شباب، لو حد لاحظ أي فرق فالمعاملة في توكيل أرض اللوا ، ياريت يبلغ!

[harban]

الموضوع اني لاحظت بطء شديد جداً، عيب فني محدش قالي عليه ، الكلام دة أخر مرتين رحت، خصوصاً مع غياب الباشمهندس عادل، هوا فعلاً في فرق ولا أنا عايش الوهم؟
باشمهندس وجدي مسؤول الشكاوي إلي فالدور التاني بتاع البورش (ربنا يوعدنا) لسة موجود،
فانا لسا مطمن

[zico900]

الباشمهندس عادل مشي من التوكيل ولا اه؟

[harban]

الباشمهندس عادل مشي من التوكيل ولا اه؟

أنا شايفه في الورشة ، بس واضح إنه مش فالاستقبال خلاص

[walidelwahsh]

فعلا المهندس عادل مابقاش في الاستقبال
لانة بصراحة رخم وعايش في الدور
هناك مهندس نادر
دا زي العسل
وبيتابع معاك كل صغير وكبيرة
لكن عادل دا كل مرة لازم افكرة بالعربية والعيب اللي فيها وجاية تعمل كذا
زمان كان فية مهندس بس اسطى كان اسمه رأفت بس مشي راح فولكس فاجن

[SYD]

انا كنت لسة هناك اول امبارح قابلت المهندس وديع
بصراحة كنت رايح اسأل مش بصلح ولا حتي دخلت العربية من اساسه كنت راكن برة
بصراحة الراجل في قطع الغيار في الدور الاول خدني من ايدي ونزل بيا الورش عند قطع الغيار وجابلي القطعة الي كنت بسأل عليها (في الاخر ماشترتش بردو لارتفاع السعر) والمهندس وديع كنت بستشيره ورد عليا بصدر رحب جدا
اعتقد الناس هناك متعاونة جدا وصبورة جدا
ودة المفروض لأن المنافسة شديدة من الباقيين وبالزات علي مراكز الخدمة الكل بيلعب ويهتم انه يقدم احسن خدمة ما بعد البيع

والله المستعان
،
،