قــررت شراء سيــات ليــون بعـد التخرج

[crazylambada]

مع احترامي الكامل لجميع رجالة السيات
الموقف ده هشوفته امبارح و خلاني اقرر
لو تفتكروا انا كنت محتار ما بين جين 2 و جراند بونتو و الابيزا
و في الاخر خلاص اخد القرار
.
.
.
.
.
.
.
.
.
.
.
حاستنى باذن الله تلات سنين و اول ما تاخرج باذن الله
هاجيب السيات ليون ان شاء الله:p
حد حيقول ايه اللي حصل
مفيش و انا بتجول بسيارتي لقيت واحد لسه شاري سيات توليدو حمراء ميتاليك
بسم الله ما شاء الله عليها;)
و كان عنده قبليها ابيزا موديل 98
فاصبحت ليا رغبة شديدة ان اكون من اعضاء نادي سيات
حيث تذكرت موقفي مع سيات ليون في معرض فورميلا الاهرام:)
يا بخت اعضاء نادي سيات
و ادعولي ان باذن الله التحق بيهم
و بجد انتم لازم تفتخروا بعربياتكم
و ربنا يحفظها ليكوم يا رب
:D:D:D:D:D:D:D:D:D:D

[SEATLOVER]

يا crazy انت مشرفنا فى قسم السيات وبنفتخر بيك جداً ومش لازم يكون معاك عربية من عربيات السيات عشان تبقى مننا .... وانت عضو بنعتز بية جداً معانا فى المنتدى و قسم سيات خاصاً لآنك متابع و عارف وعندك خبرة كبيرة انك تميز ..ودة واضح من مشاركاتك

السيات لها سحر و جاذبية خاصة اوى ..لما بيبقى عندك عنصر الاستقبال للسحر دة و المبنى على مفهوم عميق للعربيات ..بتلاقى التفاعل بينك و بينها بقى واضح اوى جواك و مستمر يوم بعد يوم

صدقنى كلنا مرينا بنفس الحلم بتاعك ..ومش عايز اكلمك عن نفسى واقولك انى من و وانا صغير كنت بحلم بعربية واحدة بس ... وهى الابيزا ال 94 اللمونى .. بتاعت واحد جارنا ..كنت اروح واقعد فيها بالساعات ..ويحصل بينا كلام كتير اوى .. وهو يفضل يضحك عليا ...ويقولى انا بحبها اوى برضو بس مش للدرجادى

بس لما ربنا كرمة و خلف ولد و واحتفظ بيها لية عرفت انة كان بيحبها اوى ذيى

وبعد كدة الحمد الله من مجهودى مش عايز اقولك على عدد الابيزات اللى ادرجت فيها

وعلى فكرة انا مشترك معاك فى نفس الحلم ..... بس بحلم ب
الالتـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــيا

حبنا و انتمائنا و عشقنا للعربيات دى ماجاش من فراغ
وليس كل الاغلى و الافضل ....... ممكن ان يستأثر ويستحوذ على و يجعلنى اعشقة

وياريت ذى ما احنا بندعيلك ربنا يوفقك و يسهلك طريقك و ينولك اللى فى بالك من تعبك و مجهودك و يسعدك دايماً باختيارك إن شاء الله .

انك انت كمان تدعلنا ان الهدف مهما كان تفاهتة بالنسبة لمعنى الحياة عموماً اننا بفضل الله نقدر نحققة لآن دة بيدينا الطاقة و القدرة و بيحفزنا ويدينا امل اننا نكمل المشوار .

يارب تتخرج و تشتغل و ينولك الليون باسرع وقت يا احلى crazy فى المنتدى إن شاء الله .إن شاء الله.إن شاء الله.

