بخصوص إثبات موتور الايبيزا على الرخصة

[egman]

السلام عليكم ورحمة الله وبركاته

انا كنت سقطت موتور للايبيزا موديل 94 وكنت عايز اعرف خطوات اثباته على الرخصة انا معايا صورة ضوئية من الافراج الجمركي واصل فاتورة شراء مختوم باسم الشركة المستوردة وموقع منها والرخصة باقى فيها سنة لسة وورق الموتور موجود فى مرور الدراسة هو وصل من بورسعيد على مرور الدراسة او بمعنى اوضح مكتوب فى الافراج الجمركي ان الورق فى مرور الدراسة فانا عايز اعرف اعمل ايه علشان انقل الورق المرور بتاعى واثبته على الرخصة وهل انى لو عملت القصه ده دلوقتى هدفع رسوم الفحص اكنى بفحص واجدد رخصة ولا اية النظام اية الخطوات والتكلفة .....

وجزاكم الله كل الخير ،،،

[alzelafy]

تقريبا بتستنى لما الورق يوصل المرور و تروح بالورق اللى معاك و تثبتو على الرخصه بتفحص بس عشان ياخدو البصمه الجديدة للموتور لكن الرخصه ساريه زى ما هى و التامين سارى مفيش مشكله الموضوع مش هيعدى 50 جنيه دا كلام واحد صاحبى انا مش متاكد

[crazylambada]

بص يا سيدي
هتشتري اورنيك فحص و اورنيك بيئه و ملف داخليه فيها كل الورق بما فيه استماره طلب بتبقى فاضيه و استماره 51
هتفحص العربيه بالكامل عادي خالص و هتروح تعمل حاجه اسمها ملحق بوليصه تامين
المهم كده خلصت شغل اللي هتحتاجه من العربيه تركنها كده و تعمل الاتي
قبل ما تفحص العربيه هتروح للموضف بتاع الافراج الجمركي يكتبلك بيانات الموتور على ضهر الاورنيك
بعد ما تخلص الفحص هتطلع على موظف الالفراج الجمركي تاني تاخد منه اصل الافراج الجمركي و تحطه في الدوسيه و تدفع رسم معين حسب تقدير الموظف و تكتب طلب للظابط بتغيير الموتور يوافق عليه و تخلص كل الورق و استماره 51 و في الاخر تخلي الظابط ياشر على استماره 51 للموظف تاخد الملف كله هياخد منك الملف كله و الرخصه القديمه
و تستنى دورك في الحصول على الرخصه الجديده لو انت حاطت النمر القديمه هتتغير لو مش حاطتها هتفضل زي ما هي
فلو انت حاطت القديمه تستغل الوقت تكون نازل تفك النمر القديمه من عربيتك و تطلع بيها تستلم الرخصه الجديده و تسلم النمر القديمه و تاخد النمر الجديده و بس

[egman]

الف الف الف شكر لحضراتكم على المعلومات المهمة وان شاء الله رنبا يسهل الامور .

بس يا ترى ورق الموتور على ما يروح المرور بتاعى ياخد وقت قد اية ؟

وهل فية فى كل مرور مكتب للإفراج الجمركي ؟

طيب انا لما اروح الدراسة هعمل اية هناك علشان انقل الورق الى المرور بتاعى ؟

[egman]

انا الحمد لله عملت نص المشوار انا رحت مرور الدراسة وصدرت الورق الى المرور بتاعى

1. بس ليا سوال دلوقتى رقم الموتور بيكون فين فى المكنة الـ 1400 انا فى الموتور القديم الى كان 1300 كان بتاع البصمة بيحط ورقة ويحكت عليها بس الورقة مش محطوطة على الرقم قدام عينة لا ده فى مكان تقريبا كان اسفل كوعة الاسبراتير يعنى الرقم بتاعه ما كنش واضح كده بالعين المجردة لازم تعمل موضوع الورقة ده ؟
   
