بخصوص إشارات العربية والنور

[egman]

السلام عليكم ورحمة الله وبركاته

انا عندى مشكلة بتحصلى لما اجى اشغل إشارة العربية اليمين وانا ماشي بيها الى بيحصل كالاتى :

1. صوت الاشارة ولمبة الاشارة فى التابلوة بيكون سريع جدا الصوت ده الى بيكون عامل زي التكتكه بتاعه الاشارة الى بتسمعها او ما بتعمل الاشارة وورا بعضه على طول يعنى صوت متتالى على طول ولمبة الاشارة فى التابلوه برده بتقيد وتطفى بصورة سريعه جدا .
   
   
2. فانوس الاشارة الى مع الفانوس الكبير الامامي مش بيشتغل .
   
   
3. لمبة الاشارة فى رفرف العربية اليمين بتقيد وتطفى بسرعه كبيرة غير المعتاده وسرعه انارة المبة وطفيها متناسبة مع صوت الاشارة الى بيكون فى التابلوة ولمبة الاشارة الى فى التابلوة .
   
   
4. لمبة الاشارة فى الفانوس الخلفى من الجانب اليمين للعربية برده بتقيد وتطفى بسرعه كبيرة زي الى فى الرفرف .
   
   
5. اما فى حالة انى بلف الدركسيون عكس الاشارة فالموضوع بتعمل طبيعي جدا او بمعنى اوضح لما بعمل الاشارة اليمين وبتحصل كل الهيصة الى انا وصفتها فى الاول بس اول ما بلف الطارة واعدلها الاشارة بتفصل عادى جدا بصورة طبيعيه وبسمع صوت التكه بتاعه فصل الاشارة الى بيحصل او ما بتلف الطارة فى اتجاه الاشارة وبتعدلها تانى .

أما فى حالة انى شغلت الاشارة الشمال ما فيش فيها اى مشكلة نهائي صوت الاشارة طبيعي او التكتكه بتاعه الاشارة الى بتسمعها اول ما بتعمل الاشارة طبيعي جدا وهادى وسرعته طبيعيه ولمبة الاشارة برده حركتها طبيعيه جدا .

ملحوظة :

لما بشغل الانتظار كل المبات بتشتغل كويس جدا جدا فى كل جانب من العربية من حيث سرعه عمل اللمبات وطفيها وكمان صوت التكتكه بتاع الانتظار جوى العربية بيكون طبيعي جدا جدا وكمان لمبة الانتظار الى هى هى بتاعه الاشارة بتعمل بصورة صحيحة تماماً بس فانوس الاشارة الامامى برده مش بيكون شغال!!!!!!!!!!!

[matrix012]

يا باشا العيب ده كان عندى وروحت الحرفيين عند كهربائى اسمو شريف غيرى البورده الى جوه الفانوس الخلفى وركب كل حاجه زى ما كانت والحمد لله رجعت زى الفل وعموما انا رايحلو انهارده علشان يظبط نفس الحكايه فى عربية اختى وربنا يكرم
اما عن التكلفه هوا فى الاول هيحاول ينقع البورده فى ماية نار علشان الصدأ الى ممكن يكون فيها ولو نفعت يبقى تمام ولو منفعتش هتجيب البورد بحوالى 40 جنيه او انتا وشطارتك
وهوا بياخد مصنعيه 50 على التشييك على الاشارات وتشغيلها
وربنا يستر طريقك وطريقى

[egman]

الف شكر ليك يا باشا يعنى كده الحمد لله العيب مش فى دراع النور ؟

[engahmedsamy]

انا عندي بيعمل كدا اما يكون فيهم فانوس مش شغال

[matrix012]

لا يا باشا ان شاء الله العيب فى ظبط الكهرباء الى فى البورده زى ما قولتلك ومش عيب فى دراع النور

الف شكر ليك يا باشا يعنى كده الحمد لله العيب مش فى دراع النور ؟

[eredo]

العيب ده بيحصل لما يكون فيه لمبه من الاشارات مش شغالة
حاول انت بنفسك شوف لو اللمبة مش راكبة كويس او محروقة وغيرها

[MohssenRashed]

كدة في لمبة محروقة شوف الاول قبل ما تفك حاجة.

