مصر الجديدة علشان أسال علي كالون جديد بدل المكسور.
لقيته عند محلين بس. واحد قاللي سعره 125 جنيه و التاني قاللي سعره 200 جنيه :@

بالمناسبة أبو 200 جنيه قالي ان الدرج كله في حدود 250 جنيه !!!!

ماذا تفعل لو كنت مكاني ؟؟