امين

[crazylambada]

متشكر جدا يا سيات لوفر
و انا اعتز ان انا في القسم ده
واعتز اكتر ان انا معاكم و مشارككم في الحديث
و باذن الله انا وانتا نجيب العربيتين مع بعض من التوكيل
بس مش عارف ليه انا نسيت كل المشاكل غلو قطع الغيار و التوكيل و بعده
نسيت كل حاجة و بقيت ببص ليها رغم ان احنا عندنا اوكتافيا A5
[س بجد نفسي فيها جدا لدرجة تموت متتخيليش السحر بتاعها
لدرجة ان انا حاسس اني بقيت مدمن عليها ربنا يحفظله العربية يا رب
انا حاسس ان انا كده بحسده ربنا يحميه من شرها يا رب
بس ايه رايك تعمل مواضيع كاملة عن موديلات السيات في القسم
انا حاولت اجمع معلومات عن السيات الليون بس كانت كلها فيديوهات مفيش صور
منهم فيديو اللي يشوفه و الله يشتري العربية
واحد قريبي قالي لا يا عم سيات و مش عارف ايه و ريتله الفيديو
الفيديو كان عبارة عن ثبات الليون على الطريق و انبهر بها جدا
يارب بس نخلص الكلية على خير و نروح علطول نجيبها
على فكرة النهاردة لقيت واحد عاوز يبيع عربيته ليون موديل 2005 ب 110 الف جنيه ماشية 59000كيلو

[SEATLOVER]

يا عم crazy اية الشعر و الاحاسيس دى ...فكرتنى بايام زمان يا راجل .. لما كنت ادك كدة ..كنت بغير فى العربيات السيات و انزل و اقعد فيها و اقعد افلى فيها و اكلمها..وفى الاخر الراجل بيبقى هايتنقط منى لو مشترتهاش ...هههه:D

فعلاً الواحد لما بيتعلق بحاجة اوى و يعشقها بينسى كل حاجة ممكن تكون وحشة فيها ..بس دة حال الدنيا احنا مهما كان بشر برضو .. بس احلى حاجة ان مفيش بصراحة عيب يجرح يعنى تقدر تقول علية
fatal mistake يعنى اى حاجة تانية ممكن بشوية ذكاء و خبرة تتغلب عليها علشان برضو الكمال الله وحدة .ودة صنع بنى ادميين فى الاخر ..صحيح الظروف اللى عايشين فيها خلتهم كدة ..بس فى الاخر ناس عادية .


بالنسبة للمواضيع ...ماتقلقش انا ان شاء الله بحضر مواضيع عن كل موديلات السيات ..بس انت عارف طبعاً انى ليا طريقة مميزة شوية .. مابحبش الموضوع يبقى كلام تقليدى او اتقال قبل كدة
بس انا مستنى شوية لآنشغالى حبة و كمان عشان بشوف ان مساعدة الاعضاء فى اسئلتهم اولى بالاهتمام بمواضيع بعيدة المدى شوية ..ز و كمان لما يبقى الجو حلو شوية ..احسن الايام دى حر رخم و تلم و يزهق ويطفش الواحد من الاقعدة اوىىىى

اهم حاجة دلوقتى يا crazy انك تركز فى كليتك اوى هى دى اللى بقيالك و هى دى اللى هاتخليك تجيب الليون إن شاء الله .
ربنا ينولك اللى فى بالك ومين سمعنا يارب ان شاء الله . امين


على فكرة العربية الليون ال 2005 اللى انت بتقول عليها ... شكلى اعرفة ....اصل انا تقريباً عارف معظمهم .. دى اصلاً عربية موديل تحفة جداً و عربية مش هاينزل ذيها تانى بس ماحدش يعرفها
و الكارثة بقى انها من جوة ... مطار انتر لاخت الدولى ... موضوع تانىىىىىى خالصصصصص

ربنا يكرم الجميع .إن شاء الله .

[crazylambada]

على فكرة انا قريت ان سيات حتنزل موديل من التيا دفع رباعي
و عندي صورتها لو حضرتك عاوزها

[dr_3eshoo]

و نعم الاختيار دي اقل كلمه اقولهالك

[mahamedaraby]

عربيه الصراحه شكلها تحفه

ربنا ينولك اللى فى بالك

[mohamed ibiza]

و نعم الاختيار عربية جميلة شكلا و موضوعا و التصميم بتاعها مش موجود في اي عربية في فئتها او حتي فئة تانية فعلا تصميم وهمي كفاية حركو الاكرة اللي ورا جامدة جداااااااااااااااا مش موجودة الا في الفا روميو هاتش باك تقريبا 147 مش فاكر بظبط.................













Ibiiiiiiiiiiiiiiiiiiiiiiiiiiiiiiiiiiiiiiiiiizzzzzz zzzzzzzzzzzzzzzzaaaaaaaaaaaaaaaaa For Ever