[ehab_mansour]

يااخي الفاضل
عندك ثلاث لمبات بينورو مع الاشارة في كل جنب (لمبة فانوس الاشارة الأمامي - لمبة الاشارة اللي علي الرفرف - لمبة الاشارة في الفانوس الخلفي )لو اي لمبة من دول اتحرقت وخاصة الأمامية او الخلفية هيحصل اللي حضرتك بتقول عليه
هتعمل كالتالي :-
هترفع كبوت العربية وتفك فيشة فانوس الاشارة الامامي من قاعدة اللمبة وتفك القاعدة نفسها من الفانوس هتطلع معاك هي واللمبة هتشتري لمبة بجنيه ونصف او الماني بحولي 3 الي 5 جنيه وتركبها مكان المحروقة وتجربها وهيا برة في ايدك قبل تثبيتها في الفانوس ولما تتأكد انها شغالة تمام ركب كل حاجه زي ماكنت وبس

ولا 50 مصنعيه ولا غيره والله الموفق

[haroun707]

السلام عليكم ورحمة الله وبركاته

انا عندى مشكلة بتحصلى لما اجى اشغل إشارة العربية اليمين وانا ماشي بيها الى بيحصل كالاتى :

1. صوت الاشارة ولمبة الاشارة فى التابلوة بيكون سريع جدا الصوت ده الى بيكون عامل زي التكتكه بتاعه الاشارة الى بتسمعها او ما بتعمل الاشارة وورا بعضه على طول يعنى صوت متتالى على طول ولمبة الاشارة فى التابلوه برده بتقيد وتطفى بصورة سريعه جدا .
2. فانوس الاشارة الى مع الفانوس الكبير الامامي مش بيشتغل .
3. لمبة الاشارة فى رفرف العربية اليمين بتقيد وتطفى بسرعه كبيرة غير المعتاده وسرعه انارة المبة وطفيها متناسبة مع صوت الاشارة الى بيكون فى التابلوة ولمبة الاشارة الى فى التابلوة .
4. لمبة الاشارة فى الفانوس الخلفى من الجانب اليمين للعربية برده بتقيد وتطفى بسرعه كبيرة زي الى فى الرفرف .
5. اما فى حالة انى بلف الدركسيون عكس الاشارة فالموضوع بتعمل طبيعي جدا او بمعنى اوضح لما بعمل الاشارة اليمين وبتحصل كل الهيصة الى انا وصفتها فى الاول بس اول ما بلف الطارة واعدلها الاشارة بتفصل عادى جدا بصورة طبيعيه وبسمع صوت التكه بتاعه فصل الاشارة الى بيحصل او ما بتلف الطارة فى اتجاه الاشارة وبتعدلها تانى .

أما فى حالة انى شغلت الاشارة الشمال ما فيش فيها اى مشكلة نهائي صوت الاشارة طبيعي او التكتكه بتاعه الاشارة الى بتسمعها اول ما بتعمل الاشارة طبيعي جدا وهادى وسرعته طبيعيه ولمبة الاشارة برده حركتها طبيعيه جدا .

ملحوظة :

لما بشغل الانتظار كل المبات بتشتغل كويس جدا جدا فى كل جانب من العربية من حيث سرعه عمل اللمبات وطفيها وكمان صوت التكتكه بتاع الانتظار جوى العربية بيكون طبيعي جدا جدا وكمان لمبة الانتظار الى هى هى بتاعه الاشارة بتعمل بصورة صحيحة تماماً بس فانوس الاشارة الامامى برده مش بيكون شغال!!!!!!!!!!!

اساذى الفاضل
الموضوع وما فيه بأختصار ان عند حضرتك فى الجانب اليمين لمبة الاشاره الاماميه محروقه والكتاوت والفلاشر اللى واصل للجنب اليمين له قدرة تحميليه محدده بقدره اللمض فا لما بتقل بيحصل التسارع اللى حضرتك بتقول عليه

حل الموضوع ده غايه فى البساطه ان حضرتك تجيب لمضه جديده بدل المحروقه وتغيرها الموضوع حيتظبط فوراً

ومافيش مشاكل بتسبب الموضوع ده تانى غير اللى انا قولتهولك

[matrix012]

يااخي الفاضل
عندك ثلاث لمبات بينورو مع الاشارة في كل جنب (لمبة فانوس الاشارة الأمامي - لمبة الاشارة اللي علي الرفرف - لمبة الاشارة في الفانوس الخلفي )لو اي لمبة من دول اتحرقت وخاصة الأمامية او الخلفية هيحصل اللي حضرتك بتقول عليه
هتعمل كالتالي :-
هترفع كبوت العربية وتفك فيشة فانوس الاشارة الامامي من قاعدة اللمبة وتفك القاعدة نفسها من الفانوس هتطلع معاك هي واللمبة هتشتري لمبة بجنيه ونصف او الماني بحولي 3 الي 5 جنيه وتركبها مكان المحروقة وتجربها وهيا برة في ايدك قبل تثبيتها في الفانوس ولما تتأكد انها شغالة تمام ركب كل حاجه زي ماكنت وبس

ولا 50 مصنعيه ولا غيره والله الموفق

كلام مظبوط والله تسلم يا باشا انا جربت كلامك فى عربية اختى وطلع زى الفل ده على كده الكهربائى كا نبيشتغلنى :d الحمد لله مش هروحلو تانى :)

[egman]

ايهاب باشا ربنا يكرمك يا اخى الكريم والحمد لله العيب طلع زي ما انت قلت فعلا وان السبب كان ان لمبة الاشارة محروقة فعلا جزاك الله كل الخير اول ما اتغريت كل بقى تمام .