   
2. طيب دلوقتى بقى فى الموتور الجديد الى هو 1400 يا ترى الرقم نفس الموال ولا بيكون واضح بحيث انى وانا واقف قدام الكبوت اقدر اقراءة بعينى على طول ولا لازم برده ورقة وبيجيبه من مكان اسفل جزء من الموتور او مكان مخفي ؟
   
   
3. طيب انا وانا واقف قدام الموتور بيكون فى قاعده من قاعدته ناحية اليمين رقمين فوق بعض او رقم مقسم على سطرين اول رقم فوق عبارة عن ارقام وحروف وبعد كده ارقام تانى وبينزل تحت منه يكمل فى السطر التانى ارقام تانى هل هو ده الرقم او واحد منهم الرقم ولا ده كود الموتور ؟

يا ريت يا جماعه ترودا عليا ضرورى علشان اطمن !!!!!!!!!!!!!!!!!!!!! لان الارقام الموجودة امام عينى على القاعده مش هى رقم الى فى الورق وهى اكبر منها وفبها حروف انجليزي .

[crazylambada]

بص هو بنسبه 90 في الميه هيبقى عند شجره الميه

[egman]

الحمد لله انا خلصت النهاردة الاثبات وطلع رقم الموتور فى جانبة اليمين من تحت ناحية الفتيس وتم اثباته على الرخصة والحمد لله

[crazylambada]

طب الحمد لله و يبقى كلامي مظبوط عند شجره الميه كل مواتير فولكس اظاهر كده

[behman]

بص يا سيدي
هتشتري اورنيك فحص و اورنيك بيئه و ملف داخليه فيها كل الورق بما فيه استماره طلب بتبقى فاضيه و استماره 51
هتفحص العربيه بالكامل عادي خالص و هتروح تعمل حاجه اسمها ملحق بوليصه تامين
المهم كده خلصت شغل اللي هتحتاجه من العربيه تركنها كده و تعمل الاتي
قبل ما تفحص العربيه هتروح للموضف بتاع الافراج الجمركي يكتبلك بيانات الموتور على ضهر الاورنيك
بعد ما تخلص الفحص هتطلع على موظف الالفراج الجمركي تاني تاخد منه اصل الافراج الجمركي و تحطه في الدوسيه و تدفع رسم معين حسب تقدير الموظف و تكتب طلب للظابط بتغيير الموتور يوافق عليه و تخلص كل الورق و استماره 51 و في الاخر تخلي الظابط ياشر على استماره 51 للموظف تاخد الملف كله هياخد منك الملف كله و الرخصه القديمه
و تستنى دورك في الحصول على الرخصه الجديده لو انت حاطت النمر القديمه هتتغير لو مش حاطتها هتفضل زي ما هي
فلو انت حاطت القديمه تستغل الوقت تكون نازل تفك النمر القديمه من عربيتك و تطلع بيها تستلم الرخصه الجديده و تسلم النمر القديمه و تاخد النمر الجديده و بس

+111111111111111
استاذ كبير

[tmsoo]

ياتري كلفك كام تسقيط الموتور وجبتة من عند مين عشان انا بفكر اسقط موتور عندي بس عايز اركبة كامل موتور بفتيس اوتوماتيك بالباور بالتكييف وياريت لو حد يعرف ويقولي يتكلف كام

[egman]

انا جبته من الحرفيين من واحد محترم جدا جدا وجبته بـ 4000 جنية بدون تكييف فقط مجهز للتكيف اما بخصوص سعر الفتيس الاوتوماتيك مش عارف عنه حاجة اما تكلفة التسقيط عديت الـ 1000 جنية .

[waelms3]

ازيك يا باشا انت سقطتة عند محمد الزعيم والا حد تانى

[egman]

أ / waelms3

الحمد لله يا باشا تمام وانا فعلا سقطت الموتور عند محمد الزعيم انت تعرفه ؟