سؤال عن سعر الفانوس الأمــامى لإيبيــزا موديل 1999

[Ahmed_Abd]

السلام عليكم

الحمدلله ربنا وفقنا ب أبيزا موديل 99 بس كان عندى سؤال هو الفانوس الأمامى بكام لأن هى فانوسها مكسور

و أنا معرفش الأسعار خالص ف لو حد عارف ياريت يقول بس الفانوس الأصلى و كمان الأشاره اللى فى جنب

العربية و هل هو سعر واحد عند جميع محلات الأبيزا و لا فى تفاوت و فصال

شكرااااا :?:

[doglas]

أنا أعرف بس الفانوس الأمامي الأصلي بس (إستيراد) لأنى كتير سألت عنه لقيت معظم الموجود في السوق صينى ، فبصراحة بجيب الإسترياد أحسن حاجة

جوز الفانوسين الأماميين الإستيراد من 250 الى 300 حسب شطارتك
فانوس الإشارة الإستيراد من 40 الى 50 جنيه حسب برضه شطارتك

[Atef Saleh]

يا عم انا جبت فانوس استيراد قبل كده و كان لونه مطفى و القمره كانت مصديه من جوه
الجديد برضه احسن

[doglas]

الجديد كله صينى ، حتى لو لقيت تايوانى برضه بيبقى صيني بس كاتبين عليه تايوانى
جربتهم قبل كده مكملوش معايا شهرين تقريبا في الحر و لقيت القمرة إصفرت جدا جدا و سعرهم أرخص من الإستيراد (الفانوس ب 130 جنيه)

هى مرة واحد بس لقيت الأسبانى جديد عند سامح في شارع دمشق و كان عامل حوالى 550 جنيه للفانوس الواحد و مجبتوش طبعا

انا مركب إتنين إستيراد أسبانى (فاليو) دلوقتى ، و شغالين تمام جدا ، بس اختار فانوسين نضاف